04/01/2026
श्री सेतीदेवी माध्यमिक विद्यालय परिवारप्रति हृदयदेखि नै धन्यवाद ज्ञापन गर्न चाहन्छु।
विद्यालयको ६४औँ स्थापना दिवसको अवसरमा हाम्रो सानो योगदानलाई सम्मान गर्दै कदर–पत्र प्रदान गर्नुभएकोमा हामी अत्यन्तै गौरवान्वित भएका छौँ।
यस विद्यालयले शिक्षा, अनुशासन र सामाजिक विकासमा पुर्याउँदै आएको योगदान अत्यन्तै प्रशंसनीय छ। आगामी दिनहरूमा पनि विद्यालयको शैक्षिक उन्नति तथा भौतिक विकासमा आवश्यक सहयोग गर्न पाउँदा हामी सधैं तयार रहनेछौँ।
यसका साथै, यस स्थानमा आएर कार्य गर्न सहज वातावरण निर्माण गरिदिनु हुने धुलिखेल नगरपालिका वडा नं. २ का वडा अध्यक्षज्यू, वडा कार्यालय परिवार तथा धुलिखेल नगरपालिका प्रति पनि हामी हृदयदेखि नै कृतज्ञता व्यक्त गर्दछौँ।
स्थानीय तहबाट प्राप्त सहयोग, सहकार्य तथा सकारात्मक भूमिकाका कारण यो कार्य निर्धारित समयमै सफलतापूर्वक सम्पन्न गर्न सम्भव भएको हो। आगामी दिनहरूमा पनि यस्तै सहयोग, समन्वय र सहकार्यको अपेक्षा गर्दै मुरी–मुरी धन्यवाद ज्ञापन गर्दछौँ।
विद्यालय परिवार, शिक्षकहरू तथा सम्पूर्ण विद्यार्थीहरूलाई उज्ज्वल भविष्यको शुभकामना व्यक्त गर्दछौँ।
धन्यवाद।
