13/02/2026
नेपालीलाई विदेश जानु पर्यो भनेर चित्त दुखाउनेहरू हो-उत्तर कोरियाली नागरिकलाई सोध पिजडाको सुगा जस्तो जीवनको पीडा। संसारको कुनै पनि देशमा सहजै यात्रा गर्न सक्ने नेपालीहरू हो-अफगानिस्तान, सिरिया, इरान, क्युबाका नागरिकलाई सोध यात्रा प्रतिबन्धको पीडा। नेपालको राहदानी बोक्दा अपमान भयो भन्नेहरू हो- तिब्बती, भुटानी र प्यालेस्टाइनका नागरिकलाई सोध साथमा परिचय पत्र नहुनुको पीडा। नेपालमा काम पाउन गाह्रो भयो भन्नेहरू हो, पैसा नभएर बिहे गर्न डराएका भारत, अस्ट्रेलिया, न्यूजील्याण्ड र जापानका युवायुवतीहरू हेर।
हिप्पी ट्रेलमा हिँड्ने मान्छेहरू खान नपाएर हिँडेका थिएनन्, शिल्क रोडमा हात्ती र घोडा चढ्ने मान्छेहरू पागल थिएनन्। मान्छेहरु सँग खुट्टा थियो, उ हिँडिरह्यो। मान्छेहरूले जहाज बनायो, उ उडिरह्यो। कुनै बेला बलजफ्ती तरिकाले आधा विश्व पुगेका बेलायतीहरू भारत आउँदा भिषा लगाएर आएका थिएनन्। यो भिषा भन्ने कुरा औद्योगिक क्रान्ति पछि कल्पना गरिएको जैविक विभेद हो। चिनियाँहरूको आँखा सानो भए पनि संसारभरि ठूला-ठूला चाइना टाउनको साम्राज्य खडा गरिसकेका छन्। पुग्न त नेपालीहरू पनि संसारभरि पुगेका छन्, तर सस्तो ठर्रा संग कुहिएको मम खादै माचिक्ने भन्दै छन्।
श्रोत -दिल निसानी मगर को बाल बाट !
