11/10/2026
हाल देशका विभिन्न स्थानमा बाढी, पहिरो तथा प्राकृतिक विपत्तिका कारण उत्पन्न कठिन परिस्थितिप्रति हामी गहिरो दुःख व्यक्त गर्दछौँ। यस विपत्तिमा ज्यान गुमाउनुहुने सम्पूर्णप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा हार्दिक समवेदना व्यक्त गर्दछौँ। साथै, प्रभावित सम्पूर्ण दाजुभाइ तथा दिदीबहिनीहरूको शीघ्र उद्धार, सुरक्षित पुनर्स्थापना र सहज जनजीवनको कामना गर्दछौँ।
यस कठिन घडीमा दशैँ केवल उत्सव र उमङ्गको पर्व मात्र नभई आपसी सहयोग, सद्भाव, करुणा र मानवताको महत्व आत्मसात् गर्ने अवसर पनि हो। विपत्तिमा परेका नागरिकप्रति सहयोग र सहानुभूति प्रकट गर्दै सुरक्षित, संयमित र जिम्मेवार रूपमा चाडपर्व मनाउन हामी सबैमा हार्दिक अनुरोध गर्दछौँ।
यस पावन विजया दशमीको अवसरमा हाम्रा सम्पूर्ण कर्मचारी, शेयरधनी, ग्राहक, शुभचिन्तक, व्यावसायिक साझेदार तथा समस्त नेपाली दाजुभाइ तथा दिदीबहिनीहरूमा सुख, शान्ति, सुस्वास्थ्य, समृद्धि र उत्तरोत्तर प्रगतिको हार्दिक मंगलमय शुभकामना व्यक्त गर्दछौँ।
विपत्तिमा एकता, दुःखमा सहकार्य र हरेक परिस्थितिमा मानवता नै हाम्रो साझा शक्ति हो।
🌼 विजया दशमी २०८३ को हार्दिक मंगलमय शुभकामना!