11/08/2026
Switch to renewable Energy now. Choose only the trusted installer and dealer of Solar Supplies here in Western Visayas.
For your inquiries kindly call 09918367509 look for Delia to assist you.
Go Solar and conserve electricity and switch to Solar Energy now.
π£πππππ ππ§ π¦ππ‘π π¦π’πππ₯ π£π’πͺππ₯ π¦π¬π¦π§ππ , ππππ¨ ππ‘π πππ‘ππ£ππ¦π¬π’ πππππ‘π πππ§ππ₯π‘ππ§ππ©π π¦π’π¨π₯ππ π¦ππ‘π ππ¨π₯π¬ππ‘π§π
Daku ang benepisyo sang paggamit sang solar power system bilang alternative source sang kuryente bangud sa pag-uswag sang teknolohiya, ilabi na sa solar panels kag battery systems nga nagabulig sa paghatag sang suplay sang kuryente bisan sa maulanon nga tyempo.
Sa interview sang Bombo Radyo kay Dr. Bobby Gerardo, Vice President for Research, Extension and Innovation sang Northern Iloilo State University kag solar advocate, iya ginpahayag nga ang sobra nga kuryente nga gina-produce sang solar panels sa adlaw mahimo nga i-store sa battery kag gamiton sa gab-i kag daku nga bulig ilabi na sa tion nga malawig ang pag-ulan.
Suno sa iya, naga-uswag naman ang battery technology, lakip ang lithium iron phosphate ukon LFP batteries nga mahimo magdugay sang napulo ka tuig ukon sobra pa, depende sa paggamit kag kalidad sang produkto.
Pahayag pa ni Dr. Gerardo, mahimo man makabulig ang solar power sa pagpanubo sang electric bill, kag posible nga maka-tipid ang household sang 30 tubtob 70 porsyento, depende sa kapasidad sang solar installation.
Samtang, naganubo man ang presyo sang solar panels kun sa diin halin sa β±15,000 kada panel, yara na lamang ini sa β±5,000 tubtob β±6,000 ang pila ka panels.
Ginpahayag man sini nga mas ginapahapos na sang Department of Energy ukon DOE ang proseso sang pag-install sang pila ka kwalipikado nga small-scale solar systems paagi sa pagdula sang pila ka permit, fees kag regulatory requirements.
Bangud sini, ginsiling man ni Dr. Gerardo nga makabulig ini sa pagpanubo sang gasto kag pagpasimple sang proseso para sa mga panimalay, ospital, medical clinics kag iban pa nga pasilidad nga luyag maggamit sang solar energy.
Dugang pa niya, paagi sa pag-uswag sang teknolohiya kag mas simple nga proseso sa pag-install, mas nangin masaligan kag accessible ang solar power bilang alternative source sang kuryente.
By: π©ππππ π²πππππ π΄ππππππ
Interviewed by Bombo Donnie D. Degala/Bombohanay Bigtime
