26/09/2025
Kinilala ng Kagawaran ng Enerhiya ang Petron Corporation bilang isang DOE-Recognized LPG Training Institution, alinsunod sa pagpapatupad ng LPG Industry Regulation Act (RA 11592).
Ang pagkilalang ito ay nagpapalakas sa kakayahan ng Petron na mag-train ng mga kwalipikadong LPG professionals mula sa kanilang refinery, terminal, haulers, dealers, at retail outlets.
Tinitiyak ng DOE na ang mga dumadaan sa mga kinikilalang training institutions ay nakakatanggap ng de-kalidad na pagsasanay para sa ligtas na paghawak, tamang pag-iimbak at maayos na pamamahagi ng LPG. Ito ay para sa kaligtasan ng bawat pamilya at negosyo.
