16/06/2026
๐๐๐ก๐๐ฆ ๐ข๐๐ ๐๐ก๐๐๐ ๐๐ข๐ฃ๐๐ญ!
Noong Hunyo 13, nakaranas ng panghaharas, intimidasyon, at sapilitang interogasyon ang outgoing UP Engineering Student Council (UP ESC) Chairperson at USC Councilor-elect na si Angel Lopez habang nasa isang community immersion sa Nueva Vizcaya.
Habang nasa isang aktibidad kasama ang komunidad, sinundo si Angel ng kaniyang pamilya na may kasamang mga nakasibilyang militar. Habang nasa sasakyan kasama ang apat na hinihinalang intelligence agents bilang convoy, dinala siya sa isang kainan kung saan isinagawa ang interogasyon. Siya at ilang boluntaryo sa komunidad ay kinunan din ng litrato at isinailalim sa profiling.
Dumanas si Angel ng red-tagging at walang batayang mga akusasyon sa buong interogasyon. Ginamit din umano ang pag-aalala at bulnerabilidad ng kaniyang pamilya upang pilitin siyang "sumuko." Bagaman ligtas na siyang nakauwi, nagpapatuloy ang intimidasyon at panghaharas laban sa kaniya.
Ang insidenteng ito ay hindi isang hiwalay na pangyayari. Ito ay bahagi ng lumalawak na padron ng pananakot, surveillance, at pag-atake laban sa mga kabataan, mag-aaral, at mga lider-estudyante na pinipiling gamitin ang kanilang talino at kakayahan upang makiisa sa mamamayan at manindigan para sa kanilang mga karapatan.
Si Angel ay isang estudyante ng Kolehiyo ng Inhinyeriya ng UP Diliman na nagsilbi bilang Chairperson ng UP Engineering Student Council noong nakaraang taon at kasalukuyang halal na Councilor ng University Student Council. Nagtungo siya sa Nueva Vizcaya upang lumahok sa isang community immersion at tumulong sa paglulunsad ng environmental investigative mission sa mga lugar na lubhang naaapektuhan ng mapanirang pagmimina.
Naganap ang insidente sa gitna ng patuloy na mga paglabag sa karapatan ng mamamayan at sa kalikasan sa Nueva Vizcaya. Noong nakaraang taon, matatandaan ang pagpasok ng Woggle Corporation, isang British-owned na kumpanya, sa Dupax del Norte para sa eksplorasyon ng ginto. Mariin itong tinutulan ng mga residente at katutubong komunidad, na nagtayo ng mga barikadang bayan upang pigilan ang operasyon at ang posibleng pagkawasak ng kanilang kabundukan at pinagkukunan ng kabuhayan.
Matatandaan rin noong Pebrero 2026, humigit-kumulang 300 kapulisan ang idineploy upang buwagin ang naturang barikada at arestuhin ang pitong indibidwalโanim sa kanila ay kababaihan, at karamihan ay mga senior citizen. Matapos mapilitang ihinto ang operasyon ng Woggle Corporation dahil sa sama-samang pagkilos ng mamamayan, ang mga karatig-lugar naman ngayon ang humaharap sa panibagong banta ng mapanirang pagmimina.
๐ ๐๐ฅ๐๐๐ก๐ ๐๐๐ก๐ข๐๐ข๐ก๐๐๐ก๐ ๐ก๐ ๐จ๐ฃ ๐๐ก๐๐๐ก๐๐๐ฅ๐๐ก๐ ๐ฆ๐ง๐จ๐๐๐ก๐ง ๐๐ข๐จ๐ก๐๐๐ ๐๐ก๐ ๐ฃ๐๐ก๐๐๐๐๐๐ฅ๐๐ฆ, ๐๐ก๐ง๐๐ ๐๐๐๐ฆ๐ฌ๐ข๐ก, ๐๐ง ๐ฅ๐๐-๐ง๐๐๐๐๐ก๐ ๐๐๐๐๐ก ๐๐๐ฌ ๐๐ก๐๐๐ ๐๐ข๐ฃ๐๐ญ ๐๐ง ๐ฆ๐ ๐ ๐๐ ๐๐๐๐๐ง๐๐๐ก๐ ๐ก๐๐๐๐๐๐๐ฆ๐ ๐ฆ๐ ๐ ๐๐ ๐๐ข๐ ๐จ๐ก๐๐๐๐.
Isa itong malinaw na pagtatangka upang takutin at patahimikin ang mga estudyante at kabataang pinipiling lumubog sa masa, magsagawa ng pananaliksik, magdokumento ng mga paglabag sa karapatang pantao, at gamitin ang kanilang edukasyon sa paglilingkod sa bayan.
Bilang mga estudyante ng inhinyeriya, naninindigan tayo na ang agham at inhinyeriya ay dapat nagsisilbi sa mamamayan. Hindi dapat ginagamit ang ating kaalaman at kakayahan bilang mga estudyante at propesyunal upang bigyang-katwiran ang pagkawasak ng kalikasan at pag-agaw sa kabuhayan ng mga komunidad. Sa halip, tungkulin nating itaguyod ang mga solusyong makatao, makatarungan, at may pananagutan sa lipunan.
Walang krimen sa paglilingkod sa bayan! Hindi krimen ang makipamuhay sa mga komunidad, ang ipagtanggol ang kalikasan, at ang gamitin ang siyentipikong kaalaman upang ilantad ang lalim ng krisis na kinakaharap ng masang pinapahirapan at pinagsasamantalahan. Ang tunay na Inhinyero ng Bayan ay hindi kasangkapan ng iilang makapangyarihan. Hindi tayo nag-aaral para maging bahagi ng makinang lumilikha ng mga proyektong nagtataboy sa mga katutubo at magsasaka sa kanilang lupang ninuno, kundi upang igiit na ang agham at teknolohiya ay dapat nakaugat sa karapatan, dignidad, at kapakanan ng mamamayan.
Hindi na bago ang marahas na paninindak ng estado, kayaโt marapat lamang na buong-lakas nating igiit ang pagpapatigil sa militarisasyon sa kanayunan, ang pagwawakas sa kultura ng red-tagging at pasistang pananakot, at ang paniningil ng pananagutan sa lahat ng anyo ng panghaharas laban sa mga estudyante, inhinyero, at mamamayang naninindigan para sa kanilang karapatan. Ang nangyari kay Angel ay hindi hiwalay na insidente kundi malinaw na bahagi ng sistematikong panunupil sa kanayunanโkung saan ang estado ay gumagamit ng surveillance, intimidation, at red-tagging upang patahimikin ang sinumang tumitindig laban sa pandarambong, korapsyon, at pagwasak ng kalikasan.
Sa bawat kabataang lumalabas ng kampus upang makiisa sa masa, sinasalubong sila ng bantay-saradong galaw, pananakot, at karahasang pinaiigting ng kapangyarihan ng estado. Sa halip na magsilbing tagapangalaga ng mamamayan, ginagamit ang aparato ng pamahalaan upang ipagtanggol ang interes ng mga naghaharing uri at panatilihin ang umiiral na inhustisya.
Ang nangyari kay Angel ay patunay na ang makamasang agham, kritikal na pag-iisip, at aktibong pakikilahok sa lipunan ay itinuturing na banta ng isang sistemang takot sa katotohanan at takot sa organisadong paglaban.
