30/11/2023
ھارٹ انزاٸٹی۔ Heart Anxiety / Phobia
یوں تو انزائٹی ہر انسانی آرگن یا عضو کو متاثر کر سکتی ہے۔ جیسا کہ دل، دماغ ، معدہ جلد وغیرہ وغیرہ ، لیکن آج ہم ھارٹ انزائٹی کو سمجھے گئے ۔یہ ایک نفسیاتی مسلئہ ہے۔
انزائٹی کیا ہوتی ہے ؟ بغیر کسی خاص وجہ کے، بے چینی، گھبراہٹ، اضطراب، ڈر، خوف جیسی نفسیاتی کیفیت اینزائٹی Anxiety کہلاتی ہے۔ انزائٹی کی بہت ساری اقسام ہوتی ہیں اور ایک ہی وقت میں مریض کو بہت ساری نفسیاتی بیماریاں ہو سکتی ہیں۔
لیکن ھارٹ انزائٹی والے مریضوں میں دل کی دھڑکن کسی بھی ٹائم بہت زیادہ تیز ہو جاتی ہے۔دل کی دھڑکن 150 یا اس سے زیادہ تک چلی جاتی ہے، جو کہ نارمل 60 سے 100 تک ہوتی ہے۔ مریض کو لگتا ہے کہ اسکا دل پھٹ جائے گا، مریض ڈر جاتا ہے کہ اسے ھارٹ اٹیک ہونے والا ہے، دل بند ہو جائے گا یا پھر وہ مرنے والا ہے ۔ جسکی وجہ سے ھارٹ انزائٹی والے مریض کئی بار ایمرجنسی ہسپتال جاتے ہیں اور بار بار ای سی جی (ECG) کرواتے رہتے ہیں،اور تو کافی مریض (ECO)ایکو کارڈیو گرافی بھی کرا لیتے ہیں، جو کہ نارمل آتی ہے۔اور بہت ہی زیادہ وہمی مریض انجیو گرافی تک بھی کرا لیتے ہیں، جو کہ انجیو گرافی دل کی خطرناک بیماری میں کی جاتی ہیں۔ ھارٹ انزائٹی میں انجیو گرافی بھی بلکل نارمل آتی ہے۔ دراصل مریض کو کوئی ھارٹ اٹیک نہیں آتا۔ اور نہ ہی انکو کوئی دل کی بیماری ہوتی ہے۔ کیونکہ یہ ایک نفسیاتی مسلئہ ہے ۔یہ ایک واحد بیماری ہے جس میں مریض بار بار اپنی مرضی سے ای سی جی اور دوسرے ٹیسٹ کرواتا رہتا ہے کیونکہ اس کو لگتا ہے کہ اسے اصل میں دل کی کوئی بیماری ہے۔ اور ڈاکٹر حضرات اس کی بیماری کو سمجھ نہیں پا رہے۔
ھارٹ انزائٹی کی علامات
1:اچانک دل کی دھڑکن کا زیادہ ہونا یا دل کا بند ہونا لگنا
2:کسی بات کو سن کر ڈر جانا، کانپ جانا
3:کسی کی موت کی خبر سن کر ھارٹ اٹیک والی کیفیت ہونا
4:سانس رکتی ہوئی محسوس ہونا
5:لمبی لمبی سانس لینا جیسا کہ سانس رک رہی ہو
6:دل بیٹھتا ہوا محسوس ہونا،
7:حتی کہ سینے پر بوجھ یا بازو میں درد محسوس ہونا۔ جو خوف کا بڑھاتا ہے ۔
8:کوئی بری خبر یا کسی کی موت کا علان سن کر بہت زیادہ ڈر جانا،
(یوں تو ڈر ایک فطری عمل ہے ، لیکن اس میں مریض بغیر کسی خاص وجہ کے بہت زیادہ ڈرے گا، پریشان ہو گا)
بار بار ایسی علامات کا ہونا دراصل اضطراب یا اینزائٹی کی نشانی ہے۔ ویسے بھی چالیس سال سے کم عمر میں بی پی پرابلم بہت کم ھوتا ہے, بلکہ فوبیا۔یا انزاٸٹی ھوتی ھے، اور دوسرا انزائٹی کا زیادہ مسلئہ عورتوں کو ہوتا ہے۔
ھارٹ انزائٹی کی وجوہات / رسک فیکٹر
جیسا کہ
1:وراثتی یا فیملی ہسٹری
2:کیمیائی عدم توازن:
شدید یا دیرپا تناؤ کیمیائی توازن کو بدل سکتا ہے جو آپ کے موڈ کو کنٹرول کرتا ہے۔ طویل عرصے تک بہت زیادہ تناؤ کا سامنا کرنا ، انزائٹی کی وجہ بن سکتا ہے۔
3:ماحولیاتی عوامل:
صدمے کا سامنا کرنا ،کوئی حادثہ دیکھنا وغیرہ وغیرہ
4:شادی شدہ خواتین میں اس کی وجہ حمل اور حمل کی پیچیدگیاں بھی اس کی شدت کا سبب بن سکتی ہیں۔
5:بڑی عمر کے مردوں میں اس کی وجہ لمبے عرصہ سے معدے کے مساٸل کا شکار ھونا اور ہائپر ٹینشن بھی انزئٹی کی شدت کا سبب بن سکتے ہیں ،
6:اور مزید ہائپر ٹھرائڈ کا مسلئہ بھی انزائٹی کی وجہ بن سکتا ہے۔
(اور نوجوان لڑکوں اور لڑکیوں میں انزائٹی ڈیپریشن کی وجہ بہت زیادہ ماسٹربیشن / مشت زنی اور پورن اڈیکشن بھی سبسب بن سکتی ہیں ، لیکن اس کو میڈیکل سائنس، ڈیپریشن / انزائٹی کی وجہ نہیں مانتی ، یہ بندے کی سوچ پہ ڈیپنڈ کرتا ہے، ویسے بھی ہمارے ہاں کافی لوگ بلا وجہ کچھ چیزوں کو لے کر بہت زیادہ پریشان ہوتے ہیں ، جیسے اح**ام کو لے کر ، جریان ، جسمانی لیکوریا ، ٹائمنگ کی کمی، نفس کا چھوٹا اور ٹیڑھا ہونا وغیرہ وغیرہ)
ھارٹ انزائٹی کی تشخیص
تشخیص کے لیے ڈاکٹر سے رجوع کریں ۔ اپنی مرضی سے بار بار ای سی جی یا ایکو نہ کروائیں ۔ جو کہ سب ٹیسٹ نارمل آتے ہیں ۔
جب ایک دو بار ECG کلیٸر اے تو ھارٹ انزاٸٹی دنیا کا سب سے بڑا جھوٹ ھوتی ھے۔نہ تو دل بند ھوتا ھے اور نہ ھی ھارٹ اٹیک ھوتا ھے اور نہ ھی موت واقع ھوگی یہ خالی مریض کی سوچیں ھوتی ھیں۔ بلکہ انزائٹی کا پراپر علاج کروانا چائے۔
ھارٹ انزائٹی کا علاج
اس کے علاج میں میڈیسن اور سائیکالوجسٹ سے سیشن بھی لیے جاتے ہیں۔علاج کروانے میں شرم یا ہچکچاہٹ بلکل محسوس نہیں کرنا چاہیے، کیونکہ انزائٹی بہت بڑی گندی بیماری ہے۔جو مریض کو کسی کام کا نہیں چھوڑتی۔ باقی اپنی مرضی سے میڈیسن بلکل نہیں چھوڑنی چاہیے ،علاج کا دورانیہ پورا کرنا چاہیے ۔
1: ڈاکٹر کی ایڈوائس پر عمل کرنا چاہیے ۔
2:تجویز کردہ دوائیں باقاعدگی سے لیں۔
3:کیفین کی مقدار کو کم کریں۔
4: صحت مند غذا کھائیں۔
5: گہری سانس لینے کی مشقیں کریں (Deep breathing)
6: اپنے آپ کو کسی اچھے کام میں مصروف رکھیں، جتنا زیادہ مصروف راہو گئے اتنا زیادہ اچھا محسوس کرو گے۔
