09/09/2026
" عزتِ نفس (Self-Respect) اور خود غرضی (Selfishness) میں فرق "
آج صبح ہی صبح میلبورن سے عزیزی دوست شفق جعفری کا فون آیا۔ کہنے لگیں، ’’آپا! اتنی لمبی ویڈیوز نہ بنایا کریں، دیکھی نہیں جاتیں۔ لیکن آپ کا ہر جملہ اتنا اہم ہوتا ہے کہ میں دیکھتی کم اور سنتی زیادہ ہوں۔‘‘
سن کر میں ہنس پڑی اور سوچا، ٹھیک ہی تو کہہ رہی ہیں۔ لیکن مجھ سے جو مشکل سوال پوچھے جاتے ہیں، ان کا جواب مختصراً کیسے دوں؟
خیر، آج جو تم نے سوال پوچھا ہے، اس کا جواب بھی خاصا طویل ہے، لیکن آج ویڈیو نہیں بنا رہی، لکھ رہی ہوں۔ یوں جلدی پڑھا بھی جائے گا اور رک کر غور و فکر کرنا بھی آسان ہوگا۔
تم نے بے حد اہم اور قیمتی سوال پوچھا ہے۔ تو پھر چلتے ہیں اپنے موضوع کی طرف۔
سوال:
عزتِ نفس (Self-Respect) اور خود غرضی (Selfishness) میں کیا فرق ہے؟
جواب:
Self-respect
میں ہم اپنی عزت، ضروریات اور حدود کی حفاظت کرتے ہیں، مگر ساتھ ہی دوسرے کی عزت اور حقوق کو بھی تسلیم کرتے ہیں۔
Selfishness
میں ہم اپنی ضرورت، خواہش یا فائدے کے لیے دوسرے کے حق، احساسات یا ضروریات کو نظر انداز کر دیتے ہیں۔
" ایک آسان پیمانہ "
کسی فیصلے سے پہلے خود سے تین سوال پوچھیں:
1۔ کیا میں اپنے کسی جائز حق یا ضرورت کی حفاظت کر رہی/رہا ہوں؟
2۔ کیا اس عمل میں دوسرے کا کوئی جائز حق پامال ہو رہا ہے؟
3۔ کیا میں یہ کام خود کو بچانے کے لیے کر رہی/رہا ہوں، یا محض اپنی سہولت اور فائدے کے لیے دوسرے کو نقصان پہنچا رہی/رہا ہوں؟
اگر پہلے سوال کا جواب ’’ہاں‘‘ اور دوسرے کا ’’نہیں‘‘ ہے تو عموماً یہ Self-respect یا Healthy Boundary ہے۔ لیکن اگر میرا فائدہ دوسرے کے جائز حق کی قیمت پر حاصل ہو رہا ہے تو بات Selfishness کی طرف جا سکتی ہے۔
مثال 1: شوہر اور بیوی
شوہر غصے میں بیوی کو بار بار بے عزت کرتا ہے۔ بیوی کہتی ہے:
’’میں آپ سے اختلاف پر بات کر سکتی ہوں، لیکن گالی یا تذلیل کے دوران گفتگو نہیں کروں گی۔ جب آپ پرسکون ہوں گے، ہم بات کریں گے۔‘‘
یہ Self-respect اور Healthy Boundary ہے۔
لیکن اگر بیوی کہے:
’’تمہیں ہمیشہ وہی کرنا ہوگا جو میں چاہتی ہوں، ورنہ میں تمہیں سزا دوں گی یا تم سے بات بند کر دوں گی۔‘‘
یہ Boundary نہیں، بلکہ Control یا Manipulation بن سکتا ہے۔
ایک بات یاد رکھیے:
اپنی حد مقرر کرنا دوسرے کو Control نہیں کرتی، بلکہ Boundary یہ طے کرتی ہے کہ اگر ایسا ہوا تو ’’میں‘‘ کیا کروں گی/گا۔
مثال 2: دوست پیسے مانگتا ہے
آپ نے پہلے کئی مرتبہ مدد کی ہے، لیکن اب آپ کے اپنے اخراجات ہیں۔ آپ کہتے ہیں:
’’اس مرتبہ میں مالی مدد نہیں کر سکتی/سکتا۔‘‘
یہ Selfishness نہیں، Boundary ہے۔
لیکن اگر آپ کے پاس آسانی سے مدد کرنے کی استطاعت ہے، سامنے والا حقیقی مشکل میں ہے، آپ کے بہت قریب بھی ہے، مگر آپ صرف اس لیے مدد نہیں کرتے کہ ’’مجھے کسی سے کیا مطلب‘‘، تو یہ رویہ Self-centred یا Selfish ہو سکتا ہے۔
پھر بھی ہر صورت میں کسی کو پیسے دینا اخلاقی فرض نہیں۔ اصل وجہ اور حالات، یعنی Context، بہت اہم ہوتے ہیں۔
مثال 3: ماں اور بالغ بچے
اگر ماں اپنی پوری زندگی بچوں کے ہر مسئلے کی ذمہ داری خود اٹھاتی رہے، اپنی صحت، وقت اور ضروریات کو مسلسل نظر انداز کرتی رہے تو اسے لازماً محبت نہیں کہیں گے۔ یہ Poor Boundaries بھی ہو سکتی ہیں۔
ماں کہہ سکتی ہے:
’’میں تمہاری ماں ہوں، تمہاری مدد کروں گی، لیکن تمہاری ہر ذمہ داری اپنے سر نہیں لے سکتی۔‘‘
یہ Self-respect ہے۔
دوسری طرف اگر ماں یہ کہے:
’’میری زندگی میری ہے، مجھے تمہاری کسی مشکل سے کوئی غرض نہیں۔‘‘
تو انتہائی صورت میں یہ Selfishness یا Emotional Disengagement ہو سکتی ہے۔
مثال 4: کام کی جگہ
آپ چھٹی پر ہیں اور کوئی ساتھی کہتا ہے کہ میری Shift کر لیں۔
Self-respect
یہ ہوگی کہ آپ کہیں:
’’معذرت، اس دن میری ذاتی مصروفیت ہے، اس لیے میں Shift نہیں لے سکوں گی/گا۔‘‘
آپ کو اس کے لیے لمبی چوڑی وضاحت دینے کی ضرورت نہیں۔
لیکن اگر آپ ہمیشہ دوسروں سے اپنی Shifts Cover کرواتے ہیں اور جب دوسروں کو یہی مدد درکار ہو تو استطاعت رکھنے کے باوجود کبھی ان کی مدد نہیں کرتے، تو یہ Selfishness ہے۔
یہاں مسئلہ ’’نہیں‘‘ کہنا نہیں، بلکہ One-sided Pattern یعنی توقعات کا ہے۔
اب سوال یہ ہے کہ اصل Boundary کہاں ہے؟
میں اسے ایک چھوٹے سے Formula میں رکھوں گی، اور پلیز اسے یاد کر لیجیے:
Self-respect = My rights + Your rights
میرے حقوق بھی اہم ہیں، آپ کے حقوق بھی اہم ہیں۔
Selfishness = My wants/needs > Your rights
میری خواہش، ضرورت یا فائدہ آپ کے جائز حقوق سے زیادہ اہم ہو جائے۔
People-pleasing / Self-neglect = Your wants/expectations > My rights
آپ کی خواہشات، توقعات یا خوشی میرے جائز حقوق اور ضروریات سے زیادہ اہم ہو جائیں۔
اور اگر اسے مزید مختصر کر دیں تو:
Self-respect:
I matter, and you matter.
Selfishness:
I matter more than you.
Self-neglect:
You matter more than me.
یعنی صحت مند مقام درمیان میں ہے:
’’نہ میں اپنے آپ کو مٹا دوں، نہ اپنے آپ کو بچانے کے نام پر دوسروں کو مٹا دوں۔‘‘
ایک اور بہت اہم بات سمجھیے۔ Self-respect ہمیشہ نرم نہیں ہوتی۔
کبھی کسی Abusive Relationship سے نکل جانا، کسی رشتے میں ’’نہیں‘‘ کہنا، فون بند کرنا، فاصلہ رکھنا یا کسی کی ناراضی برداشت کرنا بھی Self-respect ہو سکتا ہے۔
دوسرے شخص کو آپ کی Boundary بری لگنا، اس بات کا ثبوت نہیں کہ آپ Selfish یا احسان فراموش ہیں۔
اسی طرح Selfishness ہمیشہ سخت لہجے میں سامنے نہیں آتی۔ کوئی شخص بہت محبت بھرے انداز میں بھی دوسرے کو Manipulate کر سکتا ہے:
’’اگر تم مجھ سے محبت کرتے ہو تو میری بات مانو۔‘‘
الفاظ نرم ہیں، لیکن ان کے ذریعے دوسرے کی Autonomy، یعنی اپنے بارے میں فیصلہ کرنے کا اختیار، چھینا جا رہا ہے۔
چلتے چلتے ایک اور باریک فرق بھی سمجھ لیتے ہیں۔ Self-respect اور Ego بھی اکثر آپس میں گڈمڈ ہو جاتے ہیں۔
Self-respect
کہتی ہے:
’’آپ نے میرے ساتھ غلط کیا، لیکن میں آپ کی بات سننے اور مسئلہ حل کرنے کے لیے تیار ہوں۔‘‘
Ego
ایگو کہتی ہے:
’’اس نے پہلے فون نہیں کیا تو میں بھی مرتے دم تک فون نہیں کروں گی۔‘‘
Selfishness
کہتی ہے:
’’مجھے جو چاہیے، وہ ملنا چاہیے، خواہ تمہیں تکلیف ہو۔‘‘
People-pleasing
کہتی ہے:
’’تم خوش رہو، چاہے میں اندر سے ٹوٹتی رہوں۔‘‘
اور Healthy Self-respect کہتی ہے:
’’میں بھی اہم ہوں، اور تم بھی اہم ہو۔‘‘
اسی لیے Boundaries دراصل دیواریں نہیں، دروازے ہیں۔
دیوار کہتی ہے:
’’کوئی میرے قریب نہ آئے۔‘‘
Healthy Boundary
کہتی ہے:
’’آپ میرے قریب آ سکتے ہیں، لیکن کس طریقے سے، یہ طے کرنے کا حق مجھے بھی ہے۔‘‘
یقین رکھیے دوستو!
’’اپنے آپ کو اہم سمجھنا خود غرضی نہیں، خود کو " واحد " اہم انسان سمجھنا خود غرضی ہے۔‘‘
آپ سب کے لیے بہت محبتیں اور دعائیں۔
