23/10/2025
گھر کا ڈیزائن کیسا ہو ؟
آپ کےذہن میں گھر کے ڈیزائن کا جو آئیڈیا موجود ہو اسے مزید واضح کریں۔ گھر کے سائز، لے آؤٹ اور فیچرز کی عملی تشریح کریں یعنی ایک کاغذ پر بنا لیں ۔ گھر کی شکل کا مکمل خاکہ بنائیں کہ اس میں کتنی منزلیں، کتنے کمرے، باتھ، کچن، سٹور، صحن، سیڑھیاں، راہ داریاں، سوئمنگ پول، گیراج وغیرہ ہوں گے۔ کون سے چیز اندازاًکتنی بڑی ہو گی اور کہاں کہاں ہو گی۔ آپ اپنے گھر کےڈیزائن کی جتنی اچھی وضاحت کریں گے آپ کا تخمینہ اتنا ہی درست اور حقیقت پسندانہ ہو گا۔
2۔ تفصیلی پلان
اگلے مرحلے میں آپ کسی آرکیٹیکٹ یا ڈیزائینر سے تفصیلی نقشہ بنوائیں۔ آپکا پہلے سے تیار کردہ رف آئیڈیل نقشہ آپ کی اور ڈیزائینر کی رہنمائی کرے گا۔ ڈیزائینر کا بنا ہوا تفصیلی نقشہ آپ کے نقشے کو پریکٹیکل شکل دے گا۔ اس میں ہر چیز کی تفصیل اوردرست پیمائشیں وغیرہ ہوں گی جو کہ گھر کی تعمیر میں استعمال ہوں گی۔ اس تفصیلی نقشے میں ہی میٹریل کی مقدار اور اقسام کا تخمینہ لگایا جاتا ہے۔ اسی نقشے کی مدد سے بجٹ بنایا جاسکتا ہے۔
3۔ پراجیکٹ کی تقسیم
گھر کا نقشہ بننے اور مطلوبہ رقم کا انتظام ہونے کے بعد تعمیر کا آغاز کریں۔ آپ اپنے پراجیکٹ کو کنسٹرکشن کے لحاظ سے مختلف حصوں میں تقسیم کریں مثلآ:
1۔ کنسٹرکشن فیز
2۔ فاونڈیشن
3۔ فریمنگ
4۔ روفنگ
5۔ انٹیریر فنشنگ
6۔ پلمبرنگ
7۔ الیکٹرک ورک
وغیرہ
4۔ کوٹیشن
اگلے مرحلے میں آپ مختلف تعمیراتی کمپنیوں اور کنٹریکٹرز سے کنسٹرکشن کے مختلف مراحل کے لیے کوٹیشن لیں۔دھیان رہے کہ کوٹیشن میں تمام عناصر یعنی لیبر، میٹیریل ، اضافی اخراجات وغیرہ الگ الگ اور واضح طور پر بتائے گئے ہوں یعنی تفصیلی کوٹیشن ہو۔ یہ کوٹیشن آپکو کم از کم چار پانچ جگہ سے لینی ہے۔
5۔ لوکل قیمتیں
اگر آپکا بجٹ کم ہے تو بہتر ہے اپنے علاقے سے جہاں گھر تعمیر کرناہے مختلف میٹیریل وغیرہ کی دکانوں سے خود بھی قیمت معلوم کر لیں۔اس طرح کوٹیشن میں اگر کوئی قیمت مارکیٹ سے زیادہ ہے توآپکو اندازہ ہو جائے گا۔ اس موازنے کے لیے آپکو مختلف میٹریلز کی مارکیٹ میں موجود مختلف کوالٹیوں کا علم ہونا بھی ضروری ہے۔ ہو سکتا ہے جس چیز کی قیمت زیادہ کوٹ کی گئی ہووہ اس کی بہتر کوالٹی کی قیمت ہو۔ بہر حال دونوں صورتوں میں آپکا سروے کام آئے گا اور آپکا قیمتی سرمائہ ضائع ہونے کی بجائے درست جگہ استعمال ہو گا۔
6۔ پرمٹ اور قانونی کاروائی کی لاگت
گھر کی تعمیر کے سلسلے میں جن جن قانونی کاغذات ،اپروول یا اجازت ناموں کی ضرورت پڑ سکتی ہے ان کی قیمتوں کے بارے میں معلومات حاصل کریں۔ تمام ضروری اجازت ناموں کی ایک لسٹ بنا لیں تاکہ کوئی رہ نہ جائے۔
7۔ احتیاطی تدبیر
گھر کے لیے مختلف چیزوں کی لاگت کا تخمینہ لگاتے ہوئےاحتیاط کے طور پر 10-20٪ اضافی خرچ کا مارجن رکھیں جو کسی ناگہانی مثلآ میٹریل کی قیمتوں میں اچانک اضافے کی صورت میں آپ کے کام آسکے۔
8۔ کل اخراجات کا تخمینہ
اب جبکہ آپ تمام میٹیریلز، لیبر اور دوسری طرح کے خرچے کا تخمینہ لگا چکے ہیں تو ان سب کو اکٹھا کر کے آپ اندازاً ٹوٹل لاگت معلوم کر سکتے ہیں۔اس کام کے لیے زیادہ بہتر ہے کہ آپ کسی ماہر کی مدد لےلیں کیوں کہ اگر آپ کو پہلے سے کنسٹرکشن کا تجربہ نہیں ہے تو ہو سکتا ہے کوئی اہم بات آپ سے نظر انداز ہو جائے۔
مجیب الرحمٰن
