14/01/2026
Kal raat main doston ke sath aik bohot hi shaandar shaadi hall ke bahar khara tha 🤔
Lights itni tez ke lag raha tha stage par Bollywood ka award show chal raha ho ✨
Gate par kharay guards mujhe ghour se dekh rahe thay 😐
Main ne confidence ke sath seedha andar qadam rakha 😎
Abhi buffet ki taraf ja hi raha tha ke peeche se awaaz aayi:
“Bhai kis side se ho?” 😳
Main ne mur kar dekha…
Dulhan ke chacha kharay thay 😒
Abhi main kuch bolta hi ke doosri side se dulhay ka cousin bhi aa gaya:
“Bhai aap kaun?” 😠
Ab scene tight ho chuka tha 😬
Hall bilkul khamosh… sab log meri taraf dekh rahe thay 👀
Main ne aik gehri saans li 🤯
Aur phir dheemi awaaz mein bola:
“Main… upar se hoon.” 😐
Dono aik sath bole:
“Upar se??” 😳
Main ne jeb se mobile nikala, screen ko dekha,
Aur bola:
“Hall ke cameras check karne aaye hain… report jani hai… bas thora cooperation chahiye.” 😐📱
Bas phir kya tha 😱
Chair turant aa gayi
Cold drink, biryani, korma, kebab… sab kuch line laga kar 😍
Aur dulhay ke walid ne dheemi awaaz mein kaha:
“Beta… koi masla na likhna… sambhal lena.” 😌
Jeb mein 5000 ka lifafa bhi aa gaya 💌
Jab main nikalne laga to guard ne poocha:
“Sir dobara kab aayenge?” 😁
Main ne muskurate hue kaha:
“Next shaadi par.” 😎
Aur haan…
Main biryani ka dabba bhi le kar gaya 😂🍚
