sabbo solar energy services

25/07/2025

" سولر پینلز سٹرکچر کے ڈیزائن پیرامیٹرز"
چھت یا بلڈنگ پر سولر پینلز کی تنصیب کیلئے سٹرکچر بنا کر اس کے اوپر سولر پینلز کو فٹ کیا جاتا ھے۔
سولر پینلز کے سٹرکچر عموماً دو طرح کے ہوتے ہیں ۔

1. سٹینڈرڈ پری فیبریکیٹڈ سٹرکچر

یہ سٹرکچر مختلف گیج کے GI شیٹ سے تیار کردہ پٹیوں یا پھر دیگر دھاتوں جیسے ایلومینیئم اور سٹیل وغیرہ کے بنے بنائے مل جاتے ہیں ۔ انہیں صرف نٹ بولٹس کی مدد سے جوڑنا ھوتا ھے اور پھر پینلز اس پر فٹ کر دیئے جاتے ہیں۔
یہ 2L اور 3L سٹرکچر/ سٹینڈ کہلاتے ہیں۔

یہ سٹرکچر ان چھتوں/ بلڈنگ کیلئے موضوع جہاں پر انسٹالیشن کے بعد اطراف سے سولر پینلز پر سائے/ شیڈنگ کے ایشو ناں ھوں۔

2. اپ لفٹ کسٹمائیزڈ سٹرکچر

یہ سٹرکچر ہر صارف کی ضرورت مطابق اپ لفٹ/ اٹھا کر اس طرح بنایا جاتا ھے کہ اطراف سے سولر پینلز پر کوئی سایہ/ شیڈنگ ناں پڑے۔ اسکو بنانے کیلئے عموماً مختلف گیج کے لوھے کے اینگل یا پائپ استعمال کئے جاتے ہیں۔

پاکستان میں عمومی طور پر یہی دو طریقہ کار استعمال کئے جاتے ہیں اور اس کیلئے سولر انسٹالر حضرات یا پھر ویلڈنگ اور فیبریکیشن سے متعلقہ افراد کی خدمات حاصل کی جاتی ہیں۔

مگر۔۔۔۔۔ کتنے ایسے افراد ، سولر انسٹالر ، ماہرین ویلڈنگ و فیبریکیشن ہیں جنھیں سولر سٹرکچر ڈیزائن پیرامیٹرز بارے معلومات ہوں؟؟؟؟

آپ دوستوں اور قارئین میں سے سینکڑوں ، ہزاروں نے اپنے گھر میں سولر سسٹم لگوایا ھوگا۔۔۔۔ کتنے ایسے جنھوں نے کسی ماہر فرد سے اس سولر سٹرکچر کو ڈیزائن کروایا ھو؟؟؟

اچھا ۔۔۔ تیز ہواؤں میں کتنے سولر سٹرکچر اور پینلز آپ نے اڑتے دیکھے ہیں ؟؟

تو دوستو ۔۔۔ اس مضمون کے ذریعے کوشش ھوگی کہ آپکو سولر پینلز کے اپ لفٹ سٹرکچر بارے سٹینڈرڈ ڈیزائن معلومات فراہم کر سکوں تاکہ ۔۔۔ جب کبھی آپ کا اس معاملے سے واسطہ پڑے تو بنیادی معلومات ہونے کی بناء پر آپ اچھا اور مناسب سولر سٹرکچر بنوا سکیں۔
سولر پینلز کے اپ لفٹ سٹرکچر ڈیزائن کرنے کے لیے عوامل اور فارمولے

سولر پینلز کے لیے اپ لفٹ سٹرکچر ڈیزائن کرتے وقت، کئی عوامل کو مدنظر رکھنا ضروری ہے تاکہ پینلز تیز ہواؤں اور دیگر ماحولیاتی دباؤ کا مقابلہ کر سکیں۔ ان عوامل میں وزن، ہوا کی رفتار، اور ڈھانچے کی جیومیٹری (structural geometry) شامل ہیں۔ ذیل میں ان عوامل اور ان سے متعلقہ فارمولوں کی تفصیل دی گئی ہے:

1. ہوا کا دباؤ (Wind Pressure)

ہوا کا دباؤ سب سے اہم عوامل میں سے ایک ھے جو سولر پینلز کے ڈھانچے پر اثرانداز ہوتا ھے۔ ہوا کا دباؤ سولر پینلز اور سٹرکچر کو اپنی جگہ سے ہٹانے یا اکھاڑنے کی کوشش کرتا ھے۔

فارمولا:
P = 0.5 x p x V^2 x Cp x A

یہاں:
P = ہوا کی وجہ سے لگنے والی قوت (نیوٹن)
p = ہوا کی کثافت (عام طور پر سمندری سطح پر 1.225 کلوگرام/مکعب میٹر)
V = ہوا کی رفتار (میٹر فی سیکنڈ)
Cp = پریشر کوافیشینٹ (Pressure Coefficient)، یہ پینل کی شیپ اور زاویہ پر منحصر ہوتا ہے اور عام طور پر 1.0 سے 2.0 کے درمیان ہوتا ہے، لیکن مخصوص حالات میں زیادہ بھی ہو سکتا ہے۔
A = پینل کا وہ رقبہ جس پر ہوا لگ رہی ھے (مربع میٹر)

Important points اہم نکات:
ڈیزائن کرتے وقت، اس علاقے کی زیادہ سے زیادہ متوقع ہوا کی رفتار کو مدنظر رکھنا بہت ضروری ہے جہاں پینلز نصب کیے جا رہے ہیں۔
پینلز کی تنصیب کا زاویہ (tilt angle) بھی ہوا کے دباؤ کو متاثر کرتا ہے۔ کم زاویہ والے پینلز پر ہوا کا دباؤ کم ہوتا ہے جبکہ زیادہ زاویہ والے پینلز پر زیادہ۔

2. ڈیڈ لوڈ (Dead Load)

ڈیڈ لوڈ سے مراد پینلز اور ان کے سٹرکچر کا اپنا وزن ہے۔ یہ وزن ڈھانچے پر نیچے کی طرف عمل کرتا ہے۔

فارمولا:
WD = Mp + Ms

یہاں:
WD = کل ڈیڈ ویٹ (نیوٹن)
Mp = سولر پینلز کا کل وزن (کلوگرام میں، پھر g سے ضرب دے کر نیوٹن میں تبدیل کریں)
* Ms = سٹرکچر (فریم، سپورٹ وغیرہ) کا کل وزن (کلوگرام میں، پھر g سے ضرب دے کر نیوٹن میں تبدیل کریں)
g = کشش ثقل کی وجہ سے سرعت (تقریباً 9.81 m/s^2)

Important points اہم نکات:
ڈیڈ ویٹ سٹرکچر کو مستحکم رکھنے میں مدد کرتا ہے، خاص طور پر ہوا کے اپ لفٹ کے خلاف۔
سٹرکچر کے ڈیزائن میں ہر پینل کا وزن اور سپورٹ سسٹم کا وزن دونوں شامل ہونے چاہئیں۔

3. برف کا وزن (Snow Load - اگر قابل اطلاق ہو)

اگر پینلز ایسے علاقے میں نصب کیے جا رہے ہیں جہاں برف باری ہوتی ہے، تو برف کا وزن بھی سٹرکچر پر دباؤ ڈالتا ہے۔

فارمولا (عام طور پر ہر علاقے کے بلڈنگ کوڈز کے مطابق):
Ls = Cs x Pg x A

یہاں:
Ls = برف کی وجہ سے لگنے والا وزن (نیوٹن)
Cs= سنو کوافیشینٹ (Snow Coefficient)، جو چھت کی شکل اور درجہ حرارت پر منحصر ہوتا ہے۔
Pg = زمینی برف کا دباؤ (Ground Snow Load) (کلوگرام/مربع میٹر یا نیوٹن/مربع میٹر)، یہ ہر علاقے کے لیے مخصوص ہوتا ہے۔
A = پینل کا رقبہ (مربع میٹر)

4. ڈیزائن کے دیگر اہم عوامل

مندرجہ بالا فارمولوں کے علاوہ، سولر پینل سٹرکچر کو ڈیزائن کرتے وقت کئی دیگر عوامل پر بھی غور کرنا چاہیے۔

مٹی کی قسم اور بنیاد (Soil Type and Foundation):
زمین کی مٹی کی قسم اور ڈھانچے کی بنیاد اس بات کو متاثر کرتی ہے کہ ڈھانچہ کتنے بوجھ کو برداشت کر سکتا ہے۔

زلزلے کا بوجھ (Seismic Load):
زلزلہ زدہ علاقوں میں زلزلے کے بوجھ کو بھی مدنظر رکھنا ضروری ہے۔ یہ بوجھ افقی سمت میں ڈھانچے پر اثرانداز ہوتا ہے۔

مواد کا انتخاب (Material Selection): سٹرکچر کے لیے استعمال ہونے والے مواد کی مضبوطی، سنکنرن مزاحمت (corrosion resistance)، اور زندگی (lifespan) کو مدنظر رکھنا چاہیے۔ عام طور پر ایلومینیم اور سٹیل استعمال ہوتے ہیں۔

تھکاوٹ (Fatigue):
وقت کے ساتھ ہوا کے مسلسل دباؤ کی وجہ سے ڈھانچے میں تھکاوٹ پیدا ہو سکتی ہے، لہذا ڈیزائن میں اس کا بھی خیال رکھا جائے۔

بلڈنگ کوڈز اور معیارات (Building Codes and Standards):
ہر علاقے کے اپنے بلڈنگ کوڈز اور معیارات ہوتے ہیں جن پر عمل کرنا ضروری ہے۔ یہ کوڈز ہوا کی رفتار، برف کے دباؤ، اور زلزلے کے بوجھ کے لیے مخصوص مقداریں / ویلیوز فراہم کرتے ہیں۔

مینٹی نینس (Maintenance):
ڈیزائن ایسا ہو جو پینلز کی آسان صفائی اور دیکھ بھال کی اجازت دے۔

ڈیزائن کا عمل

لوڈ کی شناخت: تمام ممکنہ بوجھ (ہوا، ڈیڈ، برف، زلزلہ) کی شناخت اور ان کی شدت کا تعین کریں۔

سٹرکچرل تجزیہ:
ان بوجھوں کی بنیاد پر سٹرکچر کا تجزیہ کریں تاکہ یہ یقینی بنایا جا سکے کہ ڈھانچہ ان بوجھوں کو برداشت کر سکے گا۔ اس کے لیے finite element analysis (FEA) جیسے سافٹ ویئر ٹولز استعمال کیے جا سکتے ہیں۔

مواد اور جیومیٹری کا انتخاب:
مناسب مواد اور ڈھانچے کی جیومیٹری کا انتخاب کریں جو بوجھ کو برداشت کر سکے اور لاگت مؤثر ہو۔

حفاظتی عوامل (Safety Factors): ڈیزائن میں ہمیشہ حفاظتی عوامل شامل کریں تاکہ غیر متوقع حالات یا زیادہ بوجھ کی صورت میں ڈھانچہ محفوظ رہے۔ عام طور پر، ڈیزائن کردہ بوجھ کو ایک حفاظتی عنصر سے ضرب دیا جاتا ہے۔

اگر سولر پینلز اور سٹرکچر کو پتنگ بننے سے بچانا ھے تو۔۔۔۔
یہ فارمولے اور عوامل ایک بنیادی رہنما خطوط فراہم کرتے ہیں۔ تاہم، سولر پینل سٹرکچرز کی ڈیزائننگ ایک پیشہ ورانہ انجینئرنگ کام ہے جس کے لیے مخصوص علم اور تجربے کی ضرورت ہوتی ہے تاکہ حفاظت اور کارکردگی کو یقینی بنایا جا سکے۔

پوسٹ پسندیدگی کی صورت میں شکریہ

سلامت رہیں!

17/06/2025

ایک عام فرد جسکا تعلق بلکل بھی ٹیکنکلی فیلڈ سے نہیں ہے۔
وہ یہ سمجھتا ہیکہ شاید سولر انرجی بجلی کی ایک دوسری قسم ہے جس کی وجہ سے وہ نہ جانتے ہوئے بھی جانکاری کا دکھاوا کررہا ہوتا ہے کہ مجھے سب علم ہے۔
مثلا کوئی کہے گا میں نے سولر لگوالیا ہے بس سولر والے فین لگانا باقی ہیں...
یا کوئی کہے گا میں نے سولے والے پنکھے لے لئے ہیں دیگر چیزیں لینا باقی ہیں۔
سولر پلیٹ سے پیدا ہونے والا کرنٹ ڈی سی ہوتا ہے۔ عرف عام میں بجلی جسے کہا جاتا ہے وہ کرنٹ اے سی کرنٹ ( alternative current) کہلاتا ہے۔
اگر آپ صرف پنکھے یا لائٹیں چلانے چاہ رہے ہیں تو وہ آپ ڈی سی کرنٹ سولر پلیٹ کی جنریشن سے چلا سکتے ہیں... بس آپکا پنکھا ڈی سی کرنٹ پے چلنے والا ہو اسی طرح بلب بھی...
یہاں ایک عمومی غلطی...
بہت سے دوست سولر پلیٹ کا تار سیدھا بیٹری سے جوڑ دیتے ہیں، جس سے بیٹری اوور چارج ہوکر خراب ہوجاتی ہے،
بہت سے لوگ بڑی پلیٹ کیساتھ PWM چارج کنٹرولر لگالیتے ہیں... پھر شکوہ کرتے ہیں ہماری بیٹری چارج نہیں ہورہی... وجہ PWM چارج کنٹرولر بڑی پلیٹ کی طاقت کو تقسیم کرکے اپنی پروگرامنگ کے تحت بڑی پلیٹ سے 150/180واٹ تک کرنٹ لیتے ہیں... باقی وولٹ ضائع ہوجاتے ہیں...
لہذا PWM چارج کنٹرولر کیساتھ ہمیشہ 200/280واٹ تک کے پینل صرف پیرالل صورت میں لگائیں... جتنی پلیٹس ہوں سب کی + ++ ایک جگہ سب کے - - - ایک جگہ جمع کرکے چارج کنٹرولر کے انپٹ پر لگائیں...
دوسری بات چارج کنٹرولر کو سب سے پہلے بیٹری کے کنکشن فراہم کریں...

اگر آپ بڑی پلیٹس لگارہے ہیں تو اسکے ساتھ لازما... ایم پی پی ٹی کنٹرولر لگائیں ،
اب اگر پلیٹس چھوٹی ہیں تو آپ دو پلیٹس کو سیریز کنکشن کرکے دو اسٹنگ بنالیں، اور انہیں ایم پی پی ٹی تک پیرالل کرکے لیکر جائیں...
اگر یہاں دو بڑی پلیٹس ہوں تو اسے پیرالل کنکشن کریں...

موضوع کی طرف لوٹتے ہیں... بہت سے لوگ آجکل سولر پلیٹس کیساتھ انورٹر اٹیچ کرتے ہیں... انورٹر کا کام سولر پلیٹس کے کرنٹ کو گھر کی بجلی جیسا بنانا ہوتا ہے...
مطلب alternative current... جب آپکے انورٹر نے یہ کام انجام دے دیا تو پھر آپ کیوں سولر والے پنکھے ، سولر والی استری، سولر والے فریج ڈھونڈ رہے ہوتے ہیں۔؟
ہاں پنکھے آپ ضرور چینج کریں، لیکن اے سی ڈی سی کہہ کر نئے پنکھے مت لیں، آپ انورٹر فین کہہ کر بھی پنکھے لے سکتے ہیں، دراصل بات یہ ہیکہ ہمارے گھروں میں لگے پرانے پنکھے بہت بجلی کنزیوم کرتے ہیں جبھی سولر انسٹالر آپکو لانگ بیک اپ کیلئے کم واٹ والے پنکھے سجسیٹ کرتا ہے... تا کہ بیٹری لانگ بیک اپ دے سکے...
لیکن عام فرد بات بات کو سمجھ نہیں پاتا وہ پنکھے بھی یہ کہہ کر لاتا ہے کہ میرے گھر سولر لگا ہے مجھے اے سی ڈی سی فین دو، مجھے استری دو، مجھے فریج دو...
یہ ایک عمومی غلطی ہے...
اگر آپ نے انورٹر والا سولر سسٹم لگوالیا ہے تو آپ آلات بجلی جدید ترین یہ کہہ کر لیں کہ مجھے انورٹر فین چاہئے، مجھے انورٹر فریج ، یا ڈیپ فریزر درکار ہے...
سولر والے یعنی ڈی سی کرنٹ پر چلنے والے بھی فریج آرہے ہیں...
بیچارے سادہ لوح افراد اپنی چیزیں جلا بیٹھتے ہیں...
ایک صاحب نے ڈی سی استری اپنے اے سی سسٹم سولر پر لگاکر مجھے شکایت کی میری استری جل گئی... وجہ اوپر بیان کردہ ایک عمومی غلطی ہے۔
جسے ایک عام فرد سمجھ نہیں پارہا...
امید ہیکہ پوسٹ کا مقصد کچھ نہ کچھ سمجھ آہی گیا ہوگا....
معلومات سمجھ آئی ہوں تو اسے اپنے جاننے والو کیساتھ شئیر کریں۔
اور سولر کے حوالے سے دیگر معلومات کیلئے مجھے فالو کریں... شکریہ

20/04/2025

ایک لیڈ ایسڈ بیٹری کی نارمل لائف 3 سے 5 سال ہوتی ہے۔ اس کے باوجود اگر آپ کی بیٹری دو اڑھائی سال میں ہی بیک اپ ڈراپ کر گئی ہے تو اس کی کچھ وجوہات ہیں اور حل بھی۔

ویسے تو بیک اپ کم ہونے کے کئی اسباب ہیں لیکن پاکستان میں جلد خراب ہونے والی 80 فیصد سے زائد بیٹریوں کی ذمہ دار سلفیشن ہے۔ اگر آپ سلفیشن کا میکانزم سمجھ لیں تو بیٹری کو بچانا آسان ہو جائے گا۔

سلفیشن بیٹری کی پلیٹوں پر لیڈ سلفیٹ کی تہہ جمنے کے عمل کو کہتے ہیں۔ یہ بیٹری کا ایک روٹین پراسس ہوتا ہے۔ جب بیٹری ڈسچارج ہوتی ہے تو لیڈ سلفیٹ پلیٹوں پر چپک جاتا ہے۔ واپس چارج ہونے پر یہی لیڈ سلفیٹ دوبارہ تیزاب میں حل ہو جاتا ہے۔

مسئلہ تب ہے جب لیڈ سلفیٹ کی تہہ پلیٹوں پر جم کر سخت ہو جائے، اور پلیٹوں اور تیزاب کے درمیان کرنٹ گزرنے کی رفتار سست کر دے۔ تب پلیٹیں کرنٹ نہیں پکڑتیں اور بیٹری مکمل چارج نہیں ہو پاتی۔ جب بیٹری پوری طرح چارج نہیں ہو گی تو بیک اپ بھی پورا نہیں دے گی۔

اُس وقت ہم کہتے ہیں کہ بیٹری کی لائف ختم ہو گئی۔ لیکن حقیقت میں پلیٹیں تندرست ہوتی ہیں۔ صرف اُن پر لیڈ سلفیٹ کی ایک تہہ جمی ہوتی ہے۔ اگر یہ تہہ اتار دی جائے تو بیٹری کا بیک اپ ری سٹور ہونے لگتا ہے۔

اب سوال یہ ہے کہ سلفیشن ہوئی کیوں۔ اس کی 4 بڑی وجوہات ہیں۔

1. زیرو TDS کی بجائے عام پانی کا استعمال

لوگ اکثر بیٹری میں عام نل والا پانی ڈال دیتے ہیں۔ اِس پانی میں نمکیات موجود ہوتے ہیں جو سلفیشن کے عمل کو تیز کر دیتے ہیں۔ لیڈ سلفیٹ پلیٹوں پر جمتا زیادہ ہے اور اُترتا کم ہے۔ یوں بیٹری ایک دو سالوں میں ہی بیک اپ ڈراپ کر جاتی ہے۔

بیٹری میں ہمیشہ کسی اچھی کمپنی کا بیٹری واٹر ڈالیں جو ڈسٹلڈ اور زیرو TDS ہو۔ کوشش کریں کہ کسی بیٹری بنانے والی کمپنی مثلا AGS وغیرہ کا پانی استعمال کریں۔ یہ میسر نہ ہو تو اے سی سے نکلنے والا پانی ڈال لیں لیکن وہ بھی تقریباً 40 TDS ہوتا ہے۔

2. بیٹری مکمل چارج نہ کرنا یا شدید ڈسچارج کرنا

مکمل ڈسچارج کے بعد اگر آپ بیٹری کو پوری طرح چارج نہیں کریں گے تو پلیٹوں پر لیڈ سلفیٹ کی تہہ جمی رہ جائے گی اور وقت کے ساتھ ساتھ سخت ہو کر بیک اپ کم کر دے گی۔ یہ مسئلہ عموما کار یا سولر کی بیٹریوں کے ساتھ ہوتا ہے۔ کار کبھی زیادہ چلتی ہے کبھی کم۔ اِسی طرح سورج کی تپش بھی موسم کے حساب سے بدلتی رہتی ہے۔ سردیوں میں کئی دفعہ دو دو مہینے بیٹری مکمل چارج ہی نہیں ہو پاتی اور لیڈ سلفیٹ کو سخت ہونے کا موقع مل جاتا ہے۔

اِس سے بچنے کے لیے دو کام کریں۔ ایک تو بیٹری کو 20 فیصد سے کم ڈسچارج نہ کریں۔ دوسرا، ہر دو ہفتے بعد یا کم از کم مہینے میں ایک دفعہ بیٹری کو فل چارج ضرور کریں۔

3. بیٹری کو زیادہ درجہ حرارت پر سٹور کرنا

بیٹری کو ہمیشہ روم ٹمپریچر یعنی 25 ڈگری سینٹی گریڈ یا اس سے کم پر ہی سٹور کریں۔ اگر آپ کے گھر بیٹری والی جگہ کا درجہ حرارت 35 ڈگری سینٹی گریڈ کے لگ بھگ ہے تو بیٹری کا سیلف ڈسچارج ڈبل ہو جائے گا اور سلفیشن انتہائی تیز ہو جائے گی۔

4. بیٹری کا پانی وقت پر چیک نہ کرنا

جب بیٹری میں تیزاب کا لیول کم ہو جائے تو پلیٹیں ننگی ہو کر خشک ہونے لگتی ہیں۔ جہاں جہاں لیڈ سلفیٹ کی تہہ جمی رہ جائے وہ مزید سخت ہونے لگتی ہے۔ پلیٹوں کو زنگ کھانے لگتا ہے۔ الیکٹرولائٹ گاڑھا ہو جانے کی وجہ سے بیٹری گرم ہونے لگتی ہے اور بعض اوقات پھٹ بھی سکتی ہے۔ اِس لیے بیٹری کے پانی کو ہر گز نظر انداز نہ کریں۔

گرم علاقوں کے لوگ بیٹری کا پانی ہر پندرہ دن بعد اور ٹھنڈے علاقوں کے لوگ ہر مہینے بعد چیک ضرور کریں۔ اور یاد رہے، نل والا پانی ہر گز نہیں ڈالنا۔ ورنہ ساری محنت ضائع ہو جائے گی۔

یہ تو ہیں سلفیشن کی سب سے اہم وجوہات۔ لیکن بد قسمتی سے آگاہی نہ ہونے کی وجہ سے ہزاروں بیٹریوں میں سلفیشن پہلے سے ہی ہو چکی ہے۔ ممکن ہے آپ کی بیٹری بھی انہی میں شامل ہو۔ ویسے تو کم بیک اپ بھی سلفیشن کا ہی نتیجہ ہے لیکن آپ ملٹی میٹر کے ذریعے سلفیشن چیک کر یا کروا سکتے ہیں۔

اگر آپ کی لیڈ ایسڈ سٹارٹر بیٹری (عام یو پی ایس، سولر یا کار بیٹری) 3 سال سے پرانی نہیں اور اس کی وولٹیج 12.4 وولٹ سے کم ہے تو بیٹری انڈر چارجڈ ہے۔ یہ سلفیشن کی علامت ہے۔

اس مسئلے کو دو تین طریقوں سے حل کیا جا سکتا ہے۔ اگر سلفیشن ہوئے زیادہ وقت نہیں گزرا تو بیٹری کو کسی اچھے کاریگر سے سلو چارجر پر فل چارج کروائیں۔ اس سے لیڈ سلفیٹ کرسٹلز تیزاب میں حل ہو جائیں گے۔

دوسرا، مارکیٹ میں ڈی سلفیٹر یا بیٹری کنڈیشنر مل جاتے ہیں۔ یہ پلیٹوں کی صفائی کر دیتے ہیں۔ آپ وہ خرید کر بیٹری میں ڈال لیں۔ یہ ایک آسان اور اچھا طریقہ ہے۔

اگر سلفیشن بہت زیادہ ہو چکی ہے تو بیٹری بنوانی یا ایک مخصوص چارجر سے چارج کروانی پڑے گی۔ یہ چارجر بیٹری میں ایک خاص قسم کی کرنٹ پلس بھیجتا ہے جس سے کرسٹلز ٹوٹ جاتے ہیں۔ البتہ بیک اپ پوری طرح ری سٹور نہیں ہو پاتا۔

نوٹ: اگر آپ کی بیٹری کی پلیٹیں ٹوٹ چکی ہیں، سیل ڈیڈ ہو چکے ہیں، یا بیٹری 5 سال سے پرانی ہو چکی ہے تو یہ حل زیادہ فائدہ نہیں دیں گے۔ پلیٹیں چیک کرنے کے لیے بیٹری کے سارے ڈھکن احتیاط سے کھولیں۔ اگر تہہ میں براؤن یا سیاہ کچرا نظر آئے تو بیٹری کی پلیٹیں ٹوٹ چکی ہیں۔ اس صورت میں بیٹری بدلنی پڑے گ

13/04/2025

سولر سسٹم کے ساتھ لیتھیم بیٹری بہتر ہے یا ٹیوبلر
سولر لگواتے ہوئے سب سے زیادہ مشکل یہ فیصلہ کرتے ہوئے تھی ہے کہ بیٹری کونسی لگوائی جائے اس میں کچھ باتیں بتا دیتا ہوں تاکہ آپ کو یہ فیصلہ کرنا پڑے تو آسانی رہے۔
1) سب سے پہلے تو یہ یاد رکھیں کہ چونکہ چار کلو واٹ سے زیادہ والا سسٹم تقریباً 48 وولٹ کی بیٹری کے ساتھ چلتا ہے اس لیے لیتھیم بیٹری ایک اور ٹیوبلر چار لینی پڑیں گی۔ یوں ان دونوں کی قیمت تقریباً دو سے تین لاکھ کے درمیان ہی بنے گی اوساکا ٹیوبلر دو لاکھ کی بن جاتی تقریباً اور
پاور میکس کی لیتھیم والی دو لاکھ ستر کی مل جاتی ہے۔
2) بظاہر ٹیوبلر چار230 ایمپئر دیتی ہیں 48 واٹ پر یعنی 11یونٹس جبکہ لیتھیم 100 ایمپئر دیتی ہے 51 وولٹس یعنی تقریباً پانچ یونٹس البتہ یہ بھی حقیقت ہے کہ جو احباب استعمال کر رہے وہ بتاتے ہیں کہ دونوں تقریباً برابر ہی چلتی ہیں
3) لیتھیم بیٹری کا وزن تقریباً48 کلو ہوتا ہے جبکہ اوساکا ٹیوبلر 2500 کی ایک بیٹری کا وزن 63کلو تک ہوتا ہے۔ اسی فرق کی وجہ سے لیتھیم بیٹری دیوار کے ساتھ بھی لگ سکتی ہے اور خوبصورت لگتی ہے لیکن ٹیوبلر کو بہت ساری جگہ چاہیے اور انھیں لانا لیجانا بھی کافی مشکل ہو جاتا ہے البتہ ٹیوبلر کا ایک فائدہ یہ ہوسکتا ہے کہ آخر میں کباڑ میں بھی بیچیں تو ایک چوتھائی تک قیمت دے جاتی ہیں۔
4) ان دونوں میں سب سے بڑا فرق سائیکلز کا ہوتا ہے۔ یعنی کوئی بھی بیٹری کتنی بار چارج ڈسچارج ہو سکتی ہے۔ اسی وجہ سے ان کی وارنٹی میں بھی فرق ہوتا ہے۔ چونکہ سولر کے ساتھ بیٹری کا کام دن کے وقت سولر سسٹم کو سٹیبل کرنے کے ساتھ ساتھ رات کو بیک اپ دینا بھی ہوتا ہے اس لیے ہر رات مکمل ڈسچارج لازمی ہوتی ہے۔ ٹیوبلر بیٹری کے 1250سائیکل ہوتے جبکہ لیتھیم کے 6000 سائیکل ہوتے۔ اسی لیے ٹیوبلر کی چھ ماہ سے ڈیڑھ سال تک وارنٹی ہوتی ہے جبکہ لیتھیم کی ویسے پانچ سال ہوتی ہے اور اگر انورٹر بھی اسی کمپنی کو ہو اور ہو بھی IP65 تو پھر یہی وارنٹی دونوں انورٹر اور بیٹری کی دس دس سال ہو جاتی ہے۔
5) لیتھیم والی کو کسی بھی طرح کی دیکھ بھال کی کوئی خاص ضرورت نہیں ہوتی جبکہ ٹیوبلر کا پانی ریگولر دیکھنا پڑتا ہے اور کمی کی صورت مین فوراً ڈالنا پڑتا ہے ورنہ لائف بہت متاثر ہوتی۔
6) لیتھیم والی چارج اور ڈسچارج بھی جلدی ہو سکتی ہیں۔ اس کا مطلب یہ ہے کہ چارج جلدی ہو کر ہیوی لوڈ جلدی چلا سکتی ہیں ڈسچارج جلدی ہونے کا مطلب ہے کہ زیادہ لوڈ بھی ڈال دیا جائے تو یہ ٹرپ نہیں کرتی ہیں
انھی وجوہات کی وجہ سے لیتھیم بیٹری بیسٹ ہے۔
اب مزید کچھ باتیں بھی گوش گزار کر دوں۔
1) بیٹری کوئی بھی لیں، ہمیشہ نئی لیں خاص طور پر لیتھیم والی کبھی بھی پرانی نہ لیں۔ وہ انورٹر کو بھی نقصان پہنچاتی ہے اور پھٹ بھی سکتی ہے
2) لیتھیم بیٹری لینے سے پہلے یہ لازمی دیکھ لیں کہ اس کا بی ایم ایس سسٹم آپ کے انورٹر کے ساتھ چل سکے گا؟ ہر ایک لیتھیم بیٹری ہر انورٹر کے ساتھ نہیں چل سکتی سب سے بہتر تو یہ ہوتا ہے کہ جس کمپنی کا انورٹر ہو اسی کمپنی کی لیتھیم بیٹری لی جائے۔
3) بیٹری کوئی بھی ہو، اگر درجہ حرارت بہت زیادہ ہو جائے تو وہ کام نہیں کرتی۔ کسی ایسی جگہ لگائیں جہاں درجہ حرارت مناسب رہے۔ گرمیوں میں اس پر ایک پنکھا چلنے دیں تو وہ اس سے زیادہ فائدہ دے دے گی۔
4) لیتھیم بیٹری صرف کسی اچھی کمپنی کی لیں۔ اس کی وارنٹی لمبی چلنی ہوتی ہے۔ کسی غیر معروف کمپنی کی لینے کی صورت میں یہ بھی ہوتا ہے کہ وہ کمپنی اپنی بیٹریاں بیچ کر غائب ہو جاتی ہے اور پھر کسی نئے نام کے ساتھ آتی ہے۔
مزید کوئی سوال ہو تو کمینٹس میں پوچھ لیں سولر سے متعلق تفصیلی پوسٹس میری وال پر موجود ہیں وزٹ کر کے دیکھ لیں آپ اپنی رائے کا اظہار کمینٹس میں کر سکتے ہیں
اگر آپ سمجھتے ہیں کہ اس سے کسی کا فائدہ ہو سکتا ہے تو مفاد عامہ کے لیے شئیر کر دیں۔

23/03/2024

23/03/2024

Astro energy Top com N type bificial avble at Lahore ready stock
Attractive prices
03454545702