03/04/2024
میرپور میں چند دن پہلے کچھ شرپسند عناصر نے کے ایف سی کو جلایا اور اپنے ہی علاقے کے ایک انسان کی پراپرٹی تباہ کی اور درجنوں ملازموں کی جان اور نوکری کو ختم کرنے کی کوشش کی۔ اسلام کی خدمت کرتے ہوئے وہاں سے کیش بھی چوری کرتے رہے اور چیزیں بھی لوٹ کر لے گئے۔ مکہ مکرمہ میں اسلام خطرے میں نہیں آیا لیکن آزادکشمیر میں آ گیا۔
ہر کسی کو پتا ہے کہ آزادکشمیر کی متنازعہ حیثیت کی وجہ سے کوئی انٹرنشنل برانڈ یا چین یہاں کا رُخ نہیں کرتی یہاں تک کہ کوئی پاکستانی برانڈ بھی آزادکشمیر کا رُخ نہیں کرتا۔ آزادکشمیر کی بزنس کمیونٹی بھی پاکستان یا باہر ملک سرمایہ کاری کرتی ہے۔ اب ایسے شدت پسند ، لُٹیروں اور بلوائیوں کے بیچ کون اپنا سرمایہ لگائے گا اور کیوں لگائے گا۔
باقی اگر آپ نے آگ لگانے ہے تو اپنے موبائل کو لگائیں، ٹی وی، فریج، استری، گاڑی، انٹرنیٹ کو لگائیں۔ آٹا بھی آپ کا غیرمسلموں کے ملک سے آتا ہے تو بھوکے رہیں۔ گھی اور پتی بھی اُدھر سے آتی ہے اُس کو بھی آگ لگائیں۔
اور یہ جو پاسپورٹس کے دفتر کے باہر آپ لمبی لمبی قطاریں لگا کر اور کروڑوں روپے دے کر یہودیوں کے ملک جانے کے جتن کرتے ہیں وہ بھی نا کریں
ہم کو یہی جچتا ہے کہ ہم آٹے کی لائنوں میں لگے رہیں اور ذلیل و خوار ہوتے ہیں۔
