أواه الهندسة - للمقاولات و الاستشارات الهندسية

08/06/2026

05/06/2026

تحية خاصة لأحدث المتابعين لي! يسرني انضمامك! Abdalla Ibrahim, حامد ابراهيم أبوتبيان

26/05/2026

29/04/2025

ما هو نظام المباني سابقة التجهيز (Pre-Engineered Buildings - PEB)؟

في البناء التقليدي، بنستخدم عناصر إنشائية ضخمة زي الكمرات والأعمدة عشان تتحمل أكبر إجهاد ممكن، لكن المشكلة إنه الإجهادات ما ثابتة في كل نقطة في المبنى، فبنلقى نفسنا مستخدمين مواد أكتر من اللازم، وزيادة في الوزن والتكلفة.

نظام *PEB* جاء يحل المشكلة دي بطريقة ذكية، لأنه بيصمم العناصر الإنشائية بأحجام مختلفة حسب الحاجة الفعلية لكل جزء من المبنى، وده بيعني إنو مافي زيادة غير ضرورية في الوزن، وكل حاجة بتكون محسوبة بدقة.

*مميزات نظام PEB: *

✅ *التكلفة أقل:*
النظام ده اقتصادي مقارنة بالبناء التقليدي، لأنه بيعتمد على التصميم الذكي اللي بيقلل كمية المواد المستخدمة بدون التأثير على الجودة.

✅ *تقليل تكاليف الأساسات والحفر:*
لأنه وزن المبنى أخف، الأساسات ما بتحتاج تكون ضخمة، وبالتالي تكاليف الحفر والصب بتكون أقل.

✅ *كفاءة أعلى وسرعة في التنفيذ:*
بما إنه كل الأجزاء جاهزة ومصممة بدقة، البناء بيتم بسرعة أكبر وبدون أخطاء كبيرة.

✅ *تصميم مرن:*
يمكن تعديل الهياكل بسهولة وإضافة التغييرات المطلوبة بدون تعقيدات كبيرة.

ببساطة، نظام *PEB* بيغير قواعد اللعبة في عالم البناء، لأنه بيعتمد على الدقة الهندسية والتوفير الذكي بدون تنازل عن الجودة. لو كنت مهندس أو مهتم بالبناء، لازم تعرف إن النظام ده واحد من أقوى الحلول الحديثة في المجال.

#مدادات

25/04/2025

(3)
يلا يا هندسة عشان الاستشاري ما يرفض ليك الخرسانة بسبب فشل اختبار الهبوط(Slump test) وتتحمل انت النتيجة خليك عارف يا هندسة انو المواصفات الأمريكية ASTM C94 قالت ليك لو العربية وصلت الموقع متاخرة 30 دقيقة من زمنها الاصلي و حصل فشل للاختبار الهبوط و الاستشاري رفضها المصنع المنتج للخرسانة ملزم انو يبدلها ليك عشان التأخير كان من السواق ولاكن اذا جاتك العربية في زمنها الموقع وحصل تاخير لتفريغ الخرسانة من العربية زمن قدرة 30 دقيقة او اكثر بسبب مشكلة في الموقع نجارة ضربت او اي سبب بتعلق بيك كمشتري وفشل اختبار الهبوط (Slump test) و الاستشاري رفض الخرسانة في الحالة دي المصنع غير مسوؤل عن النتيجة وانتا المسوؤل عن الغلط دا يبقي تشوف حسابك البنكي وتورد نفس الكمية علي حسابك .
راجع المواصفات الأمريكية ASTM C94"الفقرة 6.2
✒️ Eng-Mohamed Abdel Moneim Al-Amin

24/04/2025

(2)
شوف #ياباشمهندس اوعى تعمل بكلام المهندسين البقولو ليك اقصي مدة للخرسانة الجاهزة 1.5 ساعة وبعد ساعة ونص عادي ممكن تصبها وكلامهم غلط تعال افهمك نقطة عشان الاستشاري ما يخليك تاكل الخرسانة 😅؛ المواصفات الأمريكية ASTM C94 ، الفقرة 11.7، حددت اقصي مدة للخرسانة في الجو المعتدل 1.5 ساعة ولاكن بتتحسب من خلط الخرسانة لحدي التفريغ من العربية يعني من بداية اضافة الماء في المصنع لحدي تفرغتها وخليك عارف لو الساعة ونص دي عدت ليك و الخرسانة ما اتفرغت الاستشاري ممكن يقول ليك مرفوضة يا هندسة او لو اتفرغ منها جزء حيرفض الجزء الما اتفرغ دا لو ما قال ليك جيب لي صورة من عداد دورات الخلاطة لو لقاها من ساعة اضافة الماء للخلطة لحدي ما وصلتك تساوي 300 دورة او اكثر الترابة في خشمك تاني مافي ليك اي مفر غير تدنقر راسك قدام الاستشاري وفي الحالة دي الا تعمل بيها ردمية 😅😅😅😅😅.
عشان كدا خليك دقيق جدا و خليك حريص انو تصب الخرسانة من وصولها في فترة زمنية قليلة .
✒️ Eng-Mohamed Abdel MoneimAl-Amin

22/04/2025

(4)
يا #باشمهندس طبعا الكود الامريكي ACI 318 - 19 قال ليك انو في وصلة الحديد ما شرط تكون متلامسة يعني ممكن يكون بينهم في مسافة ودا للاقطار الكبيرة غالبا عشان اصلا في المنطقة دي الاجهادات ما بتتعامل معاها الوصلة لا بتتعامل معاها الخرسانة المحيطة للوصلة و الكلام دا في الفقرة رقم 25.5.1.3
✒️ Eng-Mohamed Abdel Moneim Al-Amin

21/04/2025

(1)
مهندس قال لي انا أجرت نجارة السقف لمدة اسبوعين يعني بالظبط 14 يوم يعني مفروض اليوم ال 15 اسلمها لمقاول العدة اها اثناء ما المهندس بحتسي بعض القهوة وهو مبسوط من الانجاز و الصب وبعد مرور اسبوع من صب السقف جاهو الاستشاري زيارة واثناء ما هم واقفين الاستشاري قال ليهو ازالة النجارة لازم تكون بعد 23 يوم طبعا هنا المهندس اندهش وطوالي شال هم موضوع الإجار و التكاليف المهم قلت ليهو يا هندسة الخرطة مصممة باي كود؟ قال لي بالكود البريطاني قلت ليهو حلو رائك شنو لو قلت ليك انو الاستشاري دا متشدد ساي قال لي كيف الزول دا قال لي لازم النجارة حقت السقف تقعد 22 يوم و تتفك في اليوم ال 23 قلت ليهو درجة الحرارة في الفترة من الصب لحدي اللحظة الانتا بتتكلم معاي فيها عارفها قال لي اي ما زادت من 45 درجة مئوية يعني ما بين 40 الى 45 درجة مئوية .
طيب شيل الكلام حقي دا وقولو للاستشاري، قول ليهو ( يا باشمهندس الكود البريطاني (BS 8110 - Structural use of concrete - Part 1: Code of practice for design and construction)
في فقرة رقم 6 في الجدول رقم 6.2 ( Minimum period before striking formwork).
حدد لي الحد الادني لفك النجارة للبلاطات وقال لي في درجة حرارة تساوي 16 درجة مئوية او اكبر الحد الادني لفك نجارة السقف 4 ايام ، يعني لما درجة الحرارة تكون عاملة 45 درجة مئوية يبقي حيكون الحد الأدنى لفك النجارة 11 يوم و 6 ساعات يعني انت مفروض لو عملت بكلام الكود حتفك في المدة دي ولاكن انت قلت حتفك بعد 14 يوم يبقي انت طبقت الحد الادني للكود وبزيادة ).
ولو لو قال ليك حاجة تانية وريهو الصورة التحت دي 🙂🙂🙂👇👇👇
✒️م/محمد عبد المنعم الامين

19/04/2025

(3)
يا #باشمهندس نحنا في الابيام بنمد التسليح بعد عزم الانحناء مسافة زيادة عن المنطقة المنتهي فيها عزم الانحنا ودا عشان نضمن انو اذا حدث اي تغير او اي زيادة للعزم ما يأثر عشان كدا بنمد الحديد مسافة حددها لينا الكود الامريكي ACI - 318-19
بنختار الاكبر من القيمتين :
١. العمق الفعال للبيم .
2. 12مرة قطر الحديد الطولي .
الكلام دا موجود بالتفصيل في الفقرة 9.7.3.3 .
✒️ Eng-Mohamed Abdel Moneim Al-Amin