25/07/2025
*ما تجر خط واحد مالم تتفق مع الزبون او الحيقدم ليك الخدمة.*
اسوء حاجة تعملها في عملك مع زبون او مع رب العمل انك ما تتفق معاه مقابل اتعابك.
،،،
الناس بتعملها من باب حسن النية و الاحترام و لكن اعرف انت قاعد تجهز لخلاف كبير بينك وبين الزبون ممكن ينتهي بعداوة كبيرة او حتى محاكم.
،،،
ياريت نفصل بين العمل و العلاقات الاجتماعية
Business is business
علاقتنا و صداقتنا دي في جنبة و الشغل دا في جنبة
شغلي دا مصدر رزقي و انا بقضي زمن كتير فيه فما بقدر اتحمل حاجة فيه، صداقتنا فوق راسي بس نفصلها من الشغل.
،،،
انا شغال لي اكتر من ١٥ سنة اي مشروع جاني حتى من اقرب اصدقائي بتفق معاهم اول حاجة و باخد مقدم كمان،
والحمد لله
كل مشاريعي بتنتهي بنجاح و ماحصل دخلت في خلاف مالي وعلاقتي كلها محافظ عليها ومبسوطين مني.
،،،
فيارييييييييت نبطل العادة الغريبة المامنها فايدة دي .
