11/09/2024
xeel dheer # shiikhdoon
Haba laygu nacee
Waxaa la yiri fiintu roobka haya k**a oydee, ka soo socda bay ka ooydaa.
Arrimahaan foosha xun ee iska daba dhacaya sida afduubyada, dekad xannibidda, eerboor xayiridda waa hurgumo soo kacaysa una baahan inaan dusha laga dhayin. Waa in la dooxaa oo mililka laga sii daayaa.
Madaxweynuhu markuu ku shubtay doorashadii dhoweyd wuxuu ku yiri musharraxiintii uu boobay, ha la iga raalli ahaado qaladaadkii iga dhacay aqoon darro baa ii geysay. Hadda wax baan bartay, qaladaadkii horana dib dambe u geli maayo.
Goob kaga kac baan u arkaynay k**a aannaan jawaabin waxaanna uga baxnay war jiraaba cakaaruu imaan.
Madaxweynuhu wuxuu weli gocanayaa dhibkii h**e ee dhex maray maamulka iyo ciidammada PSF. In kastoo laga heshiiyay arrinkaas misana madaxweynuhu weli wuxuu gocanayay inaannu helin guushii uu rabay, halkii ayuuna ka sii waday dagaal hoose. Waxaana sii xoojiyay heshiisyadii aan madaxweynaha lagu wehelin ee Xaafuun iyo Majiyahan oo Imaaraadka lala galay.
Wuxuu geed dheer iyo geed gaaban u fuulay siduu u muquunin lahaa PSF, uuna xoog ugu sheegan lahaa cid kasta mashruuca Majiyahan ka hor timaadda.
Madaxweynuhu wuxuu Mudug muddo u fadhiyay inuu beelahaas hubka ay haystaan kala wareego, Nugaalna ku xejiyo, markaasna PSF iyo cid kasta oo madaxa taagtaba, iyagoo maata caana leh ah uu madaxa barraajiyo.
PSF-na albaab kasta oo ay geli karaan bay garaaceen ilaa ay Xasan Shiikh u dhaceen.
Arrinta af duubku waxay daba socotaa nin weriye ahaa oo muddo xiran, maxk**adna aan la soo taagin.
Gebagebada waxaan
leeyahay madax weyne arrinta qabooji, ogowna inaan cidna la muquunin karin.
Reer PSF waxaan leeyahay ka fogaada fal kasta oo xun sida xannibidda kaabayaasha dhaqaalaha.
Qolo xer ah baa ku shallaadi jirtay hallay arkooyna maaha hallay maqlooyna maaha, ilaahay dartiisa weeye.
