01/09/2026
WAR BIXIN IYO MAHAD NAQ.....................................................................
Shirkada sompetroleum waxay bulshada la wadaagaysaa in maanta oo taariikhtu tahay 01/09/2026, Magaalada burco ku gubatay booyad kamida gaadiidka shidaal ee Shirkadu leedahay.
Ugu horayn waxa mahad leh Raxmaanka aan qadarkiisa la dhaafi karin mid togan iyo mid taban labadaba.
Waxaanu sidoo kale guud ahaan u mahad celinaynaa cid kasta oo ka qayb qaadatay bakhtiinta dabkaas , gaar ahaana Ciidanka Dab-demiska ee Magaalada burco oo si naf hurnimo iyo hagar la'aan ah uga hawl galay bakhtiinta dabkaas iyo badbaada naf iyo maalba wixii goobta ka ag dhawaa.
Waxa xusid mudan in ciidanka dab-demisku markii xogta lala wadaagay ay goobta ku yimaadeen mudo 5 daqiiqo ah , taas oo suuro gelisay in la xakameeyo dabka intii aanuu goobo kale ku fidin.
Waxa aanu sidoo kale u mahad celinaynaa Maamuulka gobolka iyo heer deegaan oo ay ugu horeeyaan Badhasaab ku xigeenka, Maamulka dawlada hoose ee burco, taliyaha qaybta iyo guud ahaan bulshada reer burco ee hawshaa sida xilkasnimada leh uga qayb qaatay.
Khasaaraha hor dhaca ahi wuxuu ku kooban yahay booyadii shidaalka siday, badeecadi shidaal ee ay siday iyo qaybo kooban oo kaalinta kamida taas oo ah khasaare sahlan marka loo eego shilka dhacay iyo xaaladii goobta.
Wixii faah-faahinta ee intaa dheer dib ayaanu idin kala soo wadaagi.
ALLAA MAHAD LEH
