26/04/2023
WAA KUMA SAAXIIBKA WANAAGSANI?
Saaxiibka Wanaagsan Sida Uu Sheegay Rasuulkeenii Suubana Mohamed (CSW) Markii Uu Tusaale U Soo Qaatay Saaxiibka Xun Iyo Saaxiibka Wanaagsan, Waxa Uu Yidhi Saaxiibka Wanaagsan Waa Sida Qof Ka Shaqeeya Carwo Ama Meel Lagu Iibiyo Wax Yaalaha Uduga Leh Sida Cadarka Ama Wax Alle Wixii Kale Leh Udgoon Ee Dadku Jecel Yihiin.
Qofka Ka Shaqeeya Carwada Ama Meesha Lagu Iibiyo Waxyaalaha Udgoonka Leh, Hadii Aad U Tagtid Sidoo Kale Aanu Ku Siin Wax Cadara, Waxaad Ka Soo Baxaysaa Ama Ka Soo Tageysaa Goobtaa Adigoo Udgoon, Taasi Oo Ay Ugu Wacan Tahay Wakhtigii Aad La Joogtay.
Saaxiibka Wanaagsan Waa Kan Isaguu Kula Wadaaga Murugada, Farxada. Waa Kan Aad Isku Halayn Karto Wakhtiga Aad Baahan Tahay, Waa Kan Aan kaa Fogaan, Aan Kugu Nicin Danyarnimadaada, Dharka Aad Xidhan Tahay, Waa Kan Kuu Dul Qaata Hadii Aad Dhaawacdid Jidh Ahaan iyo Hadalba.
Waa Kan Hadii Ay Noqoto Inaad Garab Weydiisato Iyo Sidoo Kale Talo Kugu Caawiya Amaba Aad Ula Tagto.
Saaxiibka Wanaagsan Waa Kan Xumaanta Aan Kula Jeclayn Waa Kan Ku Waaniya, Waa Kan Kugu Dhiiri Galiya Inaad Xaqiijiso Riyadaada.
Saaxiibka Wanaagsan Waa Kan Kugu Raaca Gar Iyo Gardaro, Waa Kan Ku Dhinac Istaaga, Si Uu Xaqaaga Uu Kuugu Dhiciyo Sidoo Kale Xaqa Dadka Kaaga Dhacsha, Waana Kan Wanaaga Ku Yidhaah Raac.
Hadaba Halkan Hoose Kaga Bogo Erayo Saaxiibtinimada Ku Saabsan Oo Ku Xiise Galin Doona Waxa Kasoo Xigtay Erayadan Qoraa Soomaaliyeed Oo Ku Sugan Mogadisho.
Guul Maaha Inaad Samayso Sanadkii 100 Saaxiib Ah Oo Kuu Dhaw, Waxaa Se Guul Ah Inaad Samayso Saaxiib Kaliya Oo Boqol Sano Kula Jira Isagoo Dantiisa Kugula Joogin Kaa Aqoon Badan Ama Kaa Hanti Badan.
Saaxiibka Wanaagsan Waa Kan Ku Xushmeeya, Kula Jira, Ku Dhiiri Galiya, Kuu Baahan, Kuuna Taagan.
FG: Saaxiibtimadu Ma Timaado Barasho Horteed, Waa In Ay Is Bartaan Labada Ruux Ka Dib Marka Laysku Qanco, La Isna Dabeecad Fahmo Ayey Timaadaa Saaxiibtinimadu.
