20/05/2024
الدرس رقم #1 يلي استنتجتوا من عملي هوي أنو:
التغيير ما بيجي بالإجبار، أو الإقناع، أو التخويف، وإنما بينطلق من رغبة وضرورة داخل الإنسان
ومع هيك مشكلتنا الأكبر هي "عدم رؤية المشكلة"
كمستشار تقني بيتضمن جزء كبير من عملي توجيه الناس للمشاكل يلي عندن والحلول المحتملة
ولكن إذا رفضوا رؤية المشكلة ← فَـ "تمام ما في مشكلة..."
بالنهاية، لازم تكون القرارات مملوكة من قبل الأشخاص يلي رح يتأثروا فيها
(إدارة وموظفين أو أي شخص بشكل عام)
طيب شو طريقتي للتعامل مع مقاومة التغيير؟
1. توضيح الحاجة للتغيير
2. التوعية حول الخيارات
3. المتابعة وتحفيزهم (×10)
4. وأخيراً التخلي
برأيي الطريقة الوحيدة لنحقق فيها تغيير فعال هي تمكين الناس من أخد قرارات مدروسة فيها مسؤولية
شو هي طريقتك بالتعامل مع مقاومة التغيير بشغلك؟ شاركها بالتعليقات
#أتمتة
