03/06/2024
كفاش نحسنوا من مردودية ال onduleur ؟
⬇️ ⬇️ ⬇️
ال Onduleur هو جهاز إلكتروني ياخذ التيار الكهرباء من الألواح الشمسية في شكل courant continue و يحولو إلى courant alternatif باش نجموا نستعملوه في الدار و نعطيو الفائض لل Steg.
السخانة هي العدو الأكبر لل Onduleur ، و كيما نعرفوا أي جهاز إلكتروني يسخن كي يخدم و دور الهيكل الخَارجِي للجِهاز تسهيل إنتقال السخانة من الداخل إلى الخارج وهكا علاش تلقى ال onduleur سخون من برَّا و بالعكس إذا تلقاه بارد راهو إحتِمال السخانة مش قاعدة تخرج كيما يلزم و إلي يمثل خطر لل onduleur .
السخانة إلي ولاَّت في الهيكل الخارجي للجهاز لازم نحاولوا نقصوا فيها قدر الإمكان خاطر إذا ال onduleur يسخن أكثر من الاَّزم ينجم يتسبب في :
1️⃣ نقص في مردودية الجهاز خاطروا باش ينقِّص في إنتاج الكهرباء باش يحمي روحوا.
2️⃣ العمر الإفتراضي للجهاز باش ينقص أيضا.
شنوا الحلّ إذًا ؟ :
من المستحسن ال onduleur يركب في بلاصة باردة و فيها courant d’air لأنوا الهواء ينقل الحرارة من الجهاز للخارج.
و هذا علاش ال onduleur مايلزمش يركب في niche مسكرة لأنها تمنع مرور الهواء و تجدده . مع العلم إنوا ال niche مجعولة باش تحمي الجهاز مالشمس موش من الأمطار لأن ال onduleur مضاد للماء و مايتأثرش بمياه الأمطار.