22/10/2026
1 -خاطر وزن العلوش يتبدل ، احتياجات علوش وزنو 25 كيلو مش كيف احتياجات علوش وصل إلى 40 أو 50 كيلو. كل ما زاد الوزن زادت كمية العلف اللازمة للمحافظة على الجسم ودعم النمو.
2- الكرش لازمها وقت بش تتأقلم مثلاً العلوش المشري من السوق ينجم يكون معتاد على الرعي وتقديم كمية كبيرة من العلف فجأة ينجم يسبب اضطراب التخمر وانخفاض حموضة الكرش والإسهال والنفاخ وفقد الشهية.
3- طبيعة الزيادة تتغير ، في بداية النمو يستحق العلوش عليقة تدعم بناء العضلات، بعد ترتفع أهمية الطاقة مع تقدم التسمين. هذاك علاه تنجم تتبدل كمية العليقة ولا تركيبها، ومش مجرد إضافة علف عشوائيًا.
4- الاستهلاك يتأثر بالصحة والجو وجودة العلف ، الحرارة، الملوحة، الطفيليات، أمراض التنفس، جودة الخشن ونسبة الرطوبة كلها عوامل تنجم تزيد ولا تنقص الاستهلاك.
هذاك علاه ما فماش كمية وحدة تصلح للعلالش الكل طوال الدورة.
