16/10/2025
🌟 قصة نجاح متواصلة مع حريف من المنستير 🌟
في 2023، جاني حريف كان مازال مش مقتنع بالدور الحقيقي للمهندس(ة) في الديكور الداخلي.
خدمت معاه على الدار، خطوة بخطوة، من التصوّر للتنفيذ... ووقتها النتيجة فاقت توقّعاتو هو ومرتو. كانوا فرحانين برشة 💫
ما وقّفناش لهنا. في 2024، كي زادت عايلتو ببنية صغيرة 💖، رجعلّي باش نخدم غرفة بنتو.
صمّمت فضاء دافئ، ملوّن، ويعكس روح الطفولة والحنان... وكانت لحظة مؤثّرة برشة وقت شافو الغرفة لأول مرّة ✨
وتوّا، في 2025، نفس الحريف رجعلّي للمرة الثالثة، وهاد المرة باش نخدمولو cabinet dentaire جديد في القيروان 🦷
برغم إننا نعيشو في المنستير، مشينا مع بعض للقيروان، عملنا معاينة، وحضّرنا المشروع من A à Z.
🔥 والنتيجة؟
مشروع مكتمل وراقي، تغيّر فيه الفضاء 180 درجة.
كي ورّيتو النتيجة، حسّيت بكمية الرضا والفخر في عينيه... وقالّي:
"كل مرة نرجعلِك نلقى حاجة أقوى من إلي قبل، يعطيك الصحة."
✅ من دار لعائلة، لغرفة طفلة صغيرة، لفضاء مهني محترف…
كل مشروع كان فرصة باش نخلق تجربة، موش كان ديكور.
