05/09/2026
SEHEMU YA TANO
_Jambo la Nne Wanawake Walio komaa Hulitafuta Kwa Mwanaume: Heshima – Hata Pale Ambapo Hakuna Anayemuona_
Kuna siku nilikuwa nimekaa kwenye mgahawa mmoja. Pembeni yangu kulikuwa na wanandoa ambao kwa nje walionekana wa kawaida kabisa. Hakukuwa na magari ya kifahari yaliyo kuwa yame egeshwa nje. Hakukuwa na mavazi ya gharama yaliyo vutia macho ya watu. Lakini kulikuwa na kitu kilicho nifanya niwaangalie kwa muda. Yule mwanaume alikuwa ana mzungumzia mke wake kwa heshima. Hakumpunguzia thamani. Hakumkatiza alipokuwa ana ongea. Alimsikiliza kwa utulivu. Na hata mhudumu alipokosea oda yao, hakufoka wala kudhalilisha mtu.
Nilitoka pale nikiwa nimejifunza somo kubwa. Heshima haionekani kwenye hotuba. Ina onekana kwenye mambo madogo ambayo watu wengi huyapuuza. Wanawake walio komaa wamejifunza kusoma mambo hayo. Kwao, si muhimu sana mwanaume ana wafanyia nini mbele ya watu. Muhimu zaidi ni jinsi anavyo watendea wakati hakuna anaye waona.
1. Je, bado ana kuheshimu mkiwa peke yenu?
2. Je, bado ana kusikiliza bila kukudharau?
3. Je, anajua kutofautisha kuwa kiongozi na kuwa mtawala?
Kwa sababu kuna wanaume ambao ni wapole sana mbele za wageni, lakini wakifika nyumbani maneno yao yanakuwa makali kuliko kisu. Na mwanamke aliye komaa huliona hilo mapema. Anaelewa kwamba tabia ya kweli ya mwanaume haionekani kwenye picha za Instagram wala kwenye status za WhatsApp. Ina onekana kwenye maisha ya kila siku.
_Sasa nikuulize mwanaume mwenzangu..._ Una mzungumziaje mwanamke wako akiwa hayupo? Marafiki zako wakianza kumdharau au kumcheka, una cheka nao... au una mlinda heshima yake? Kwa sababu hapo ndipo utu wako una pimwa. Nilijifunza mapema kwamba mwanaume mwenye heshima hahitaji kupaza sauti ili aheshimiwe. Anajenga heshima yake kwa namna anavyo watendea watu. Ana mheshimu mama yake. Ana waheshimu watoto. Ana mheshimu mhudumu wa hoteli. Ana mheshimu mlinzi getini. Kwa sababu heshima si tabia ya kuchagua watu wa kuwaheshimu. Ni sehemu ya utu.
Na mwanamke aliye komaa anajua jambo moja muhimu sana... Mwanaume anaye mdhalilisha mwingine leo, ipo siku ata mdhalilisha na yeye. Ndiyo maana haangalii tu jinsi unavyo mtendea yeye. Ana angalia jinsi unavyo watendea wengine. Kwa sababu hapo ndipo picha halisi ya tabia yako ina onekana. Na kadiri maisha yanavyo kwenda, nimegundua jambo moja ambalo halihitaji ubishi. Mwanamke ana weza kuvutiwa na sura yako. Ana weza kuvutiwa na mafanikio yako. Lakini atabaki kwa muda mrefu pale ambapo moyo wake una heshimiwa.
Kwa sababu heshima ndiyo aina ya upendo ambao hauhitaji maneno mengi. Na sasa tumefika katikati ya somo letu. Lakini bado yapo mambo mengine ambayo wanawake walio komaa huyatafuta kimya kimya kwa mwanaume. Mambo ambayo hayasemwi mara nyingi, lakini ndiyo yanayo amua k**a uhusiano utadumu au utavunjika. Na sehemu inayo fuata... inaweza kuwa ndiyo muhimu kuliko zote. Kwa sababu tutazungumzia jambo ambalo haliwezi kununuliwa kwa pesa, wala kujengwa kwa sura nzuri. Ni jambo ambalo hutengeneza mwanaume wa kweli.