Gidrogeologiya va injenerlik geologiyasi instituti

Gidrogeologiya va injenerlik geologiyasi instituti "Gidrogeologiya va injenerlik geologiyasi instituti" davlat muassasasi

Ohangaron shahrida “Milliy sanoat zanjiri” ko‘rgazmasida yosh mutaxassislar va talabalar faol ishtirok etdi.Ko‘rgazma d...
15/05/2026

Ohangaron shahrida “Milliy sanoat zanjiri” ko‘rgazmasida yosh mutaxassislar va talabalar faol ishtirok etdi.

Ko‘rgazma doirasida “Gidrogeologiya va injenerlik geologiyasi instituti” davlat muassasasi o‘zining ko‘rgazmaviy materiallari bilan faol ishtirok etmoqda. Tadbir davomida institut tomonidan olib borilayotgan ilmiy-tadqiqot ishlari, zamonaviy ilmiy ishlanmalar hamda istiqbolli loyihalar yosh mutaxassislar va talabalarga namoyish etildi.

Shuningdek, tadbir davomida talabalar va yosh mutaxassislarni qiziqtirgan savollarga mutaxassislar tomonidan batafsil va atroflicha javoblar berildi.

Ohangaron shahrida “Milliy sanoat zanjiri” ko‘rgazmasi bo‘lib o‘tmoqda.Ko‘rgazma Sanoat kooperatsiyasi va davlat xaridla...
15/05/2026

Ohangaron shahrida “Milliy sanoat zanjiri” ko‘rgazmasi bo‘lib o‘tmoqda.

Ko‘rgazma Sanoat kooperatsiyasi va davlat xaridlari agentligi, Tog‘-kon sanoati va geologiya vazirligi, Toshkent viloyati hokimligi, “Olmaliq kon-metallurgiya kombinati” AJ hamda Elektron kooperatsiya portali hamkorligida tashkil etildi.

Tadbir davomida tog‘-kon va geologiya sohasiga oid yuqori texnologik mahsulotlar, sanoat startaplari, ilmiy ishlanmalar hamda istiqbolli loyihalar namoyish etilmoqda.

Ko‘rgazma doirasida “Gidrogeologiya va injenerlik geologiyasi instituti” davlat muassasasi tomonidan bir qator tashkilotlar bilan hamkorlik shartnomalari imzolandi. Jumladan, “Uzbekgidrogeologiya” DM bilan hamkorlikda gidrogeologik qidiruv ishlarini olib borish, yer osti suv resurslarini modellashtirish hamda ushbu yo‘nalishlarda qo‘shma loyihalarni amalga oshirish rejalashtirildi.

🌍⛏️ Institut mutaxassislari tomonidan gidrogeologik va muhandis-geologik tadqiqot ishlari olib borilmoqda.“Gidrogeologiy...
04/05/2026

🌍⛏️ Institut mutaxassislari tomonidan gidrogeologik va muhandis-geologik tadqiqot ishlari olib borilmoqda.

“Gidrogeologiya va injenerlik geologiyasi instituti” davlat muassasasining “Tog‘-kon ishlarida gidrogeologik va muhandis-geologik tadqiqotlar” laboratoriyasi mutaxassislari tomonidan Samarqand Markaziy geologiya qidiruv ekspeditsiyasining Zarmitan dala ekspeditsiyasiga qarashli G‘arbiy Charmitan, O‘rtoliq va Yuqori-Soroy uchastkalarida gidrogeologik hamda muhandis-geologik tadqiqot ishlari amalga oshirilmoqda.

Shuningdek, laboratoriya xodimlari bilan bir qatorda talabalar ham o‘z bitiruv malakaviy ishlari doirasida tanlangan hududlarda o‘tkazilayotgan dala tadqiqotlarida faol ishtirok etib kelmoqdalar.

Mazkur ishlar davomida kon inshootlarida muhandis-geologik kuzatuvlar olib borilib, burg‘i quduqlaridan olingan kern namunalarida tog‘ jinslarining darzlanish darajasi, deformatsion jarayonlar hamda litologik xususiyatlari o‘rganilmoqda. Shuningdek, quduqlarda yer osti suvlari sathining o‘zgarish dinamikasi ham muntazam ravishda kuzatilib, muhandis-geologik hujjatlashtirish ishlari olib borilmoqda.

🇫🇮 “Geological Survey of Finland” vakillarining Geologiya fanlari universitetiga tashrifi 2026-yil 04-may Finlandiya g...
04/05/2026

🇫🇮 “Geological Survey of Finland” vakillarining Geologiya fanlari universitetiga tashrifi

2026-yil 04-may Finlandiya geologiya xizmati vakillari va Geologiya fanlari universiteti o`rtasida uchrashuv bo`lib o`tdi. Uchrashuv mobaynida Yevropa Ittifoqi (EU) tomonidan moliyalashtirlayotgan 2026-2029 yillarga mo`ljallangan "DATA4CRM" loyihasi muhokama qilindi.

Uchrashuvda geoma’lumotlarni raqamlashtirish, geofizika tadqiqot ishlari, shuning bilan birga, “Gidrogeologiya va injenerlik geologiyasi instituti” davlat muassasasi bilan "Yer osti suvli qatlamining strukturaviy modelini yaratish va keyinchalik yer osti suvlari oqimini amalda modellashtirish" bo`yicha loyihani amalga oshirish rejalashtirildi.

🏆 “Team building” loyihasi doirasida sport va intellektual o‘yinlar bo`lib o`tdi.“Geologlar kuni” munosabati bilan joriy...
27/04/2026

🏆 “Team building” loyihasi doirasida sport va intellektual o‘yinlar bo`lib o`tdi.

“Geologlar kuni” munosabati bilan joriy yilning 25-26 aprel kunlari Bo‘stonliq tumanida joylashgan “Geolog” oromgohida jamoaviy dam olish va hamjihatlikni mustahkamlashga qaratilgan “Team building” dasturi tashkil etildi. Mazkur dasturda Geologiya fanlari universiteti hamda ilmiy-tadqiqot institutlari professor-o‘qituvchilari va xodimlari ishtirok etdi.

Sog’lom turmush tarzini qo‘llab-quvvatlash va jismoniy faollikni oshirish maqsadida tashkil etilgan musobaqalarida “Gidrogeologiya va injenerlik geologiyasi” davlat muassasasi xodimlari munosib ishtirok etib, faxrli oʻrinlarni egalladilar. Xususan,

- arqon tortish – 1-o'rin.
- futbol – 2 oʻrin;
- voleybol – 2-o'rin;
- shaxmat - 3 - o`rin
- palatka yig`ish - 3 o`rin

Koʻtarinki ruhda oʻtkazilgan tadbir yakunida ishtirokchilarga universitet rektori tomonidan esdalik sovgʻlari topshirildi.

Ostona shahrida o‘tkazilgan Mintaqaviy ekologik sammit – “RES 2026” toʻgʻrisida2026-yil 22-24 aprel kunlari Ostona shahr...
27/04/2026

Ostona shahrida o‘tkazilgan Mintaqaviy ekologik sammit – “RES 2026” toʻgʻrisida

2026-yil 22-24 aprel kunlari Ostona shahrida bo‘lib o‘tgan “RES 2026” – Mintaqaviy ekologik sammitda “Gidrogeologiya va injenerlik geologiyasi instituti” DM delegatsiyasi ochilish marosimi, plenar yig‘ilishlar hamda tematik sessiyalarda faol ishtirok etdilar.

Sammit davomida UNESCO bilan hamkorlikda amalga oshirilgan GLOFCA loyihasi doirasidagi tadqiqotlar yuzasidan Institut direktori Gani Bimurzayev tomonidan taqdimot qilindi. Unda loyiha doirasida erishilgan natijalar, zamonaviy ilmiy yondashuvlar hamda kelgusidagi ustuvor vazifalar toʻgʻrisida ma’lumot berildi.

Tadbir yakunida UNESCO hamkorligidagi GLOFCA loyihasi doirasida xarid qilingan zamonaviy uskunalarni topshirish bo‘yicha hujjatlarni imzolash marosimi bo‘lib o‘tdi. Hujjatlar Institut direktori Gani Bimurzayev hamda UNESCOning mintaqaviy direktori Amir Pirich tomonidan imzolandi.

Ushbu sammit davlatlar rahbarlari, xalqaro tashkilotlar, moliyaviy institutlar va ekspertlar hamjamiyatini birlashtirib, Markaziy Osiyodagi ekologik hamda iqlim muammolariga yechim topish uchun eng yirik platformaga aylandi.

📚Dissertatsiya ishlari muvaffaqiyatli himoya qilindi.2026-yil 16-aprel kuni “Gidrogeologiya va injenerlik geologiyasi ...
27/04/2026

📚Dissertatsiya ishlari muvaffaqiyatli himoya qilindi.

2026-yil 16-aprel kuni “Gidrogeologiya va injenerlik geologiyasi instituti” davlat muassasasi huzuridagi ilmiy darajalar beruvchi DSc.31/2025.27.12.GM.05.01 raqamli Ilmiy kengash yigʻilishida:

1. Shin Lyudmila Yuriyevna 04.00.04 - "Gidrogeologiya va muhandislik geologiyasi" va 21.02.24 - "Fuqaro mudofaasi. Favqulodda vaziyatlarning oldini olish va bartaraf etish" mutaxassisliklari bo‘yicha texnika fanlari falsafa doktori (PhD) ilmiy darajasini olish uchun tayyorlangan "O‘zbekistonning geodinamik faol hududlari yer osti suvlari karbonat angidrid gazidagi anomal namoyon bo‘lishini FVV faoliyatiga tatbiq etish"

2. Umarova Zulxumar Muxtarovna 04.00.04 - "Gidrogeologiya va muhandislik geologiyasi" ixtisosligi bo‘yicha geologiya-mineralogiya fanlari falsafa doktori (PhD) ilmiy darajasini olish uchun tayyorlangan "Zamonaviy texnologiyalar asosida So‘x yer osti suv konining miqdoriy va sifat ko‘rsatkichlari o‘zgarishini baholash"

3. Andreev Dmitriy Nikolayevich 04.00.04 – “Gidrogeologiya va muhandislik geologiyasi” ixtisosligi bo‘yicha geologiya-mineralogiya fanlari falsafa doktori (PhD) ilmiy darajasini olish uchun tayyorlangan “Yer osti suvi konlaridan samarali foydalanishning ilmiy-uslubiy asoslari (Ohangaron koni misolida)” mavzusidagi dissertatsiya ishlari muvaffaqiyatli himoya qilindi.

“Gidrogeologiya va injenerlik geologiyasi instituti” davlat muassasasi jamoasi L. Shin, Z. Umarova, D. Andreevlarni ushbu yutuq bilan qutlab, mustahkam sog‘lik, ilm yo‘lida muvaffaqiyat tilaydi

🎓 Geologiya fanlari universiteti professor-o‘qituvchilari tomonidan davra suhbati o‘tkazildi Joriy yilning 14-aprel kuni...
14/04/2026

🎓 Geologiya fanlari universiteti professor-o‘qituvchilari tomonidan davra suhbati o‘tkazildi

Joriy yilning 14-aprel kuni Geologiya fanlari universitetida professor-o‘qituvchilar ishtirokida davra suhbati tashkil etildi. Unda universitetning bakalavriat va magistratura yo‘nalishlari bo‘yicha o‘qishga kirishni rejalashtirayotgan xodimlarga batafsil yo‘l-yo‘riqlar berildi.

Tadbir davomida mutaxassislar tomonidan ta’lim jarayonining o‘ziga xos jihatlari, qabul talablari, o‘quv dasturlari hamda kelgusidagi kasbiy imkoniyatlar haqida keng qamrovli ma’lumotlar taqdim etildi. Ishtirokchilar o‘zlarini qiziqtirgan savollarga javob olib, kerakli tavsiyalar bilan tanishdilar.

Xususan, universitetda gidrogeologiya yo‘nalishi kafedrasining qayta tiklangani alohida ta’kidlanib, ushbu yo‘nalishda ilmiy-tadqiqot ishlarini rivojlantirish, zamonaviy laboratoriyalarni yo‘lga qo‘yish hamda malakali kadrlar tayyorlash bo‘yicha keng ko‘lamli rejalar mavjudligi qayd etildi.

Geologiya fanlari universitetida “Ochiq eshiklar kuni" va "Karyera kuni" boʻlib oʻtdi2026-yil 14-15 aprel kunlari kuni G...
14/04/2026

Geologiya fanlari universitetida “Ochiq eshiklar kuni" va "Karyera kuni" boʻlib oʻtdi

2026-yil 14-15 aprel kunlari kuni Geologiya fanlari universitetida bo`lib o`tayotgan “Ochiq eshiklar kuni" va "Karyera kuni"da “Gidrogeologiya va injenerlik geologiyasi instituti” davlat muassasasi oʻzining koʻrgazmaviy materiallari bilan ishtirok etmoqda.

Mazkur tadbirda Toshkent shahrining Mirzo Ulugʻbek, Mirobod, Olmazor, Bektemir, Yunusobod va boshqa tumanlarning bitiruvchi maktab oʻquvchilari tashrif buyurdilar. Bitiruvchi maktab oʻquvchilariga mutaxassislar tomonidan institutning faoliyati hamda koʻrgazmaviy materiallar toʻgʻrisida batafsil maʼlumotlar berildi.

🏆 Geologlar kuni munosabati bilan sport va zakovat musobaqalari o‘tkazildi.Joriy yilning 8–9 aprel kunlari Geologlar kun...
09/04/2026

🏆 Geologlar kuni munosabati bilan sport va zakovat musobaqalari o‘tkazildi.

Joriy yilning 8–9 aprel kunlari Geologlar kuni munosabati bilan “Gidrogeologiya va injenerlik geologiyasi instituti” DM xodimlari ishtirokida sportning quyidagi turlari va intellektual o`yini o`tkazildi:

⚽️ futbol
♟ shashka
🏓 stol tennis
🏐 voleybol
🧠 “Zakovat”

Musobaqalar davomida xodimlar o‘rtasida sog‘lom raqobat muhiti shakllanib, jamoaviylik , hamjihatlik va do‘stona munosabatlar yanada mustahkamlandi. Har bir yo‘nalish bo‘yicha ishtirokchilar o‘z mahorat va salohiyatlarini namoyon etib, faol ishtirok etdilar .

Mazkur tadbir Geologlar kuni munosabati bilan o‘tkazilib, institut jamoasi o‘rtasida sog‘lom turmush tarzini targ‘ib qilish, jamoa ruhini ko‘tarish hamda bo‘sh vaqtni mazmunli tashkil etishga xizmat qildi.

Dissertatsiya ishi muvaffaqiyatli himoya qilindi.2026-yil 9-aprel kuni “Gidrogeologiya va injenerlik geologiyasi insti...
09/04/2026

Dissertatsiya ishi muvaffaqiyatli himoya qilindi.

2026-yil 9-aprel kuni “Gidrogeologiya va injenerlik geologiyasi instituti” davlat muassasasi huzuridagi ilmiy darajalar beruvchi DSc.31/2025.27.12.GM.05.01 raqamli Ilmiy kengash yigʻilishida Esanova Zulfizar Sherali qizining “Qarshi shahri hududi muhandislik-geologik sharoitlarining shakllanish xususiyatlari” mavzusidagi 04.00.04 – “Gidrogeologiya va muhandislik geologiyasi” ixtisosligidan geologiya-mineralogiya fanlari falsafa doktori (PhD) ilmiy darajasini olish uchun tayyorlagan dissertatsiya ishining himoyasi boʻlib oʻtdi.

“Gidrogeologiya va injenerlik geologiyasi instituti” davlat muassasasi jamoasi Z. Esanovani ushbu yutuq bilan qutlab, mustahkam sog‘lik, ilm yo‘lida muvaffaqiyat tilaydi!

Address

Olimlar/64
Tashkent

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+998712091084

Website

,

Alerts

Be the first to know and let us send you an email when Gidrogeologiya va injenerlik geologiyasi instituti posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Gidrogeologiya va injenerlik geologiyasi instituti:

Shortcuts

Share