O’zbekgidroenergo AJ

O’zbekgidroenergo AJ "O'zbekgidroenergo" aksiyadorlik jamiyatining Facebookdagi rasmiy kanali
Toshkent sh, A. "O`ZBEKGIDROENERGO" AJ
Toshkent sh, A.

Navoiy ko`chasi, 22-uy
Ishonch Telefon: +99878 150-50-15
[email protected]
Call center: 1386

Ijtimoiy tarmoqlardagi rasmiy sahifalar:
https://linktr.ee/uzgidro Navoiy ko`chasi, 22-uy
Telefoni-55 51213 86
[email protected]
Call center: 1386
Ijtimoiy tarmoqlar: https://linktr.ee/uzgidro

“O‘zbekgidroenergo” AJ xodimlari IFRS bo‘yicha o‘quv seminarida ishtirok etmoqda“O‘zbekgidroenergo” aksiyadorlik jamiyat...
22/06/2026

“O‘zbekgidroenergo” AJ xodimlari IFRS bo‘yicha o‘quv seminarida ishtirok etmoqda

“O‘zbekgidroenergo” aksiyadorlik jamiyati xodimlarining xalqaro moliyaviy hisobot standartlari bo‘yicha bilim va amaliy ko‘nikmalarini yanada oshirish maqsadida PwC auditorlik kompaniyasi tomonidan o‘quv seminari tashkil etildi.

Mazkur seminar Gruziya Respublikasining Tbilisi shahrida joylashgan PwC ofisida o‘tkazilmoqda. Unda Jamiyatning moliyaviy hisobot, buxgalteriya hisobi, audit hamda xalqaro moliyaviy hisobot standartlari yo‘nalishida faoliyat yuritayotgan mutaxassislari ishtirok etmoqda.

Seminar davomida ishtirokchilar xalqaro moliyaviy hisobot standartlarining amaliy qo‘llanilishi, moliyaviy hisobotlarni tayyorlash jarayonidagi muhim jihatlar, konsolidatsiyalashgan moliyaviy hisobotlar, aktivlar va majburiyatlarni baholash, shuningdek auditorlik tekshiruvlari jarayonida e’tibor qaratiladigan asosiy masalalar yuzasidan bilim va tajriba almashmoqda.

PwC mutaxassislari tomonidan o‘quv mashg‘ulotlari amaliy misollar asosida olib borilmoqda. Bu esa “O‘zbekgidroenergo” AJ xodimlarining IFRS bo‘yicha kasbiy salohiyatini oshirish, moliyaviy hisobotlarni xalqaro standartlarga muvofiq tayyorlash amaliyotini yanada takomillashtirishga xizmat qiladi.

Ta’kidlash joizki, “O‘zbekgidroenergo” AJ tomonidan moliyaviy shaffoflikni oshirish, xalqaro moliyaviy hisobot standartlarini izchil joriy etish hamda xalqaro hamkorlar bilan samarali aloqalarni rivojlantirish borasida tizimli ishlar amalga oshirilmoqda.

Mazkur o‘quv seminari Jamiyat mutaxassislarining zamonaviy bilim va ko‘nikmalarini mustahkamlash, xalqaro tajribani o‘rganish hamda kelgusida moliyaviy hisobotlar sifatini yanada oshirishda muhim ahamiyat kasb etadi.

Global energetika investitsiyalari yangi rekord sari: ustuvor yo‘nalishlar va tendensiyalarXalqaro tahlillarga ko‘ra, 20...
22/06/2026

Global energetika investitsiyalari yangi rekord sari: ustuvor yo‘nalishlar va tendensiyalar
Xalqaro tahlillarga ko‘ra, 2026-yilda global energetika sohasiga yo‘naltiriladigan investitsiyalar hajmi 3,4 trillion AQSH dollariga yetishi kutilmoqda. Bu ko‘rsatkich o‘tgan yilga nisbatan qariyb 5 foizga yuqori bo‘lib, energetika tarmog‘ida amalga oshirilayotgan transformatsiya jarayonlarining jadallashayotganidan dalolat beradi.

Jami investitsiyalarning qariyb 2,2 trillion dollari qayta tiklanuvchi energiya manbalari, atom energetikasi, elektr tarmoqlarini modernizatsiya qilish, energiya saqlash tizimlari va elektrlashtirish loyihalariga yo‘naltirilishi prognoz qilinmoqda. An’anaviy energetika yo‘nalishlari — neft, gaz va ko‘mir sanoatiga esa 1,2 trillion dollar investitsiya kiritilishi kutilmoqda.

So‘nggi yillarda energiya transformatsiyasining asosiy omili iqlim o‘zgarishiga qarshi kurash bo‘lib kelgan bo‘lsa, bugungi k***a energetik xavfsizlikni ta’minlash masalasi ustuvor yo‘nalishga aylanmoqda. Geosiyosiy xatarlarning ortishi va global energiya ta’minoti zanjirlaridagi o‘zgarishlar ko‘plab davlatlarni mahalliy energiya ishlab chiqarish quvvatlarini kengaytirishga undamoqda.

Investitsiyalar tarkibida quyosh energetikasi yetakchi o‘rinlardan birini egallab, ushbu yo‘nalishga 365 milliard dollar yo‘naltirilishi kutilmoqda. Shamol energetikasiga 200 milliard dollar, gidroenergetikaga 75 milliard dollar va atom energetikasiga 80 milliard dollar investitsiya kiritilishi prognoz qilinmoqda.

Elektr tarmoqlarini rivojlantirish va modernizatsiya qilishga 550 milliard dollar, energiya saqlash tizimlariga esa 100 milliard dollar yo‘naltirilishi rejalashtirilgan. Shu bilan birga, energiya samaradorligini oshirish loyihalariga 350 milliard dollar investitsiya jalb etilishi kutilmoqda.

Mutaxassislarning ta’kidlashicha, bugungi k***a global energetika investitsiyalarining qariyb 60 foizi elektr energetikasi bilan bog‘liq yo‘nalishlarga to‘g‘ri kelmoqda. Sun’iy intellekt texnologiyalari va ma’lumotlarni qayta ishlash markazlarining jadal rivojlanishi esa elektr energiyasiga bo‘lgan talabning keskin oshishiga sabab bo‘lmoqda.

Qayta tiklanuvchi energiya manbalari, elektrlashtirish va energiya samaradorligi loyihalariga yo‘naltirilayotgan investitsiyalar ko‘plab mamlakatlarga yoqilg‘i importiga qaramlikni kamaytirish va energetik mustaqillikni mustahkamlash imkonini bermoqda.

Bugungi k***a energiya transformatsiyasi nafaqat ekologik maqsadlarga xizmat qilmoqda, balki iqtisodiy barqarorlikni ta’minlash va tashqi xatarlarga qarshi himoya mexanizmlarini kuchaytiruvchi muhim strategik omil sifatida ham namoyon bo‘lmoqda.

Xishrav GES-2Bda maxsus-taktik o‘quv mashqi muvaffaqiyatli o‘tkazildi“O‘zbekgidroenergo” AJning “Samarqand GESlari kaska...
22/06/2026

Xishrav GES-2Bda maxsus-taktik o‘quv mashqi muvaffaqiyatli o‘tkazildi

“O‘zbekgidroenergo” AJning “Samarqand GESlari kaskadi” filialiga qarashli Xishrav GES-2Bda “Gidrotexnika obyektlarida favqulodda vaziyatlar sodir bo‘lganda obyekt rahbariyati va fuqaro muhofazasi tuzilmalarining harakatlari” mavzusida maxsus-taktik o‘quv mashqi tashkil etildi.

Mazkur o‘quv mashqi favqulodda vaziyatlarning oldini olish, yuzaga kelgan holatlarda tezkor va samarali harakat qilish, shuningdek, obyekt rahbariyati hamda fuqaro muhofazasi tuzilmalarining amaliy tayyorgarligini sinovdan o‘tkazish maqsadida o‘tkazildi.

Tadbirda “O‘zbekgidroenergo” AJ Xavfsizlik va maxsus ishlar boshqarmasidan 1 nafar xodim, Samarqand shahar Favqulodda vaziyatlar boshqarmasi 1-Qutqaruv qismidan 5 nafar xodim va 1 ta maxsus texnika, Milliy gvardiyaning Samarqand shahar bo‘limidan 2 nafar xodim va 1 ta maxsus texnika, Samarqand shahar tez tibbiy yordam xizmatidan 4 nafar xodim va 1 ta texnika, “Hududiy elektr tarmoqlari” AJ Samarqand filialidan 8 nafar xodim va 1 ta maxsus texnika, “Do‘stlik” elektr tarmoqlari korxonasi Urgut filialidan 8 nafar xodim hamda “Samarqand GESlari kaskadi” filiali rahbar xodimlari va fuqaro muhofazasi tuzilmalari vakillari ishtirok etdi.

O‘quv mashqiga jami 70 nafar shaxsiy tarkib va 11 ta maxsus texnika jalb qilindi. Mashg‘ulotlar davomida favqulodda vaziyatlarda hamkor tashkilotlarning o‘zaro muvofiqlashtirilgan harakatlari, qutqaruv va tiklash ishlari, shuningdek, aholi va xodimlar xavfsizligini ta’minlash bo‘yicha amaliy ko‘nikmalar sinovdan o‘tkazildi.

O‘quv mashqi yakunlariga ko‘ra, “O‘zbekgidroenergo” AJning “Samarqand GESlari kaskadi” filiali rahbar xodimlari hamda fuqaro muhofazasi tuzilmalarining obyekt hududida yuzaga kelishi mumkin bo‘lgan favqulodda vaziyatlarning oldini olish va ularning oqibatlarini bartaraf etish bo‘yicha tayyorgarligi yuqori darajada ekanligi qayd etilib, ular “Tayyor” deb baholandi. Mazkur tadbir gidrotexnika inshootlarida xavfsizlikni ta’minlash, favqulodda vaziyatlarga shaylikni oshirish hamda mutasaddi xizmatlar o‘rtasidagi hamkorlikni yanada mustahkamlashga xizmat qildi.

"O‘zbekgidroenergo" AJ tomonidan 2026-yilda faol bosqichga o‘tadigan loyihalar (Infografika)
22/06/2026

"O‘zbekgidroenergo" AJ tomonidan 2026-yilda faol bosqichga o‘tadigan loyihalar (Infografika)

22/06/2026

2026-yil 16-18-iyun kunlari o‘tkazilgan mamlakatning asosiy investitsiya platformasi va mintaqadagi eng yirik ishbilarmonlik forumi – V Toshkent xalqaro investitsiya forumi doirasida “O‘zbekgidroenergo” AJning faol ishtiroki hamda xorijiy kompaniyalar bilan hamkorlik aloqalari namoyon bo‘ldi.

⚡️⚡️ “Gidroproyekt” AJda ijro intizomini yanada kuchaytirish bo‘yicha muhim vazifalar belgilab olindi“Gidroproyekt” AJd...
20/06/2026



⚡️⚡️ “Gidroproyekt” AJda ijro intizomini yanada kuchaytirish bo‘yicha muhim vazifalar belgilab olindi

“Gidroproyekt” AJda o‘tkazilgan yig‘ilishda ijro intizomini so‘zsiz ta’minlash, topshiriq va vazifalarni o‘z vaqtida, sifatli hamda to‘liq bajarish masalalari muhokama qilindi.

Yig‘ilishda “O‘zbekgidroenergo” AJ Boshqaruvi raisining birinchi o‘rinbosari B. Amirsaidov ishtirok etib, gidroenergetika sohasida amalga oshirilayotgan islohotlar va yirik loyihalar ijrosida har bir rahbar va xodimning mas’uliyati yanada ortib borayotganini ta’kidladi.

Shuningdek, O‘zbekiston Respublikasi Prezidentining 2026-yil 1-maydagi PQ–163-son qarori hamda “O‘zbekgidroenergo” AJning tegishli boshqaruv qarori ijrosi doirasida belgilangan vazifalar tahlil qilinib, ularni samarali amalga oshirish, mas’ullarning shaxsiy javobgarligini kuchaytirish va ijro intizomini yangi bosqichga olib chiqish bo‘yicha aniq chora-tadbirlar belgilab olindi.

Kun tartibidagi masalalar yuzasidan “Gidroqurilish buyurtmachi xizmati” MChJ zimmasiga yuklatilgan vazifalar ijrosi, mavjud natijalar va kelgusidagi ustuvor yo‘nalishlar yuzasidan mas’ullarning axborotlari tinglandi.

Yig‘ilish yakunida topshiriqlarni yuzaki bajarish, muddatlarni asossiz kechiktirish va hisobotbozlikka yo‘l qo‘ymaslik zarurligi qayd etilib, barcha vazifalar natijadorlik va mas’uliyat tamoyillari asosida amalga oshirilishi lozimligi ta’kidlandi.

“O‘zbekgidroenergo” AJ   rasmiy sahifalari  👇
Telegram | Facebook | Instagram | YouTube

V Toshkent xalqaro investitsiya forumi doirasida “O‘zbekgidroenergo” AJ xalqaro hamkorlikni kengaytirish bo‘yicha yuqori...
19/06/2026

V Toshkent xalqaro investitsiya forumi doirasida “O‘zbekgidroenergo” AJ xalqaro hamkorlikni kengaytirish bo‘yicha yuqori natijalarga erishdi

V Toshkent xalqaro investitsiya forumi doirasida “O‘zbekgidroenergo” AJ tomonidan AQSHning “77 Construction USA Corp.”, Xitoyning “China Huaneng Group”, Hindistonning “Adani Group”, Yaponiyaning “MUFG Bank”, Germaniyaning “AKA Bank”, Xorvatiyaning “Koncar” va “In Foro Viridi”, Jahon banki guruhi hamda Afg‘oniston Tashqi savdo vazirligi vakillari bilan qator muhim ikki tomonlama uchrashuvlar o‘tkazildi.

Uchrashuvlar natijasida:

— “77 Construction USA Corp.” kompaniyasi bilan istiqbolli loyihalarni "EPC+F" va DXSh shartlarida amalga oshirish imkoniyatlarini muhokama qilindi;

— Jahon banki guruhi bilan istiqbolli loyihalarni imtiyozli moliyalashtirishni jalb qilish, MIGA kafolatlar vositalaridan foydalanish va grant dasturlarida faol ishtirok etishda samarali hamkorlik qilishga kelishildi ;

— “China Huaneng Group” bilan DXSh tamoyili asosida yirik istiqbolli investitsiya loyihalarni amalga oshirish bo‘yicha memorandum imzolandi;

— “Adani Group” kompaniyasi bilan qo‘shma ishchi guruh tashkil etgan holda istiqbolli loyihalarni amalga oshirish bo‘yicha kelishuvga erishildi;

— MUFG Bank va AKA Bank bilan yirik loyihalarni uzoq muddatli moliyalashtirish mexanizmlari muhokama qilindi;

— “Koncar” va “In Foro Viridi” bilan kichik va o‘rta GES loyihalarida hamkorlik yo‘lga qo‘yildi;

— Afg‘oniston tomoni bilan gidroenergetika uskunalarini yetkazib berish va loyihalash bo‘yicha hamkorlik yo‘naslishlari kelishib olindi.

Mazkur forum “O‘zbekgidroenergo” AJ uchun xalqaro hamkorlik geografiyasini sezilarli darajada kengaytirib, yirik investitsiya loyihalarini amalga oshirish bo‘yicha aniq amaliy natijalarni ta’minladi.

“O‘zbekgidroenergo” AJ va “Adani Group” gidroenergetika sohasidagi hamkorlik istiqbollarini muhokama qildiToshkent xalqa...
19/06/2026

“O‘zbekgidroenergo” AJ va “Adani Group” gidroenergetika sohasidagi hamkorlik istiqbollarini muhokama qildi

Toshkent xalqaro investitsiya forumi doirasida “O‘zbekgidroenergo” AJ rahbariyati hamda Hindistonning yirik sanoat va energetika konglomeratlaridan biri hisoblangan “Adani Group” vakili o‘rtasida uchrashuv bo‘lib o‘tdi.

Muzokaralarda “O‘zbekgidroenergo” AJ Boshqaruv raisining birinchi o‘rinbosari Azimjon Axmadjonov, jamiyatning mas’ul mutaxassislari, “Adani Power Middle East Ltd” kompaniyasining xalqaro energetika biznesi bo‘yicha bosh ijrochi direktori Amit Singx hamda O‘zbekiston Respublikasining Hindiston Respublikasidagi Favqulodda va Muxtor Elchisi Sardor Rustambayev ishtirok etdi.

19/06/2026

Gidroenergetika sohasidagi ustuvor loyihalarni amalga oshirish bo‘yicha memorandum imzolandi

Gidroenergetika sohasida xalqaro investitsiya oqimi: “O‘zbekgidroenergo”AJ va AKA Bank muloqoti Toshkent xalqaro investi...
19/06/2026

Gidroenergetika sohasida xalqaro investitsiya oqimi: “O‘zbekgidroenergo”AJ va AKA Bank muloqoti

Toshkent xalqaro investitsiya forumi (TXIF) doirasida “O‘zbekgidroenergo” AJ rahbariyati va Germaniyaning yetakchi eksport-kredit banki — AKA Ausfuhrkredit-Gesellschaft mbH (AKA Bank) vakillari o‘rtasida uchrashuv bo‘lib o‘tdi.

Uchrashuv davomida “O‘zbekgidroenergo” AJ tomonidan mamlakat gidroenergetika sohasini rivojlantirishga qaratilgan investitsiya dasturi taqdim etildi.

Xususan, ekologik barqaror va “yashil” energetika loyihalari, shuningdek, kichik va o‘rta quvvatli gidroelektr stansiyalarni qurish bo‘yicha rejalarga alohida e’tibor qaratildi. Shuningdek, kompaniya tomonidan xalqaro moliya institutlari va tijorat banklari ishtirokida uzoq muddatli va raqobatbardosh moliyalashtirish manbalarini jalb etishga ustuvor ahamiyat berilayotgani ta’kidlandi.

AKA Bank vakillari bankning eksport-kredit agentliklari bilan hamkorlik tajribasi, Germaniya va boshqa mamlakatlardan yuqori texnologik uskunalar yetkazib berishni qo‘llab-quvvatlash hamda energetika sohasidagi investitsiya loyihalarini moliyalashtirish bo‘yicha ko‘p yillik faoliyati haqida ma’lumot berdilar. Shuningdek, bank vakillari “O‘zbekgidroenergo” AJ tomonidan amalga oshirilishi rejalashtirilgan investitsiya loyihalarida ishtirok etishga qiziqish bildirdilar.

Uchrashuv yakunida tomonlar investitsiya loyihalarini moliyalashtirish sohasida o‘zaro hamkorlikni yanada rivojlantirish, istiqbolli yo‘nalishlar bo‘yicha muntazam muloqotni davom ettirish hamda o‘zaro manfaatli sheriklikni mustahkamlashga kelishib oldilar.

Address

Tashkent

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+998712303350

Website

, ,

Alerts

Be the first to know and let us send you an email when O’zbekgidroenergo AJ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to O’zbekgidroenergo AJ:

Shortcuts

Share

Category