ZIYO FORUM

Name: ZIYO FORUM
Address: Улица Кушбеги, 8, Tashkent, UZ
Telephone: +998971952535
Rating: 5

Home
Uzbekistan
Tashkent
ZIYO FORUM

Фонд создан для формирования высококвалифицированног
(1)

18/11/2025

🇺🇿18 noyabr – O‘zbekiston Respublikasining “Davlat bayrog‘i to‘g‘risida”gi Qonuni qabul qilingan kun

Bugun yurtimiz ramzlari orasida alohida o‘rin tutadigan, tariximiz, g‘ururimiz va kelajakka bo‘lgan ishonchimizni mujassam etgan O‘zbekiston Respublikasining Davlat bayrog‘i qabul qilinganiga 34 yil to‘ldi.

Ushbu qutlug‘ sana bilan barchangizni samimiy muborakbod etamiz. Bayrog‘imiz Vatanimizning sha’ni va qadriyatlarining ifodasidir. Qonunda belgilanganidek, uni hurmat qilish har birimizning fuqarolik burchimizdir. Biz ham o‘z faoliyatimizda shu tamoyillarga sodiq qolamiz va bayrog‘imiz hilpirab turgan har bir maskanda Vatan manfaatlarini ulug‘lashda davom etamiz.

11/11/2025

“Ziyo Forum” jamoasi “Samarkand Marathon-2025”da faol ishtirok etdi

2025-yil 9-noyabr kuni YUNESKO Bosh konferensiyasining 43-sessiyasi doirasida Samarqand marafoni bo‘lib o‘tdi. “Ziyo Forum” jamoasi marafonda faol ishtirok etib, jamoaviy ruh va sog‘lom turmush tarziga sadoqatini yorqin namoyon etdi. Fond xodimlari bunday tadbirlarda muntazam ishtirok etib, jamiyatda sportni rivojlantirishga o‘z hissasini qo‘shib kelmoqda.

07/11/2025

Ziyo Forum fondi va “Stixiya” loyihasidan xayriya tashabbusi

Ziyo Forum fondi hamda “Stixiya” loyihasi tashkilotchilari hamkorlikda Mo‘ynoq shahridagi eng qadimiy musiqa maktabi uchun professional musiqa studiyasi tashkil etish maqsadida xayriya aksiyasini boshladi.

Maktabda loyiha uchun mos xona mavjud. Uni zamonaviy studiyaga aylantirish rejalashtirilgan: musiqa asboblari, professional uskunalar, mebel, shovqinni izolyatsiya qilish, akustik tizimlarni o‘rnatish va sozlash, shuningdek mahalliy o‘qituvchini qo‘llab-quvvatlash ko‘zda tutilgan.

Loyiha maqsadi — 150 million so‘m yig‘ish.

Sizning har qanday yordamingiz sahna va musiqani orzu qilayotgan bolalar uchun yangi imkoniyatlar eshigini ochadi.

Xayriya uchun havola: Payme orqali
Loyiha haqida batafsil: stihia.org

22/10/2025

🇺🇿“Milliy diktant” – yoshlar qalbida ona tiliga mehr uyg‘otuvchi loyiha — “Ziyo Forum” fondi direktori Bobur Farmanov

21-oktyabr – O‘zbek tili bayrami kuni, Ilm-fan va ta’lim-tarbiyani rivojlantirish “Ziyo Forum” fondi Yoshlar markazida fond tashabbusi bilan “Milliy diktant” loyihasining birinchi mavsumi bo‘lib o‘tdi. Tadbirda 40 ga yaqin yoshlar ishtirok etib, katta ishtiyoq va g‘ayrat bilan o‘z bilim va savodxonlik darajasini sinovdan o‘tkazishdi. Loyiha nafaqat yozma savodxonlikni, balki ona tiliga bo‘lgan mehr, ehtirom va sadoqatni ham ifoda etdi.

Eng faol va muvaffaqiyatli ishtirokchilar maxsus sovg‘alar, yozuv anjomlari to‘plamlari va sertifikatlar bilan taqdirlandilar. Tadbir yakunida loyihani doimiy ravishda, har chorakda o‘tkazish taklifi ilgari surilib, qo‘llab-quvvatlandi.

Yakuniy natijalarga ko‘ra, “Milliy diktant” loyihasining 1-mavsumida Najmiddinova Nigoraxon faxrli birinchi o‘rinni qo‘lga kiritgan bo‘lsa, ikkinchi va uchinchi o‘rinlarni Nurmaxmatova Firuza hamdaShokirova Nafisa egalladi.

21/10/2025

🇺🇿21-oktabr - O‘zbek tiliga davlat tili maqomi berilgan kun

Bugun bizning faxrimiz – ona tilimizga davlat tili maqomi berilgan kun. Ona tilimiz bizni birlashtiradi, yuragimizga iliqlik beradi. Har bir so‘zi, har bir ohangi biz uchun aziz va muqaddas.

Bir qarasam, har shevangda ming jilolar,
Har novdangda, har mevangda ming jilolar.
Qodiriylar, Cho‘lponlar-u, Abdullolar,
Sening qaytgan kuning — men tug‘ilgan yilim,
Ona tilim, ey muqaddas Ona tilim!

Bayramingiz muborak bo‘lsin, aziz yurtdoshlar!

14/10/2025

“Xalq diplomatiyasi amalda: yosh avlod uchun imkoniyatlar va istiqbollar” mavzusida konferensiya bo‘lib o‘tdi

13-oktyabr 2025-yil kuni Toshkent shahrida “Xalq diplomatiyasi amalda: yosh avlod uchun imkoniyatlar va istiqbollar” mavzusida konferensiya bo‘lib o‘tdi. Tadbir Xalq diplomatiyasi markazi tashabbusi bilan hamda qator tashkilotlar hamkorligida tashkil etildi. Anjumanda davlat va nodavlat tashkilotlar, ta’lim muassasalari va jamoatchilik vakillari faol ishtirok etdi.

Ilm-fan va ta’lim-tarbiyani rivojlantirish “Ziyo Forum” fondi vakillari ham konferensiyada ishtirok etib, yoshlar siyosati, ta’lim tizimi va xalq diplomatiyasini rivojlantirish borasidagi tajriba hamda tashabbuslar haqida ma’lumot berdilar.

Shuningdek, tadbir doirasida yoshlar o‘rtasida ochiq muloqotlar o‘tkazilib, xalqaro hamkorlikni yanada kengaytirish va yosh avlod uchun yangi imkoniyatlar yaratish masalalari muhokama qilindi.

13/10/2025

“Ziyo Forum” fondi vakillari Sankt-Peterburgdagi kreativ iqtisodiyot konferensiyasida ishtirok etishdi

Joriy yilning 8–9-oktabr kunlari Rossiyaning Sankt-Peterburg shahrida Ilm-fan va ta’lim-tarbiyani rivojlantirish “Ziyo Forum” fondi vakillari O‘zbekiston nomidan faol ishtirok etdilar. Tadbir BRICS, SHHT va MDH kabi tashkilotlarga a’zo 32 davlat vakillarini birlashtirdi. Unda kreativ iqtisodiyotning jahon miqyosidagi o‘sish sur’atlari, inson kapitalining rivojlanishdagi roli, sun’iy intellektning ijodiy jarayonlarga ta’siri hamda xalqaro hamkorlikning yangi yo‘nalishlari muhokama qilindi.

Fond direktorining matbuot-kotibi Sirojiddin Bozarov, O‘zbekistonda shakllanayotgan kreativ iqtisodiyot ekotizimi, yoshlarning ijodiy salohiyatini qo‘llab-quvvatlash tashabbuslari hamda xalqaro hamkorlikni rivojlantirish borasidagi tajribalari bilan o‘rtoqlashdi.

Fond ishtiroki yangi hamkorlik aloqalarini yo‘lga qo‘yish, madaniy diplomatiyani kengaytirish va milliy kreativ iqtisodiyot modelini rivojlantirish yo‘lida muhim qadam bo‘ldi.

07/10/2025

Joriy yilning 4-5-oktabr kunlari Ziyо Forum “Maker Fair Tashkent 2025” ko‘rgazmasida da ishtirok etib, innovatsiyalar, ta’lim va yoshlarni rivojlantirish sohalarida o‘z tashabbuslarini taqdim etdi.

Ushbu ko‘rgazmadagi ishtirok tajriba almashuvi va yoshlarni o‘z loyihalarini yaratishga ilhomlantirish imkoniyati bo‘ldi. Ziyo Forum stendida ta’lim dasturlari, fan va texnologiyalar sohasidagi loyihalar, shuningdek, yoshlar g‘oyalarini qo‘llab-quvvatlash bo‘yicha tashabbuslar taqdim etildi.

“Maker Fair Tashkent 2025” muhandislar, dasturchilar, dizaynerlar, rassomlar, havaskor ustalar hamda talabalarni birlashtirdi. Dasturda ishtirokchilarni yangi kashfiyotlarga turtki bo‘ladigan mahorat darslari va yangi innovatsiyalar namoyishlari o‘rin oldi.

06/10/2025

Ilm-fan va ta’lim-tarbiyani rivojlantirish “Ziyo Forum” fondi va Ozarbayjon Respublikasi Yoshlar va sport vazirligi delegatsiyasi bilan uchrashuv bo‘lib o‘tdi.

2025-yil 3-oktyabr kuni “Ziyo Forum” fondi binosida ikki tashkilot o‘rtasida uchrashuv bo‘lib o‘tdi, unda yoshlar siyosati, ta’lim va madaniy almashinuv sohalarida hamkorlik istiqbollari muhokama qilindi.
Yoshlarda liderlik qobiliyatini rivojlantirish, xalqaro muloqotni kengaytirish, xalqlar o‘rtasidagi do‘stlikni mustahkamlashga xizmat qiladigan tashabbuslarni qo‘llab-quvvatlashga qaratilgan qo‘shma loyihalarni amalga oshirish yuzasidan fikr almashildi.
Uchrashuv o‘zaro hurmat va kelgusidagi hamkorlikka tayyorlik ruhida o‘tdi.

30/09/2025

Hurmatli Bobur Baxromovich!

Tavallud kuningiz muborak bo‘lsin! Sizning mehnatingiz va rahbarligingiz biz uchun doim ilhom manbai bo‘lib kelmoqda. Sizning qo‘llab-quvvatlashingiz tufayli ko‘plab yoshlar yangi imkoniyatlarga ega bo‘lmoqda.

Sizga mustahkam sog‘liq, ezgu rejalar va katta muvaffaqiyatlar tilaymiz.

Har doim biz bilan birga bo‘lib, yangi yutuqlarga yetaklashingizni istaymiz!

23/09/2025

«Ziyo Forum» fondi hamda Women in Tech Uzbekistan : Yangi hamkorlik

2025-yil 17-sentabr kuni Ziyo Forum fondi binosida ikki tashkilot o‘rtasida uchrashuv bo‘lib o‘tdi. Tomonlar o‘z tashkilotlarining maqsadlari va loyihalari haqida ma’lumot almashib, hamkorlikni rivojlantirishga kelishib oldilar.

Oldinda nimalar kutmoqda?
— Katta forumlardan tortib kichik uchrashuvlar va vebinarlargacha bo‘lgan qo‘shma tadbirlar.
— Yoshlar va mutaxassislar uchun texnologiya hamda ta’lim sohasida imkoniyatlarni kengaytirish.
— Innovatsiyalar va professional o‘sishni qo‘llab-quvvatlashga qaratilgan yangi hamkorlik formatlari.

17/09/2025

“Bukhara Night Race” 2025-yil 13-sentabrda bo‘lib o‘tdi. Fondimizdan 20dan ortiq xodim 5 va 10 km masofalarda qatnashdi.

Musobaqa 2022-yildan beri o‘tkazilib kelinadi. Ishtirokchilar Ark qal’asidan boshlab, so‘ngra tarixiy ko‘chalardan yugurib o‘tadilar. Bu yil dasturga yangi yo‘nalish — yarim marafon ham qo‘shildi. Shuningdek, 5 km, 10 km, skandinavcha yurish, bolalar poygasi va eko-plogging ham bo‘ldi.

Address

Улица Кушбеги, 8
Tashkent

Telephone

+998971952535

Website

http://ziyoforum.uz/

Alerts

Be the first to know and let us send you an email when ZIYO FORUM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ZIYO FORUM:

Shortcuts

Want your business to be the top-listed Engineering Company in Tashkent?