O'zbekiston Respublikasi Fanlar akademiyasi

16/06/2026

Oʻzbekiston Respublikasi Fanlar akademiyasi tanlov eʼlon qiladi
Oʻzbekiston Respublikasi Fanlar akademiyasi oʻz Ustavining 45-bandiga muvofiq quyidagi ilmiy muassasalar direktorlari lavozimiga tanlov eʼlon qiladi:

Fizika-matematika va texnika fanlari yoʻnalishi boʻyicha:
Yadro fizikasi instituti
S.Azimov nomidagi Fizika-texnika instituti
Materialshunoslik instituti
Ion-plazma va lazer texnologiyalari instituti
V.I.Romanovskiy nomidagi Matematika instituti
Mirzo Ulugʻbek nomidagi Astronomiya instituti
M.T.Oʻrozboyev nomidagi Mexanika va inshootlar seysmik mustahkamligi instituti
Gʻ.O.Mavlonov nomidagi Seysmologiya instituti
Energetika muammolari instituti
Konstruktorlik byurosi va tajribaviy ishlab-chiqarish ilmiy-texnik markazi
RT-70 rasadxonasi
Kimyo-biologiya, tibbiyot fanlari yoʻnalishi boʻyicha:
Umumiy va noorganik kimyo instituti
O.S.Sodiqov nomidagi Bioorganik kimyo instituti
S.Yu.Yunusov nomidagi Oʻsimlik moddalari kimyosi instituti
Mikrobiologiya instituti
Polimerlar kimyosi va fizikasi instituti
Immunologiya va inson genomikasi instituti
Botanika instituti
F.N.Rusanov nomidagi Toshkent botanika bogʻi
Zoologiya instituti
Respublika termitlarga qarshi kurashish markazi
Genetika va oʻsimliklar eksperimental biologiyasi instituti
Genomika va bioinformatika markazi
Ilgʻor texnologiyalar markazi
Xalqaro allergologiya markazi
Ijtimoiy-gumanitar fanlar yoʻnalishi boʻyicha
Tarix instituti
Oʻzbek tili, adabiyoti va folklori instituti
Sharqshunoslik instituti
Sanʼatshunoslik instituti
Antropologiya instituti
Davlat va huquq instituti
Oʻzbekistonning eng yangi tarixi masalalari boʻyicha Muvofiqlashtiruvchi-metodik markaz
Oʻzbekiston tarixi davlat muzeyi
Temuriylar tarixi davlat muzeyi
Navoiy nomidagi Adabiyot davlat muzeyi

Mintaqaviy va hududiy boʻlimlar
Navoiy boʻlimi
Xorazm Maʼmun akademiyasi
Qoraqalpoq gumanitar fanlar ilmiy-tadqiqot instituti
Qoraqalpoq tabiiy fanlar ilmiy-tadqiqot instituti

Fanlar akademiyasi ilmiy muassasalari direktorligiga nomzodlar muhim ilmiy muammolarni hal etish orqali fanni boyitgan yoki fanni rivojlantirishning yangi yoʻllarini belgilash va ilmiy maktab asoslarini yaratish imkonini bergan muhim ilmiy natijalarga erishgan yetakchi va tashkilotchi olimlar – fan doktorlari orasidan koʻrsatiladi.
Bunda Fanlar akademiyasi ilmiy muassasasi rahbarligiga nomzodlar koʻrsatish jarayonida va tanlovning barcha bosqichlarida ularning soʻnggi 5 yil mobaynidagi ilmiy faoliyati samaradorligi va natijadorligiga eʼtibor qaratiladi.
Nomzodlar quyidagi talablarga javob berishi lozim:
Fanni salmoqli ilmiy ishlari bilan boyitgan, respublikaning ilmiy tashkilotlari va oliy taʼlim muassasalarida samarali ilmiy faoliyat olib borayotgan 65 yoshgacha boʻlgan fan doktorlari boʻlishi;
Oʻzbekiston Respublikasi fuqaroligiga ega va kamida soʻnggi 5 yil davomida Oʻzbekiston Respublikasida doimiy ishlagan boʻlishi;
kamida fan doktori ilmiy darajasiga ega boʻlishi;
ilm-fanning muayyan sohasida ilmiy jamoatchilik tomonidan tan olingan, fanni shaxsan oʻzining salmoqli ilmiy natijalari bilan boyitayotgan olim boʻlishi;
joriy etilgan ishlanmalarga egaligi va amaliyotda foydalanilishida bevosita ishtirok etgan boʻlishi;
fundamental, amaliy tadqiqotlar va innovatsion ishlanmalarning ilmiy rahbari ekanligi yoki soʻnggi yillarda shu yoʻnalishdagi ilmiy loyihalarga rahbarlikni amalga oshirgan boʻlishi;
xorijiy va xalqaro ilmiy hamkorlikdagi loyihalarda rahbar boʻlishi yoki ularning bajarilishida ishtirok etishi bilan baholanadi.
Fanlar akademiyasi ilmiy muassasalari rahbarligiga nomzod koʻrsatish uchun arizaga quyidagilar ilova qilinadi:
nomzodning tarjimayi holi;
maʼlumotnoma (obyektivka);
pasport yoki ID karta nusxasi;
3.5x4.5 sm oʻlchamdagi 4 ta fotosurat;
tasdiqlangan mehnat daftarchasining nusxasi;
fan doktori diplomi, mavjud boʻlsa professor attestati nusxalari;
ilmiy ishlarning tasdiqlangan roʻyxati;
xorijda va Oʻzbekistonda nashr etilgan monografiyalar, darslik va oʻquv qoʻllanmalarning 1-2 va oxirgi betlaridan nusxa;
xalqaro, xorijiy va mahalliy patentlarning nusxalari;
nomzod tomonidan fanning muayyan sohasi rivojiga qoʻshgan hissasi, fanni shaxsiy ilmiy yutuqlar va xalqaro ahamiyatga molik natijalar bilan boyitilganligi, shuningdek, uning ilmiy-tashkiliy faoliyati haqidagi maʼlumotnoma (1 bet, 12 pt, Times New Roman shriftida).
Nomzodlarning hujjatlari Fanlar akademiyasining Ilmiy kadrlar boʻlimiga 2026-yilning 15-iyuligacha qogʻoz va elektron variantda quyidagi manzilga topshiriladi:
100047, Toshkent shahri, Oʻzbekiston Respublikasi Fanlar akademiyasi, Ya.Gʻulomov koʻchasi,70 uy, 315-xona, tel.: (71) 236-77-07.

15/06/2026

Oʻzbekiston Respublikasi Fanlar akademiyasida Qirgʻiziston Respublikasi delegatsiyasi bilan uchrashuv boʻlib oʻtdi

Bugun, Oʻzbekiston Respublikasi Fanlar akademiyasida Qirgʻiziston Respublikasining Favqulodda va Muxtor Elchisi Chotonov Duyshonkul hamda Qirgʻiziston Respublikasi Elchixonasi Attashesi Beysheeva Bermet bilan uchrashuv oʻtkazildi. Mazkur tashrif tanishuv va oʻzaro aloqalarni yoʻlga qoʻyish maqsadida amalga oshirildi.

Uchrashuvda Oʻzbekiston Respublikasi Fanlar akademiyasi prezidenti Shavkat Ayupov, Birinchi vitse-prezident - Bosh ilmiy kotib Shamansur Sagdullayev, vitse-prezident Sirojiddin Mirzayev ishtirok etdi.

Muloqot davomida Oʻzbekiston va Qirgʻiziston oʻrtasidagi ilmiy hamkorlikning bugungi holati va uni yanada rivojlantirish istiqbollari muhokama qilindi. Tomonlar akademik aloqalarni mustahkamlash, qoʻshma ilmiy tadqiqotlarni kengaytirish, olimlar va yosh tadqiqotchilar almashinuvini faollashtirish masalalari yuzasidan fikr almashdi.

Shuningdek, uchrashuvda Qirgʻiziston tomonining Shanxay hamkorlik tashkilotiga aʼzo davlatlar Milliy fanlar akademiyalari rahbarlari muloqot platformasini taʼsis etish tashabbusi muhokama qilinib, mazkur yoʻnalishdagi hamkorlik imkoniyatlari koʻrib chiqildi.

Doʻstona va konstruktiv ruhda oʻtgan uchrashuv ikki mamlakat ilmiy muassasalari oʻrtasidagi hamkorlikni yanada mustahkamlashga xizmat qiladi.

13/06/2026

Fanlar akademiyasi faoliyatiga oid haftalik dayjest
(8-13-iyun kunlari)

O‘zbekiston Respublikasi Fanlar akademiyasi Xorazm Ma’mun akademiyasi raisi I. Abdullayev boshchiligidagi delegatsiya Xitoy Xalq Respublikasi Fanlar akademiyasining Shinjon Ekologiya va geografiya institutiga tashrif buyurdi.

Oliy Majlis Qonunchilik palatasida termitlarga qarshi kurashda ilmiy yondashuv va innovatsion texnologiyalar tahlil qilindi.

Fanlar akademiyasi rahbariyati Markaziy bank mutasaddilari bilan uchrashdi.

Fanlar akademiyasi oldidagi dolzarb vazifalar muhokama qilindi.

O‘zbekiston Respublikasi Fanlar akademiyasi Umumiy va noorganik kimyo institutida xalqaro ilmiy hamkorlikni rivojlantirishga bag‘ishlangan muhim uchrashuv bo‘lib o‘tdi.

O‘zbekiston Fanlar akademiyasi vitse-prezidenti boshchiligidagi bir guruh olimlar “Navoiyazot” AJga tashrif buyurdilar va hamkorlikdagi istiqbolli loyihalarni muhokama qildilar.

12/06/2026

O‘zbekiston Respublikasi Fanlar akademiyasiga kelib tushgan murojaatlar tahlili (2026-yil yanvar-iyun oylari holati)

12/06/2026

-fan_integratsiyasi

Fanlar akademiyasi rahbariyati Markaziy bank mutasaddilari bilan uchrashdi

Oʻzbekiston Respublikasi Fanlar akademiyasi rahbariyati hamda Markaziy bank mas’ul vakillari oʻrtasida uchrashuv boʻlib oʻtdi. Uchrashuv davomida ilm-fan va moliya sohasi oʻrtasidagi hamkorlikni yanada rivojlantirish, ilmiy salohiyatni amaliyot bilan uygʻunlashtirish hamda yosh kadrlarni qoʻllab-quvvatlash masalalari muhokama qilindi.

Muloqot chogʻida ikki tomonlama hamkorlikning istiqbolli yoʻnalishlari, xususan, yosh olimlar va tadqiqotchilar uchun Markaziy bank tizimida stajirovka dasturlarini yoʻlga qoʻyish, ilmiy tadqiqotlarni amaliy jarayonlarga integratsiya qilish hamda iqtisodiyot va moliya yoʻnalishlarida ilmiy izlanishlarni qoʻllab-quvvatlash masalalariga alohida e’tibor qaratildi.

Uchrashuv yakunida Fanlar akademiyasi va Markaziy bank oʻrtasidagi hamkorlikni yangi bosqichga olib chiqish, yosh mutaxassislar uchun amaliy tajriba va ilmiy faoliyatni uygʻunlashtiruvchi loyihalarni amalga oshirishga kelishib olindi.

Mazkur hamkorlik ilm-fan yutuqlarini iqtisodiyot va moliya sohasiga keng joriy etish, yosh tadqiqotchilarning kasbiy rivojlanishi hamda mamlakatning innovatsion salohiyatini oshirishga xizmat qiladi.

11/06/2026

DIQQAT! EʼLON!

OʻZBEKISTON RESPUBLIKASI FANLAR AKADEMIYASI TOSHKENT BOTANIKA BOGʻI VA OʻZBEKISTON FANLAR AKADEMIYASI BIRLASHGAN KASABA UYUSHMASI QOʻMITASI hamkorligida Fanlar akademiyasi tizimida faoliyat yuritayotgan olimlar hamda ularning farzandlari uchun sogʻlomlashtirish va madaniy dam olish tadbiri tashkil etilmoqda!

Mazkur tadbir Fanlar akademiyasi tizimidagi olimlar va ularning farzandlarini sogʻlomlashtirish, sogʻlom turmush tarzini keng targʻib etish, xodimlar va ularning oila aʼzolari oʻrtasida doʻstona munosabatlarni mustahkamlash, milliy qadriyatlar hamda anʼanaviy sport oʻyinlarini ommalashtirish, shuningdek, farzandlarning boʻsh vaqtini mazmunli tashkil etish maqsadida oʻtkazilmoqda.

Sizlarni va farzandlaringizni “ILM VA SPORT — INSONNING IKKI QANOTIDIR” shiori ostida oʻtkaziladigan madaniy-sport bayramiga taklif etamiz!

13-IYUN 2026-YIL
SOAT 09:00 DA
TOSHKENT BOTANIKA BOGʻI

Toza havo bagʻrida boʻlib oʻtadigan ushbu bayram dasturidan quyidagilar oʻrin olgan:

Yugurish musobaqalari;
Shashka musobaqalari;
Turnikda tortilish bahslari;
Arqon tortish musobaqasi;
Milliy va xalq oʻyinlari;
Bolalar uchun quvnoq startlar;
Ijodiy mashgʻulotlar va tanlovlar;
Sovrinlar hamda kutilmagan syurprizlar.

Bu nafaqat sport bayrami, balki olimlar, xodimlar va ularning oila aʼzolarini birlashtiruvchi, doʻstlik va hamjihatlikni mustahkamlovchi, sogʻlom turmush tarzini targʻib etuvchi muhim tadbir hamdir.

Gʻoliblar va faol ishtirokchilar tashkilotchilar tomonidan diplom va esdalik sovgʻalari bilan taqdirlanadilar.

Barcha xodimlar, yosh olimlar va ularning farzandlarini ushbu sport va doʻstlik bayramida faol ishtirok etishga chorlaymiz!

KELING, ILM VA SPORTNI BIRLASHTIRGAN USHBU BAYRAMNI BIRGALIKDA NISHONLAYLIK!

09/06/2026

Bir asr avval Germaniyaga yuborilgan oʻzbek talaba yoshlari haqida yangi hujjatlar topildi

Tarixni oʻrganishda arxivlar oddiy hujjatlar saqlanadigan maskan emas. Ular xalqlarning xotirasi, davlatlarning siyosiy qarorlari va tarixiy jarayonlarning asl manbalarini oʻzida mujassam etgan ilmiy xazinalardir. Ayniqsa, Turkiston va Markaziy Osiyo tarixi kabi murakkab davrlarni tadqiq etishda xorijiy arxivlar koʻpincha mahalliy manbalarda uchramaydigan qimmatli maʼlumotlarni saqlab qolgan boʻladi.

Batafsil: https://uza.uz/posts/868294

05/06/2026

Namangan davlat universitetida O‘zbekiston Respublikasi Fanlar akademiyasining Namangan hududiy bo‘limi tantanali ravishda ochildi

Mazkur bo‘lim O‘zbekiston Respublikasi Prezidentining 2025-yil 27-dekabrdagi “O‘zbekiston Respublikasi Fanlar akademiyasi faoliyatini takomillashtirish chora-tadbirlari to‘g‘risida”gi PQ-390-son qarori asosida tashkil etildi.

Tantanali ochilish marosimida O‘zbekiston Respublikasi Fanlar akademiyasi prezidenti, akademik Shavkat Ayupov, O‘zbekiston Respublikasi Fanlar akademiyasi Botanika instituti direktori, akademik Komiljon Tojibayev, Namangan davlat universiteti rektori Abdug‘affor Qirg‘izboyev, Fanlar akademiyasining akademiklari va yetakchi olimlari, universitet professor-o‘qituvchilari, doktorantlari hamda iqtidorli talaba-yoshlar ishtirok etdilar.

Tashrif davomida mehmonlar universitetda yaratilgan zamonaviy ta’lim va ilmiy infratuzilma bilan yaqindan tanishdilar. Xususan, universitetda ta’lim sifatini oshirish yo‘lida amalga oshirilayotgan ishlar, xalqaro hamkorlik aloqalari, talabalarga yaratilgan keng imkoniyatlar hamda Biologik tadqiqotlar markazi faoliyati haqida batafsil ma’lumotlar taqdim etildi.

Fanlar akademiyasining Namangan hududiy bo‘limi faoliyatining yo‘lga qo‘yilishi ilm-fan, ta’lim va ishlab chiqarish integratsiyasini kuchaytirish, hududdagi ilmiy maktablarni rivojlantirish, yosh tadqiqotchilarni qo‘llab-quvvatlash hamda xalqaro ilmiy hamkorlikni kengaytirish yo‘lidagi muhim qadamlardan biri sifatida e’tirof etilmoqda.

Ma'lumot oʻrnida: O‘zbekiston Respublikasi Fanlar akademiyasining Namangan hududiy bo‘limi universitet huzuridagi Biologik tadqiqotlar markazi negizida o‘z faoliyatini olib boradi.

03/06/2026

Oʻzbek olimi Nature Portfolio jurnalida birinchi zoologik maqolani chop ettirdi

Xitoy Fanlar akademiyasi Zoologiya instituti doktoranti Akbarjon Roʻzimov Markaziy Osiyoning noyob va yoʻqolib ketish xavfi ostidagi Amudaryo soxta kurakburun baliqlari bo‘yicha muhim tadqiqot olib bordi hamda Nature Portfolio (https://doi.org/10.1038/s44185-026-00141-w) jurnalida maqolasini birinchi muallif sifatida chop ettirgan ilk oʻzbek olimi bo‘ldi.
Tadqiqot Amudaryoga xos ikki noyob baliq turining soni keskin kamayib borayotgani, genetik xilma-xillik yoʻqolayotgani va ularning yashab qolishiga tahdid solayotgan omillarni aniqladi.
Tadqiqot Xitoy Fanlar akademiyasi Zoologiya instituti va Oʻzbekiston Respublikasi Fanlar akademiyasi Zoologiya instituti hamkorligida amalga oshirildi. 2019–2024-yillar davomida Akbarjon Roʻzimov Amudaryo havzasida ekspeditsiyalar oʻtkazib, ushbu ilmiy ish uchun muhim maʼlumotlar toʻpladi.
Tadqiqot natijalariga koʻra, kichik soxta kurakburun baliqning ayrim shakllari 1996-yildan buyon qayd etilmagan, katta soxta kurakburun baliqda genetik xilma-xillik soʻnggi oʻn yilliklarda 10 barobargacha kamaygan, baliqlarning tana oʻlchamlari qisqargan, noqonuniy ov va yashash muhitining oʻzgarishi davom etmoqda.
Olimlar ushbu noyob turlarni saqlab qolish uchun qonunchilik nazoratini kuchaytirish, suv resurslarini samarali boshqarish, sunʼiy koʻpaytirish dasturlarini kengaytirish va baliq oʻtkazgichlarini qurish kabi qator choralarni taklif qilmoqda.

XFA da tahsil olayotgan oʻzbek olimi sifatida men ikkala institut imkoniyatlarini birlashtirgan holda oʻz mamlakatimning tabiiy boyligi va madaniy ramzi boʻlgan hayvonni oʻrganish uchun noyob imkoniyatga ega boʻldim. Bu maqola bu qadimiy baliqlarni saqlab qolish uchun bizga zarur boʻlgan ilmiy asosdir, — dedi Akbarjon Roʻzimov.

Bu nashr bizning Zoologiya institutimiz va Xitoy Fanlar akademiyasi oʻrtasidagi hamkorlik nimaga erishishi mumkinligini koʻrsatadi. Endi bu topilmalarni Oʻzbekistonning tabiiy merosini himoya qilish uchun amaliy choralarga aylantirishimiz kerak, — dedi prof. Baxtiyor Xolmatov, Oʻzbekiston Respublikasi Fanlar akademiyasi Zoologiya instituti direktori.

03/06/2026

Ortga qaytmas islohotlar / Fanlar akademiyasi Ilg'or texnologiyalar markazi faoliyati

Ilg‘or texnologiyalar markazi olimlari o‘zbek populyatsiyasining “1000 genomi” loyihasi amalga oshirmoqdalar. Bu esa mamlakatimizda personalizatsiyalashgan tibbiyot rivoji uchun mustahkam poydevor yaratadi.

Enjoy the videos and music you love, upload original content, and share it all with friends, family, and the world on YouTube.