Unicon Soft

23/04/2026

O‘quv markazlari va o‘qituvchilarni hamkorlikka chaqiramiz: bilim va hunar o‘rgatish orqali mahkumlar kelajagini o‘zgartiring!

Prezidentimizning tegishli qarorlariga muvofiq https://lex.uz/ru/docs/8099374 , yosh mahkumlarni raqamli va zamonaviy kasblarga o‘rgatishga qaratilgan "Ikkinchi imkoniyat" loyihasiga start beriladi.

Loyihaning asosiy maqsadi:
Yosh mahkumlarni mehnat bozorida talab yuqori bo‘lgan kasb-hunarlarga o‘rgatish, ozodlikka chiqqanidan keyin munosib ish topishiga ko‘maklashish, mustaqil hayotga tayyorlash hamda qayta jinoyat sodir etishining oldini olishdan iborat.

Taklifimiz kimlar uchun?
O‘quv markazlari hamda individual shartnoma asosida ishlashga tayyor o‘qituvchilar uchun. Agar jazoni ijro etish muassasalaridagi mahkumlarga zamonaviy va raqamli kasblarni o‘rgatishga tayyor bo‘lsangiz, takliflaringizni quyidagi shakl orqali yuboring: https://docs.google.com/forms/d/e/1FAIpQLSeL0ciF39mWHgCfK15BH9zCcrON0fXkphWz6BExI2w_Nv9xOg/viewform?usp=dialog

📎Eslatma:
birinchi bosqichda mashg‘ulotlar Toshkent, Qashqadaryo va Navoiy viloyatlaridagi jazoni ijro etish muassasalarining o‘zida tashkil etiladi.

Unutmang! Siz o‘rgatadigan kasb-hunar kimlarningdir hayoti to‘g‘ri yo‘lga tushishiga sabab bo‘lishi mumkin!

31/03/2026

E-huquqshunos elektron platformasining mobil talqini ishga tushirildi

iOS va Android qurilmalar uchun mo‘ljallangan mobil ilovalarni quyidagi havolalar orqali yuklab olishingiz mumkin:
Appstore | Playmarket

Endilikda siz:
hujjatlar bilan bevosita telefon orqali tanishishingiz;

tizimdan istalgan joy va vaqtda foydalanishingiz;

asosiy funksiyalardan qulay mobil formatda foydalanishingiz mumkin;

Mobil ilova bosqichma-bosqich takomillishtirilib, undagi funksiya va imkoniyatlar kengaytirilib boriladi.

18/03/2026

Hurmatli "E-huquqshunos" tizimi foydalanuvchilari!

📲 E-huquqshunos elektron platformasining Mobil talqini ishga tushirildi.

📶 Endilikda siz:

✅ hujjatlar bilan bevosita telefon orqali tanishishingiz

✅ tizimdan istalgan joy va vaqtda foydalanishingiz

✅ asosiy funksiyalardan qulay mobil formatda foydalanishingiz mumkin

ℹ️ Mobil ilova bosqichma-bosqich yangilanib boradi.

🔗 Ilovani Appstore hamda Playmarket orqali yuklab olishingiz mumkin.

13/03/2026

Xitoylik ekspertlar “Raqamli mahalla” tizimini yuqori baholadi

🇨🇳 Xitoy xalq respublikasining kambag‘allikka qarshi kurashish yo‘nalishida katta tajribaga ega yetakchi olimlari — Fudan universiteti professori Van Syaolin, Pekin pedagogika universiteti professori Chjan Si hamda boshqa mutasaddilardan iborat delegatsiya mamlakatimizda joriy etilgan “Raqamli mahalla” platformasi faoliyati bilan yaqindan tanishdi.

🇺🇿 O‘zbekiston mahallalari uyushmasi hamda “Unicon Soft” kompaniyasi tomonidan ishlab chuqilgan tizimning qamrovi, samaradorligi hamda aholiga yaratilgan qulayliklarni mehmonlar tomonidan yuqori baholandi. Xitoyliklar bunday qamrovga ega tizim hozircha XXR amaliyotida ham yo‘lga qo‘yilmagani, shu bois O‘zbekistonning bu boradagi tajribasi e’tiborga loyiq ekanini ta‘kidlashdi.

13/03/2026

Murojaatlar bilan ishlashda “mahalla yettiligi”ning mas’uliyati oshiriladi.

Prezident Virtual qabulxonasida har bir mahalla uchun alohida kabinet ochiladi. Uni yuritishga yoshlar yetakchisi bilan mahalla raisi mas’ul bo‘ladi. Ular kelayotgan murojaatlarning sabablarini o‘rganib, kunlik ma’lumotlarni hokimlarga taqdim qilib boradi.

Mutasaddilarga “Raqamli mahalla” tizimini Prezident Virtual qabulxonasiga to‘liq integratsiya qilish topshirildi.

Bundan buyon murojaatlarni asossiz ravishda quyi tizimlarga ko‘rib chiqish uchun yuborgan tashkilot rahbarlariga keskin chora ko‘rilishi belgilandi.

Murojaatlar to‘g‘risidagi qonunchilik talablarini buzganlik uchun jazo ham kuchaytiriladi.

24/02/2026

📣 Edo.ijro.uz tizimi faoliyati yuzasidan

🧑🏻‍💻 Bugun, 24-fevral kuni ayrim foydalanuvchilardan edo.ijro.uz tizimida soat 09:00-10:00 oralig'ida kuzatilgan tushunmovchiliklar bilan bogʻliq murojaatlar kelib tushdi.

🛠 O‘tkazilgan texnik o‘rganishlar natijasida tizim serverlari hamda dasturiy infratuzilmasida nosozliklar aniqlanmadi. Hozirgi vaqtda tizim respublika bo‘yicha aksariyat davlat tashkilotlarida barqaror ishlamoqda.

🕸 Ayrim foydalanuvchilarda tizimga kirishda kuzatilayotgan uzilishlar respublikaning ba’zi bir internet provayderlari tarmoqlarida yuzaga kelayotgan texnik cheklovlar bilan bog‘liq ekani aniqlandi.

👥 “Unicon Soft” MChJ tomonidan barcha internet provayderlar bilan tezkor aloqaga chiqilib, tarmoqdagi muammolarni bartaraf etish hamda ulanish barqarorligini ta’minlash bo‘yicha texnik tavsiyalar berilmoqda va hamkorlik ishlari olib borilmoqda.

📞 Agar tizimga kirish yoki foydalanish jarayonida muammo yuzaga kelsa, 71-200-46-46 Yagona Call-markaziga murojaat qilishingizni so‘raymiz.

📨 Murojaatlar mutaxassislar tomonidan tezkor tartibda ko‘rib chiqilib, zarur texnik yordam ko‘rsatiladi.

24/02/2026

“Unicon Soft” Yagona call-markazi endi yanada kengaytirilgan tartibda xizmat ko‘rsatadi!

Fevral oyidan boshlab Yagona call-markazi ish vaqti uzaytirildi. Endilikda xizmatlar dushanbadan jumagacha, soat 8:00 dan 21:00 gacha taqdim etiladi. Bu esa tezkor aloqa va muammolarni qisqa muddatda hal etish imkonini yaratadi.

🎧 Call-markaz orqali:
🗣 Ijro.gov.uz;
🗣 Edo.ijro.uz;
🗣 Lawyer.ijro.uz;
🗣 Mahalla.ijro.uz platformalari bo‘yicha texnik yordam ko‘rsatiladi, murojaat va shikoyatlar qabul qilinadi.

Murojaat uchun:
📞 +998 71 200-46-46

16/02/2026

Tadbirda “Unicon Soft” kompaniyasi ham faol ishtirok etdi.

Mazkur tadbir iqtidorli talabalar va ish beruvchilar o‘rtasida samarali muloqot o‘rnatish, bitiruvchilarning kasbiy salohiyatini rivojlantirish hamda ularni mehnat bozoriga puxta tayyorlash maqsadida tashkil etildi.

12/02/2026

Endi adliya organlariga mahalladan turib onlayn murojaat yo‘llay olasiz

“Raqamli mahalla” platformasida “Adliyaga murojaat” funksiyasi ishga tushdi. Endi fuqarolar huquqiy masalalar bo‘yicha mahalla raisi bilan birgalikda adliya organlariga onlayn murojaat yo‘llashi mumkin. Xo‘sh, bu funksiya orqali qaysi turdagi murojaatlarni yuborish mumkin? Bu haqida videorolikda batafsil ma’lumot berilgan.

“Raqamli mahalla” platformasi yordamida adliya organlariga murojaat qilish — huquqiy masalalaringizni ortiqcha vaqt yo‘qotmasdan hal etishning eng qulay yo‘li.

10/02/2026

02/02/2026

UNICON SOFT — davlat va biznes uchun ishonchli AI integrator

Unicon Soft O‘zbekistonda sun’iy intellekt yo‘nalishida to‘liq siklli AI integratsiya xizmatlarini taqdim etadi — infratuzilmadan tortib, amalda ishlayotgan AI tizimlarigacha.

🔹 NVIDIA GPU asosidagi AI serverlar
(H200, B200, B300)
🔹 AI infratuzilmani loyihalash va joriy etish
🔹 Mijoz talabiga mos AI modellar
🔹 Fine-tuning, inference, Big Data va analitika
🔹 ERP, CRM, Billing, Workflow, DWH va API bilan integratsiya

🔐 Axborot xavfsizligi — ustuvor:
— barcha ma’lumotlar yopiq tarmoq ichida
— tashqi bulutlarsiz
— to‘liq on-prem yoki mahalliy GPU infratuzilma
— ma’lumotlar mijoz hududidan tashqariga chiqmaydi

🎯 Biz kimlar bilan ishlaymiz:
davlat tashkilotlari, banklar, moliya sektori, sanoat va yirik biznes.

📞 Bog‘lanish uchun: +998 70 000 77 17
🕘 Ish vaqti: 09:00 – 18:00

29/01/2026

⚡️ Ijro.fvv.uz platformasi bo‘yicha o‘quv-seminarlar o‘tkazildi

🗺 Qoraqalpog‘iston Respublikasi, Sirdaryo, Namangan va Navoiy viloyatlari Favqulodda vaziyatlar boshqarmalarida “Unicon Soft” MCHJ mas’ul xodimlari ishtirokida Ijro.fvv.uz platformasida ishlash tartibi bo‘yicha o‘quv-seminarlar tashkil etildi.

📱 Tadbirlar O‘zbekiston Respublikasi Prezidentining PQ-311-son qarori ijrosini ta’minlash doirasida o‘tkazilib, favqulodda vaziyatlar sohasida monitoring, axborot almashinuvi va prognozlash jarayonlarini yagona raqamli platformaga birlashtirishga qaratildi.

🖥 Seminarlar davomida Ijro.fvv.uz platformasidan samarali foydalanish, hujjat aylanishini to‘liq elektron tizimga o‘tkazish, topshiriqlar ijrosini nazorat qilish hamda ijro intizomini mustahkamlash bo‘yicha amaliy tushuntirishlar berildi.

🗂 Mazkur platforma:
— fuqarolar murojaatlarini tezkor ko‘rib chiqish;
— yuqori turuvchi organlar topshiriqlarini o‘z vaqtida bajarish;
— hamkor tashkilotlar bilan samarali axborot almashinuvini yo‘lga qo‘yish;
— ish jarayonlarini to‘liq raqamlashtirish orqali samaradorlikni oshirishga xizmat qiladi.