22/05/2026
Të nderuar ACN - Midea Kosova,
ECO THERM Gjilan shprehim mirënjohjen tonë më të sinqertë për mikpritjen, organizimin dhe mundësinë e jashtëzakonshme që na ofruat për vizitën në Kinë.
Kjo eksperiencë ishte shumë më tepër se një udhëtim profesional, një mundësi unike për të parë nga afër teknologjinë moderne, proceset e avancuara të prodhimit dhe standardet e larta të cilësisë në industrinë e klimave, p***ave termike, sistemeve VRF dhe zgjidhjeve të tjera inovative.
Të shohësh nga afër përkushtimin, organizimin dhe profesionalizmin në çdo hallkë të prodhimit ishte një motivim i madh për ne dhe një dëshmi e fuqishme e vizionit dhe seriozitetit që përfaqësoni si kompani. Kjo vizitë na dha njohuri të vlefshme, besim edhe më të madh në produktet dhe teknologjinë që përfaqësojmë, si dhe motivim për të vazhduar zhvillimin dhe ofrimin e zgjidhjeve më cilësore për klientët tanë.
Falënderojmë nga zemra gjithë stafin dhe menaxhmentin e ACN - MIDEA Kosova për kujdesin, respektin dhe bashkëpunimin e treguar gjatë gjithë kësaj kohe. Për ne ishte nder dhe privilegj të ishim pjesë e kësaj eksperience kaq të rëndësishme.
Besojmë fuqishëm se bashkëpunimi ynë do të vazhdojë të forcohet edhe më shumë në të ardhmen, me suksese të përbashkëta dhe partneritet afatgjate.🤝🤝
Me respekt dhe mirënjohje të veçantë,
ECO THERM - Gjilan
