06/10/2026
Frigo Deluxe ishte pjesë e takimit të madh ekonomik të zhvilluar në Kehl, Gjermani, organizuar nga Unioni i Bizneseve Shqiptaro-Gjermane, ku u mblodhën rreth 450 kompani, sipërmarrës, organizata dhe përfaqësues institucionesh nga Kosova, Shqipëria, Maqedonia e Veriut, Gjermania, Zvicra, Franca dhe vende të tjera evropiane.
Takimi ishte një mundësi e rëndësishme për shkëmbimin e përvojave, prezantimin e bizneseve dhe krijimin e kontakteve të reja profesionale, me fokus në partneritete, investime dhe mundësi konkrete bashkëpunimi në tregjet evropiane.
Gjatë këtij takimi, Frigo Deluxe prezantoi edhe disa nga partneritetet dhe projektet e realizuara si rezultat i bashkëpunimit ndërmjet anëtarëve të Unionit, duke dëshmuar vlerën konkrete që krijojnë këto lidhje profesionale dhe ekonomike.
Për Frigo Deluxe, pjesëmarrja në një platformë të tillë përfaqëson një mundësi për të zgjeruar rrjetin profesional, për të prezantuar eksperiencën dhe aktivitetin tonë dhe për të krijuar ura të reja bashkëpunimi me biznese dhe profesionistë nga tregje të ndryshme.
Falënderojmë Unionin e Bizneseve Shqiptaro-Gjermane për organizimin dhe mikpritjen, si dhe një falënderim shumë i veçantë u drejtohet sponsorëve tanë Krasniqi GmbH dhe Stern Immo GmbH, të cilët e kanë financuar plotësisht aktivitetin dhe kanë mundësuar realizimin e tij.
045 500 007
[email protected]
www.frigodeluxe.com
🇩🇪
