25/06/2022
Roepstem van die Myn
Ek hoor weer die kraak van die rotse
die knars van 'n hammer se slag
die sweepslag van skrapertoue
weergalm.. In die stikdonker nag
Die blink van sweet op 'n liggaam
n skopgraaf geklem in sy hand
al ritmies en laaiend sy arbeid
vir sy kinders..wat tuis op hom wag
Oorverdowend die klank van masjiene
boorstaal se weerklank teen rots
gespierd in gebukkende houding
verdien hy sy brood..ja sy trots
Polsend weer die bloed deur my are
wat bruisende maal in my kop
die stank en reuk van ou plofstof
hammerslae in my brein laat ontplof
Die klik-klak en kners van staal wiele
ertstrokke oorlopend van rots
die veraf gefluit van n loko
wyl water in die dreine af klots
Dan hoor ek die knal van die skote
skokgolwe wat ruk aan my kleed
die eggo's verdwaal in die grotte
soos stemme van lank lank gelee
André Viktor. ©
Foto. Gary Wiliams
