What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

https://www.facebook.com/1128207507047827/

SRS Mining Enterprise

Home
Ethiopia
Jijiga
SRS Mining Enterprise

Official page of the Somali Regional State Mining Enterprise (SRME). Exploring and Developing Mineral resources for sustainable growth in the Somali Region.

20/10/2026

Masuuliyiinta & Hawl-Wadeenada Shirkadda Macdanta DDS oo khibrad-wadaag ku tagay Korboreeshinka Macdanta Itoobiya (EMC)

Addis Ababa, 10-02-2019T.I.— Wafti ka socda Shirkadda Macdanta DDS, oo uu hoggaaminayo Maareeye Ku-xigeenka Guud Inj. Maxamed Axmed, ayaa booqasho khibrad-wadaag ah ku tagay Korboreeshinka Macdanta Itoobiya (Ethiopian Minerals Corporation, EMC), oo la aasaasay sannadkii 1942-kii.

EMC oo leh 84 sano oo waayo-aragnimo ah oo ku saabsan horumarinta iyo ganacsiga macdanta Itoobiya ayaa fursad muhiim ah u ah Shirkadda Macdanta DDS si ay aqoon iyo casharro uga korodhsato waayo-aragnimada korboreeshinka.

Waftigu waxa uu booqday waaxyaha sahaminta iyo adeegyada shaybaadhka, horumarinta iyo wax-soo-saarka macdanta, ganacsiga iyo maalgashiga, dhagaxyada qaaliga ah iyo kuwa qurxinta, iyo qaybaha cududa shaqaalaha, xisaabaadka iyo maamulka hantida.

Khibrad-wadaaggan ayaa la filayaa inuu xoojiyo aqoonta iyo awoodda farsamo iyo maamul ee Shirkadda Macdanta DDS, si kor loogu qaado horumarinta iyo ka faa’iidaysiga khayraadka macdanta ee Deegaanka Soomaalida.

19/10/2026

Masuuliyiinta & Hawl-Wadeenada Shirkadda Macdanta Deegaanka Soomaalida oo khibrad-wadaag ku tagay Shirkadda Macdanta Oromiya (Oromia Mining Group)

Addis Ababa, 9-02-2019T.I— Wafti ka socda Shirkadda Macdanta ee Dowlad Deegaanka Soomaalida ayaa kulan khibrad-wadaag ah la yeeshay masuuliyiinta Shirkadda Macdanta Oromiya, kaas oo diiradda lagu saaray is-weydaarsiga aqoonta iyo waayo-aragnimada la xidhiidha horumarinta khayraadka macdanta.

Waftiga oo uu hoggaaminayay Maareeye Ku-xigeenka Guud ee Shirkadda Macdanta DDS, Inj. Maxamed Axmed, ayaa kulanka kaga hadlay sidii ay uga faa’iidaysan lahaayeen waayo-aragnimada ay u leeyihiin hawlaha waxsoosaarka macdanta, maamulka shirkadaha macdanta iyo horumarinta maalgashiga qaybta macdanta.

Kulankani waxa uu sidoo kale fursad u yahay xoojinta xidhiidhka iyo iskaashiga labada shirkadood, is-weydaarsiga aqoonta iyo waayo-aragnimada, iyo raadinta habab lagu horumarin karo qaybta macdanta, si ay door muuqda uga qaadato koboca dhaqaalaha, Shaqo abuurka iyo horumarka waara.

14/10/2026

Waxaan soo bandhignay daraasaadadii aan samaynay ee macdanta kala duwan ee deegaanka, iyadoo la ansixiyay qorshaha 2019 T.I. Iyadoo aan dardargalin doono shaqooyinka Shirkadda— Inj. Muxiyadiin Macalin

14/10/2026

Shirkadda Macdanta DDS ayaa soo bandhigtay wax-qabadkeedii saddexdii bilood ee la soo dhaafay

Jigjiga, Shirkadda Macdanta Dawlad Deegaanka Soomaalida (DDS) ayaa kulan lagu soo bandhigayey wax-qabadkeeda saddexdii bilood ee la soo dhaafay ku yeelatay xarunta Madaxtooyada DDS.

Kulanka oo ay ka qaybgaleen Guddiga Sare ee Shirkadda Macdanta, uuna hoggaaminayey Madaxa Xafiiska Madaxweynaha DDS, Mudane Xuseen Xaashi Qaasim (Ph.D.), ayaa Inj. Muxiyadiin Macalin, Maareeyaha Shirkadda Macdanta DDS, uu ku soo bandhigay warbixinta wax-qabadka shirkadda muddadii saddexda bilood ahayd ee la soo dhaafay.

Warbixinta ayaa diiradda lagu saaray hawlaha shirkadda iyo dadaallada la xidhiidha horumarinta wax-soo-saarka macdanta. Kulanka ayaa sidoo kale lagu qiimeeyey wax-qabadka shirkadda, waxaana la isla qaatay in la sii dardargeliyo hawlaha wax-soo-saarka macdanta iyo shaqooyinka shirkadda.

Dhankiisa, Dr. Xuseen Xaashi Qaasim, ayaa bixiyey jihooyin iyo tilmaamo lagu xoojinayo hawlaha shirkadda, dardargelinta wax-soo-saarka macdanta iyo horumarinta shaqooyinka shirkadda.

Shirkadda Macdanta DDS ayaa kulankan ku muujisay muhiimadda ay leedahay qiimaynta wax-qabadka, xoojinta hawlaha shaqo iyo dardargelinta dadaallada lagu horumarinayo khayraadka macdanta ee deegaanka.

07/10/2026

Deegaanku waxa uu leeyahay macdan badan oo aan laga faa'iidaysan. Shirkaduna waxay ka shaqaynaysaa horumarinta iyo ka faa'iidaysiga khayraadkaad — Inj. Muxiyadiin Macalin

06/10/2026

We are pleased to have our technical staff participating in this important TEM training, strengthening SRSME’s capacity in Exploration, geophysical surveying, GIS-based mapping, and data interpretation.
A valuable step toward building technical capacity and supporting sustainable resource development in the Somali Region.

06/10/2026

Shirkada Macdanta oo soo bandhigtay Qabyo-Qoraalka Qorshaha Ganacsi ee Shanta Sano

Jigjiga, Maskaram 26, 2019 (SRSME) – Shirkadda Macdanta Dowladda Deegaanka Soomaalida (SRSME) ayaa maanta magaalada Jigjiga ku qabatay madal lagu soo bandhigay Qabyo-Qoraalka Qorshaha Ganacsi ee Shanta Sano ee shirkadda.

Madasha waxaa ka qaybgalay bahwadaag iyo dhinacyo kala duwan oo ay khusayso shaqada iyo hawlaha shirkadda.

Intii ay madashu socotay, waxaa la soo bandhigay qodobbada muhiimka ah ee ku jira Qabyo-Qoraalka Qorshaha Ganacsi ee Shanta Sano, iyadoo ka qaybgalayaasha loo soo bandhigay jihada iyo qorshayaasha shirkadda ee muddada shanta sano ee soo socota.

Bahwadaagta ka qaybgalay madasha ayaa fursad u helay inay ka dhiibtaan fikradahooda, talooyinkooda iyo talo-bixintooda ku aaddan qabyo-qoraalkan.

Shirkaddu waxay sheegtay in talooyinka iyo aragtiyada laga soo jeediyay madasha lagu dari doono dukumentiga kama-dambaysta ah ee Qorshaha Ganacsi ee Shanta Sano.

Qorshahan ayaa lagu tilmaamay inuu yahay mid lagu hagayo jihada iyo hawlaha shirkadda ee shanta sano ee soo socota, gaar ahaan horumarinta iyo ka faa’iidaysiga khayraadka macdanta ee Deegaanka Soomaalida.

Ugu dambayntii, SRSME ayaa sidoo kale xustay muhiimadda ay leedahay wadashaqaynta bahwadaagta iyo dhinacyada ay khusayso si loo xaqiijiyo hirgelinta qorshayaasha shirkadda.

Wadashaqayn Wacan – Khayraadkeennu Waa Fursaddeenna.

12/09/2026

Masuuliyiin iyo khubaro ka socota Shirkadda Macdanta DDS ayaa kormeer iyo sahamin hordhac ah ku sameeyay goobaha laga qodo laguna farsameeyo dahabka ee ku yaalla Degmada Awbare.

Waftiga oo uu Hoggaaminayay Ku-xigeenka Maareeyaha Guud ee Shirkadda Macdanta DDS, Eng. Mahamed Ahmed, ayaa kormeeray godadka macdan-qodista, dhagaxa macdantu ku jirto, mashiinnada burburinta / Crusher iyo hababka ay isticmaalaan iskaashatooyinka macdanta ka shaqeeya.

Kooxdu waxay samaysay indho-indhayn geological ah, qiimayn farsamo iyo muunad-qaadis lagu ogaanayo xaaladda guud iyo calaamadaha macdanaysiga ee goobaha macdanta .

Kormeerkan ayaa qayb ka ah dadaallada Shirkaddu ugu diyaar-garoobayso sahamin faahfaahsan, daraasaad iyo Horumarinta khayraadka Macdanta, si loogu beddelo Shaqo-abuur, Dakhli iyo Horumar waara.

11/09/2026

OO KULAN WACYIGELIN & WADA-TASHI LA QAADATAY ISKAASHATOOYINKA MACDANTA ee DEGMADA AWBARE

Awbare: Shirkadda Macdanta DDS, oo kaashanaysa Maamulka Degmada Awbare, ayaa kulan wacyigelin iyo wada-tashi ah la qaadatay iskaashatooyinka iyo hawl-wadeennada waxsoo-saarka dahabka ee degmada Awbare.

Kulankan oo ujeedadiisu ahayd, Isbarasho, Iskaashi & Wadashaqayn ayaa diiradda lagu saaray horumarinta wada-shaqaynta & silsiladda qiimaha laga bilaabo qodista iyo waxsoo-saarka ilaa farsamaynta iyo suuq-geynta, iyo sidii loo abuuri lahaa nidaam rasmi ah oo lagu taageero iskaashatooyinka macdanta DDS.

Waftiga Shirkadda waxaa hoggaaminayay -xigeenka Guud ee Shirkadda Macdanta DDS, Eng. Ahmed, waxaana qayb ka ahaa Injineerada cilmiga geology, khubarada sahanka dhulka, macdanta iyo maamulka macdanta.

Waxaa sidoo kale laga wada hadlay badbaadada shaqaalaha & badqabka goobaha macdanta laga qodo, kordhinta wax-soo-saarka, tababarrada, adeegyada shaybaadhka, helitaanka qalabka iyo maalgelinta, iyo dhisidda nidaam hufan oo lagu laguna -geeyo dahabka iyo macdanta kale.

Kulanka ayaa ku soo dhammaaday is-afgarad ku saabsan xoojinta wada-shaqaynta, booqashada goobaha wax-soo-saarka iyo diyaarinta qorshe taageero oo ku salaysan baahiyaha dhabta ah ee iskaashatooyinka macdanta kahawlgala.

Shirkadda Macdanta DDS waxaa ka go’an horumarinta khayraadka macdanta DDS si masuuliyad, badbaado iyo faa’iido wadaag leh, loogana qaybqaato shaqo-abuurka iyo kobaca dhaqaalaha deegaanka.

25/08/2026

Shirkadda Macdanta Dowlad Deegaanka Soomaalida ayaa wada dadaalo lagu xoojinayo Sahannada iyo Daraasadada Khayraadka Macdanta

Jigjiga, 12/19/2018: Shirkadda Macdanta Dowlad Deegaanka Soomaalida waxay si joogto ah u waddaa daraasado dhuleed iyo sahanno macdaneed oo lagu qiimaynayo laguna ogaanayo khayraadka macdanta ee ku jira Deegaanka Soomaalida.

Shirkaddu waxay xoogga saaraysaa in si cilmiyaysan loo baaro dhulka iyo khayraadka macdanta, iyadoo kooxaha sahamintu ay hawlo kala duwan ka wadaan goobo badan oo ka tirsan Deegaanka. Sahannadan ayaa muhiim u ah helidda xog sugan oo lagu ogaan karo noocyada macdanta, halka ay ku jiraan iyo baaxadda khayraadka jira.

Kooxaha Sahaminta ee shirkadda waxay fulinayaan hawlo ay ka mid yihiin sahann dhuleed, khariiradaynta goobaha, ururinta muunadaha dhagaxa iyo ciidda, iyo qiimaynta astaamaha macdanta. Xogta laga helo hawlahan ayaa loo adeegsadaa samaynta qiimayn cilmiyeed ku saabsan awoodda iyo tayada khayraadka macdaneed ee goobaha la baarayo.

Sahannada iyo daraasadada noocan ah ayaa door muhiim ah ka qaata go'aan ka gaadhista goobaha leh fursadaha macdan-baarista, iyadoo xogta cilmiyeed ee la ururiyo ay saldhig u noqon karto qorshaynta mashaariicda mustaqbalka iyo ka faa'iidaysiga khayraadka si nidaamsan.

Shirkadda Macdanta Dowlad Deegaanka Soomaalida waxay sidoo kale doonaysaa in sahannada socda ay gacan ka geystaan fahamka guud ee khayraadka dabiiciga ah ee Deegaanka, si loo helo xog iyo caddeymo cilmiyeed oo lagu horumarin karo waaxda macdanta.

Hawlaha sahaminta ayaa qayb ka ah dadaallada lagu horumarinayo khayraadka macdanta ee Deegaanka Soomaalida, iyadoo ujeeddadu tahay in khayraadka jira loo beddelo fursado horumarineed iyo dhaqaale waara.

Ugu dambayntii, SRSME ayaa sii xoojin doonta sahanka iyo daraasadka macdaneed, iyadoo xoogga saaraysa xog cilmiyeed sax ah, qiimayn dhuleed oo faahfaahsan iyo aqoonsiga fursadaha macdan-baarista ee ka jira Deegaanka Soomaalida.

Soomaalida

Address

Somali Region
Jijiga

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Website

facebook.com

Alerts

Be the first to know and let us send you an email when SRS Mining Enterprise posts news and promotions. Your email address will not be used for any other purpose, and you can unsubscribe at any time.