KEDS Energy

KEDS Energy Kompania Kosovare për Distribuim me Energji Elektrike Kompania Kosovare për Distribuim me Energji Elektrike në Kosovë sh.a. KEDS sh.a.

(KEDS) pronë e kompanive prestigjioze turke Çalik Holding dhe Limak ka nisur operimet më 8 maj 2013. Në bazë të licensave nga Zyra e Rregullatorit të Energjisë, KEDS ka ekskluzivitetin e shpërndarjes së energjisë elektrike në tërë territorin e Kosovës. numëron afro 2000 punëtorë, të cilët janë të përkushtuar që t’iu shërbejnë me profesionalizëm e integritet të lartë të gjithë qytetarëve të Kosovës

, me fokusin e vetëm - për të siguruar zgjidhjet më të mira të energjisë elektrike për të gjithë konsumatorët. KEDS bën shpërndarjen e energjisë elektrike deri te konsumatori i fundit, menaxhon dhe mirëmban asetet në terren. Në kuadër të KEDS janë të përfshira te gjitha linjat e energjisë elektrike të tensionit të mesëm, tensionit të ulët dhe trafostacionet përkatëse me stabilimentet përcjellëse.

⚡️ Rrjet më i sigurt dhe furnizim më cilësor me energji elektrike në LipjanKEDS ka përfunduar projektet “Smallushë I (TS...
31/08/2026

⚡️ Rrjet më i sigurt dhe furnizim më cilësor me energji elektrike në Lipjan

KEDS ka përfunduar projektet “Smallushë I (TS e Vjetra), Smallushë II (Hyseni), Smallushë II (Hyseni) – TS i Ri dhe Smallushë Poturët”, në Komunën e Lipjanit.

🔌 Në kuadër të këtyre projekteve është modernizuar rrjeti i tensionit të ulët dhe të mesëm, me fokus në rritjen e sigurisë, qëndrueshmërisë dhe përmirësimin e cilësisë së furnizimit me energji elektrike.

Në kuadër të investimit janë:
• Zëvendësuar shtyllat ekzistuese prej druri dhe betoni me 180 shtylla të reja prej betoni;
• Implementuar rrjet ajror i tensionit të ulët dhe të mesëm;
• Ndërtuar edhe një pjesë e rrjetit të tensionit të ulët nëntokësor;
• Instaluar 2 transformatorë, me kapacitet prej 100 kVA dhe 400 kVA.

💶 Vlera e investimit: 223,622.97 €
👥 Qindra konsumatorë përfitojnë drejtpërdrejt nga ky projekt.

Me investime të tilla, KEDS vazhdon të modernizojë infrastrukturën energjetike dhe të krijojë një rrjet më të sigurt, më të qëndrueshëm dhe më efikas për konsumatorët.

⚡ NJOFTIM ME RËNDËSI NGA KEDSKEDS po zhvillon punime të rëndësishme në rrjetin elektrik të Prishtinës, në kuadër të proc...
28/08/2026

⚡ NJOFTIM ME RËNDËSI NGA KEDS

KEDS po zhvillon punime të rëndësishme në rrjetin elektrik të Prishtinës, në kuadër të procesit të transformimit të rrjetit të tensionit të mesëm nga 10 kV në 20 kV. 🔌

Këto punime përfshijnë edhe konfigurimin e rrjetit në formë unaze, duke mundësuar që pjesë të ndryshme të rrjetit të kenë alternativa furnizimi nga burime të ndryshme. Për shkak të kompleksitetit dhe shtrirjes së këtyre ndërhyrjeve, punimet në terren mund të zgjasin dhe të kërkojnë ndërprerje të planifikuara të furnizimit përkohësisht. 🏡💡

Investimi synon rritjen e kapacitetit dhe fleksibilitetit të rrjetit, përmirësimin e cilësisë së furnizimit dhe, mbi të gjitha, reduktimin e kohëzgjatjes dhe ndikimit të ndërprerjeve në të ardhmen.⚡️

KEDS kërkon mirëkuptimin e konsumatorëve gjatë realizimit të këtyre punimeve, të cilat janë pjesë e modernizimit të rrjetit shpërndarës elektrik të kryeqytetit. 🙏🏻

📍 Vizitoni linkun më poshtë për të parë punimet që po zhvillohen në zonën tuaj:

https://www.keds-energy.com/shq/punime-ne-rrjet/njoftime-per-punime-ne-rrjet/

25/08/2026

Për Mbrojtjen dhe Sigurinë në Punë

Si Sindikatë, vlerësojmë lart angazhimin e KEDS/KESCO në fushën e mbrojtjes dhe sigurisë në punë. Kompania ka ndërtuar një qasje serioze dhe profesionale, veçanërisht në trajnimin e vazhdueshëm të punëtorëve, parandalimin e rreziqeve dhe ruajtjen e shëndetit dhe sigurisë së tyre.

Për ne, siguria e punëtorit është prioritet dhe përgjegjësi e përbashkët. Trajnimet e rregullta, pajisjet mbrojtëse, vetëdijesimi dhe masat parandaluese janë elemente thelbësore për krijimin e një ambienti të sigurt pune.

Nga këndvështrimi sindikal, vlerësojmë se KEDS/KESCO ka bërë hapa të rëndësishëm dhe është ndër kompanitë që i kushton vëmendje të veçantë sigurisë, shëndetit dhe mirëqenies së punëtorëve.

Megjithatë, ne si Sindikatë do të vazhdojmë të kërkojmë që standardet e sigurisë të avancohen vazhdimisht, sepse asnjë objektiv pune nuk është më i rëndësishëm se kthimi i çdo punëtori shëndoshë e mirë në familjen e tij.

Investime në rrjetin elektrik në Gjakovë ⚡️Në kuadër të përmirësimit të cilësisë dhe sigurisë së furnizimit me energji e...
24/08/2026

Investime në rrjetin elektrik në Gjakovë ⚡️

Në kuadër të përmirësimit të cilësisë dhe sigurisë së furnizimit me energji elektrike, po realizojmë Projektin TS Dobrosh Kallavaj. 🏡

💶 Vlera e projektit është 50,028.61 euro

Projekti synon rikonstruktimin dhe modernizimin e rrjetit të tensionit të mesëm dhe tensionit të ulët rritjen e kapacitetit dhe sigurisë së furnizimit, si dhe përmirësimin e nivelit të tensionit për konsumatorët e kësaj zone.

🔹 Rreth 1.3 km rrjet i tensionit të mesëm do të rikonstruktohet përmes vendosjes së kabllos ajrore dhe shtyllave të betonit.
🔹 Rreth 900 m rrjet i tensionit të ulët do të rikonstruktohet.
🔹 Do të ndërtohet një trafostacion i ri, i tipit trafoshtyllë metalike, me kapacitet 160 kVA.

Aktualisht, punimet janë në fazën e shtrirjes së kabllos së tensionit të ulët. ⚡️

Me përfundimin dhe energjizimin e projektit, konsumatorët e kësaj zone do të përfitojnë nivel më të mirë të tensionit, furnizim më të sigurt dhe më të besueshëm, si dhe më pak ndërprerje të energjisë elektrike.💡

🌍⚡ Harta Interaktive për e !KEDS ka publikuar hartën informuese interaktive, përmes së cilës mund të eksploroni lokac...
20/08/2026

🌍⚡ Harta Interaktive për e !

KEDS ka publikuar hartën informuese interaktive, përmes së cilës mund të eksploroni lokacionet dhe kapacitetet e lira për kyçjen e burimeve të ripërtëritshme të energjisë.

Harta është përditësuar me informacionet e fundit për t’u ofruar investitorëve potencialë në fushën e Burimeve të Ripërtëritshme të Energjisë (BRE) një parainformatë të qartë dhe praktike mbi mundësitë ekzistuese për kyçje në rrjet.

👉 Me vetëm disa klikime mund të informoheni për:

✔️ Lokacionet më të përshtatshme për kyçjen e gjeneratorëve të BRE;
✔️ Kapacitetet e lira, ato në operim dhe ato që janë në proces;
✔️ Rajonet ku kyçja mund të realizohet me kosto më të favorshme.

Në hartë janë përfshirë:

✔️ Të gjitha nënstacionet 35/10(20) kV të KEDS;
✔️ Zbarrat 10(20) kV dhe 35 kV të nënstacioneve të KOSTT.

📅 Për transparencë dhe informim sa më të saktë, harta përmban edhe datën e përditësimit të fundit, duke pasqyruar kapacitetet e lira deri në atë moment.

🖱️ Eksploro mundësitë dhe gjej lokacionin më të përshtatshëm për investimin tënd në energjinë e gjelbër. 🌱

👉 Eksploje hartën këtu:
https://www.keds-energy.com/shq/sherbimet/gjeneratoret/

⚡️ Investim në rrjetin elektrik në Prizren – “Dalja 10 kV Hoqa e Qytetit”KEDS po vazhdon të investojë në modernizimin dh...
19/08/2026

⚡️ Investim në rrjetin elektrik në Prizren – “Dalja 10 kV Hoqa e Qytetit”

KEDS po vazhdon të investojë në modernizimin dhe përmirësimin e rrjetit elektrik, me qëllim të rritjes së cilësisë, sigurisë dhe qëndrueshmërisë së furnizimit me energji elektrike.

🔌 Përmes projektit “Dalja 10 kV Hoqa e Qytetit”, në Zonën Kadastrale Billushë, Komuna e Prizrenit, po punohet për përmirësimin e infrastrukturës së rrjetit dhe reduktimin e prishjeve e ndërprerjeve të energjisë elektrike në këtë zonë.

Projekti është pothuajse i përfunduar. Aktualisht ka mbetur vetëm një segment i cili përfshin instalimin e 3 shtyllave të reja të çelikut dhe përçuesve, në pjesën ku linja ekzistuese mbështetet në shtylla druri, të cilat janë në gjendje të amortizuar.

Përfundimi i këtij segmenti është i domosdoshëm për energjizimin e pjesës së përfunduar të projektit.

Punimet në këtë pjesë ende nuk kanë mundur të realizohen për shkak të kundërshtimeve dhe pengesave nga pronarët e parcelave nëpër të cilat kalon linja e planifikuar.

📍 Lokacioni: ZK Billushë, Komuna e Prizrenit
💶 Vlera e investimit të realizuar: 278,337.84 €

KEDS mbetet i përkushtuar për të përfunduar projektin dhe për të ofruar një rrjet elektrik më të sigurt, më të qëndrueshëm dhe më të besueshëm për konsumatorët. ⚡️

KEDS vazhdon investimet në rrjetin elektrik Në kuadër të projekteve “Sllovi IV (Shkolla e re)” dhe “Sllovi IV (Shkolla e...
18/08/2026

KEDS vazhdon investimet në rrjetin elektrik

Në kuadër të projekteve “Sllovi IV (Shkolla e re)” dhe “Sllovi IV (Shkolla e re) – TS i Ri”, në Komunën e Lipjanit, KEDS është duke investuar në modernizimin e rrjetit të tensionit të ulët dhe të mesëm, me qëllim të rritjes së sigurisë dhe përmirësimit të cilësisë së furnizimit me energji elektrike për banorët e kësaj zone.

⚡ Pjesa më e madhe e rrjetit do të jetë ajrore, ku shtyllat ekzistuese prej druri po zëvendësohen me 110 shtylla të reja prej betoni, ndërsa një pjesë e rrjetit të tensionit të ulët do të realizohet nëntokësore.

🔧 Projekti përfshin edhe 2 transformatorë 10(20)/0.4 kV, me kapacitet prej 250 kVA.

💶 Vlera e planifikuar e investimit: 142,597.27 €
✅ Vlera e realizuar deri më tani: rreth 116,353.30 €

KEDS vazhdon të investojë në përmirësimin dhe modernizimin e infrastrukturës energjetike, për një rrjet më të sigurt dhe furnizim më cilësor për konsumatorët. 🏡💡

17/08/2026

Ceremonia e diplomimit të gjeneratës se 12-të e KEDS Academy 🎓🎉📚

⚡ Investim që transformon rrjetin energjetik në VushtrriNë kuadër të projektit “Qytet e Fshatra”, në qytetin e Vushtrris...
17/08/2026

⚡ Investim që transformon rrjetin energjetik në Vushtrri

Në kuadër të projektit “Qytet e Fshatra”, në qytetin e Vushtrrisë po realizohet një investim me ndikim të drejtpërdrejtë në përmirësimin e rrjetit elektrik dhe cilësisë së furnizimit.

🔌 Po bëhet shtrirja e kabllove të reja 10 kV, duke mundësuar shpërndarjen më të mirë të ngarkesës përmes dy daljeve të reja, si dhe eliminimin e rrjetit ajror përgjatë rrugës në qytet.

Ky investim do të sjellë një rrjet më të sigurt, më të qëndrueshëm dhe më të përshtatshëm për nevojat e konsumatorëve.

👥 Rreth 2,000 konsumatorë do të përfitojnë drejtpërdrejt nga ky projekt.

🏗️ Më shumë siguri. Më shumë kapacitet. Më shumë qëndrueshmëri.

KEDS vazhdon investimet për një rrjet modern dhe furnizim më cilësor me energji elektrike në çdo qytet dhe fshat. ⚡️

Address

Pristina
10000

Telephone

0800 791 00

Website

Alerts

Be the first to know and let us send you an email when KEDS Energy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KEDS Energy:

Shortcuts

Share

Category