Samorka

27/08/2026

💧 Misstir þú af morgunverðarfundinum „Fráveitutilskipun ESB -séð frá Noregi“?

Upptaka og glærur frá fundinum eru nú aðgengilegar á vef Samorku. Þar fjölluðu Johanne Marie Olaussen frá KS og Elisabeth Lyngstad frá Norsk Vann um tilskipunina frá norsku sjónarhorni.

Við þökkum fyrir sýndan áhuga og VAFRÍS fyrir ánægjulegt samstarf!

👇 Horfðu á upptökuna og nálgastu glærurnar í fréttinni.

Morgunverðarfundurinn „Fráveitutilskipun ESB -séð frá Noregi“ var vel sóttur en hann fór fram í Húsi atvinnulífsins 25. ágúst. Vatns- og fráveitufélag Íslands (VAFRÍS) boðaði til fundarins í samstarfi við Samorku. Á fundinum fjölluðu Johanne Marie Olaussen, sérfræðingur...

25/08/2026

Hvernig hafa orkukerfi Evrópu staðist það öldurót sem ríkir á alþjóðlegum orkumörkuðum?

Eurelectric kynnir árlega greiningarskýrslu sína, Power Barometer 2026, í Brussel þann 30. september. Þar verður farið yfir stöðu og þróun raforkukerfis Evrópu, meðal annars eftirspurn, verð, sveigjanleika og fjárfestingar.

Niðurstöðurnar sýna mikilvægi hreinna og fjölbreyttra orkugjafa. Þrátt fyrir að gasverð hafi hækkað um 41% lækkaði orkuverð í heild að meðaltali um 9%. Að mati Eurelectric hafa raforkukerfi sem byggja á fjölbreyttum og endurnýjanlegum orkugjöfum reynst betur í stakk búin til að takast á við óvissu á alþjóðlegum mörkuðum en markaðir sem reiða sig á jarðefnaeldsneyti.

Á kynningarfundinum verður einnig fjallað um hvernig tryggja megi nægilegt svigrúm í raforkukerfinu fyrir áframhaldandi uppbyggingu endurnýjanlegrar orku.

Samorka er aðili að Eurelectric.

🔗 Nánar um niðurstöðurnar og skráningu á fundinn í fréttinni á vef Samorku:

Eurelectric, samtök rafiðnaðarins í Evrópu, birta árlega greiningarskýrslu sína Power Barometer þann 30. september n.k. og efna þá til kynningarfundar í Brussel þar sem farið verður yfir helstu niðurstöður. Fjöldi framsögumanna og kvenna úr orkugeiranum, frá Evrópusambandinu....

14/08/2026

Uppbygging fráveituinnviða á Íslandi gæti kallað á 80–127 milljarða króna fjárfestingu á næstu árum.

Aron Heiðar Steinsson segir mikilvægt að sveitarfélög vinni saman, samnýti þekkingu og þrói lausnir sem nýtast víðar. Þetta verði að vera sameiginlegt átak þar sem hugvit, samstarf og skynsamleg nýting fjármuna ráða för.

Hlustaðu á Hafdísi Helgu spjalla um fráveitumál nálægrar framtíðar við Aron Heiðar Steinsson og Reyni Sævarsson í nýjasta þætti Lífæða landsins á öllum helstu veitum.

10/08/2026

Ættum við að fara alveg nýjar leiðir í fráveitumálum framtíðarinnar?

🚽 Í klósettinu leynast verðmæti sem gætu nýst sem áburður. Regnvatn þarf ekki endilega að fara í fráveitukerfið og mögulega eru til betri leiðir til að meðhöndla lyfjaleifar en að reyna að ná þeim úr sjónum eftir á.

Reynir Sævarsson leiðtogi í viðskiptaþróun og nýsköpun hjá EFLU veltir upp hvort Ísland eigi að endurhugsa fráveituna frá grunni í stað þess að feta sömu leið og allir aðrir. Hafdís Helga ræðir við hann og Aron Heiðar Steinsson veitustjóra Reykjanesbæjar í nýjasta þætti Lífæða landsins um umfangsmikil verkefni framundan í fráveitum landsins.

🎧 Hlustaðu á nýjasta þátt Lífæða landsins á vef Samorku -hlekkur í athugasemd.

02/07/2026

Í gær heimsóttu starfsmenn Samorku Hellisheiðarvirkjun þar sem við fengum afar góðar móttökur og fróðlega leiðsögn um starfsemina. Það er alltaf dýrmætt að fá tækifæri til að kynnast betur þeirri mikilvægu vinnu sem unnin er á vettvangi og eiga samtöl við það öfluga fagfólk sem heldur tannhjólum samfélagsins gangandi á hverjum degi.

Við þökkum kærlega fyrir frábærar móttökur, góða leiðsögn og skemmtilega heimsókn. Það er bæði fræðandi og hvetjandi að sjá orkukerfið okkar í verki.

02/07/2026

Í nýjasta þætti Lífæða Landsins ræðir Hafdís Helga við Jón Gunnarsson greinanda hjá Samorku og Friðjón Þórðarson framkvæmdastjóra Qair á Íslandi um orkumál í víðu samhengi.

01/07/2026

„Nú reynir á hvort nýjar áherslur um að flýta meðferð mála í rammaáætlun og efla gagnsæi í raforkuviðskiptum skili sér í framkvæmd og leiði ekki bara til enn þyngri stjórnsýslu og frekari tafa,“ segir Hafdís Helga Helgadóttir upplýsingafulltrúi Samorku í skoðanagrein í Viðskiptablaðinu. Þar fer hún yfir eitthvað af því sem áunnist hefur í orkumálum á Alþingi í vetur og þau verkefni sem nú blasa við.

Linkur á greinina í athugasemd.

30/06/2026

„Þetta er miklu minni rússíbanareið en við erum að sjá hjá Evrópubúum.“

Friðjón Þórðarson, framkvæmdastjóri Qair á Íslandi, ræðir í nýjasta þætti Lífæða Landsins, hlaðvarps Samorku hvernig reynslan úr fjármálakerfinu mótaði sýn hans á sveiflur á mörkuðum og hvers vegna hann telur að staða Íslands sé að mörgu leyti frábrugðin þegar kemur að áhrifum alþjóðlegs orkuverðs.

Hlustaðu á Lífæðar Landsins á Spotify og vef Samorku. Linkur í athugasemd.

12/05/2026