Hnit Artelia

04/09/2026

Það var litríkt um að litast hjá Hnit Artelia í dag þegar fjölmargir starfsmenn mættu til vinnu í uppáhaldstreyjunni sinni í tilefni af Treyjudeginum.

Með þátttökunni sýnum við samstöðu með börnum sem glíma við krabbamein og fjölskyldum þeirra. Til að styðja þetta mikilvæga málefni hefur Hnit Artelia ákveðið að styrkja Börn með krabbamein um 2.000 krónur fyrir hvern starfsmann sem mætti í treyju. Á myndina vantar nokkra starfsmenn sem voru fjarverandi vegna vinnu.

Við erum stolt af góðri þátttöku starfsfólksins og því að geta lagt málefninu lið. Á Treyjudeginum erum við öll í sama liði – fyrir börn með krabbamein.

22/07/2026

Hnit Artelia auglýsir eftir fjármálastjóra. Um er að ræða mjög spennandi, en jafnframt krefjandi stöðu þar sem viðkomandi starfar sem hluti af stjórnendateymi Hnits Artelia að uppbyggingu í alþjóðlegu umhverfi.

Við hjá Hnit Artelia leitum að öflugum og framsýnum fjármálastjóra sem vill taka virkan þátt í að móta framtíð fyrirtækisins. Um er að ræða lykilstöðu þar sem fjármálastjóri hefur áhrif á ákvarðanatöku og þróun rekstrar, með áherslu á skilvirka fjármálastýringu ...

03/05/2026

Við hjá Hnit Artelia fórum í síðustu viku í heimsókn í höfuðstöðvar Artelia Group í París.

Það var magnað að upplifa þá breidd og þann kraft sem býr í þessum öfluga hópi. Við fengum kynningu á verkefnum af öllum stærðum og gerðum sem Artelia hefur unnið að um allan heim, og það minnir mann á hversu spennandi þessi tengsl eru fyrir okkur hér heima.

Að hafa aðgang að þessari reynslu og þekkingu gerir vinnuna enn skemmtilegri og opnar dyr að reynslu og þekkingu sem við erum rétt að byrja að kynnast.